ខេត្តបន្ទាយមានជ័យ ៖ នេះបើតាមសេចក្តីរាយការណ៍ឲ្យដឹងថា កាលពីរសៀលថ្ងៃ១៤ ឧសភា ឆ្នាំ២០២១ មានករណីភ្លៀងផ្គរនឹងមានរន្ទះបាញ់សម្លាប់មនុស្សនិងសត្វគោ មាន២ករណីស្ថិតនៅចំណុចផ្សេងគ្នា ។ សេចក្តីរាយការបន្តថា…
ខេត្តបន្ទាយមានជ័យ ៖ នេះបើតាមសេចក្តីរាយការណ៍ឲ្យដឹងថា កាលពីរសៀលថ្ងៃ១៤ ឧសភា ឆ្នាំ២០២១ មានករណីភ្លៀងផ្គរនឹងមានរន្ទះបាញ់សម្លាប់មនុស្សនិងសត្វគោ មាន២ករណីស្ថិតនៅចំណុចផ្សេងគ្នា ។ សេចក្តីរាយការបន្តថា ករណីទី១ ស្ថិតនៅវាលថ្មពិល ខាងលិចភូមិក្នាំង ឃុំណាំតៅ ប្រហែល៥គីឡូម៉ែត្រ វេលារសៀលថ្ងៃខែខាងលើនោះ មានភ្លៀងមួយមេ ហើយមានផ្គរនឹងមានរន្ទះបាញ់ត្រូវមនុស្ស៥នាក់ បណ្តាលឲ្យស្ត្រីម្នាក់ស្លាប់ នៅវាលស្រែ និង ៤នាក់រងរបួស ។ ជនរងគ្រោះទាំង៥ នាក់នោះមាន ៖
១.ឈ្មោះ បឿន សាលន ភេទស្រី អាយុ២៥ឆ្នាំ (ស្លា.ប់)
២.ឈ្មោះ ម៉ាន មាស់ ភេទប្រុស អាយុ៣១ឆ្នាំ (របួសធ្ងន់បញ្ជូនទៅមន្ទីពេទ្យ)
៤.ឈ្មោះ លឿន រតនៈ ភេទប្រុស អាយុ៣១ឆ្នាំ (របួសជើងខាង ឆ្វេងស្រាល)
៤.ឈ្មោះ ឌួង វណ្ណា ភេទប្រុស អាយុ ១៣ឆ្នាំ (របួសធ្ងន់បញ្ជូនទៅមន្ទីពេទ្យ)
៥.ឈ្មោះ បូស សៀវឡី ភេទស្រី អាយុ៣ឆ្នាំ (របួសស្រាល) ជនរងគ្រោះទាំងអស់រស់នៅភូមិក្នាំង ឃុំណាំតៅ ស្រុកភ្នំស្រុក ខេត្តបន្ទាយមានជ័យ ជាមួយគ្នា ។
ករណីទី២.ក្នុងពេលវេលាតែមួយ គឺមានភ្លៀងផ្គរ នឹងមានរន្ទះបាញ់នៅចំណុចវាលស្រែត្រពាំងស្មាច់ ខាងលិចភូមិតាគង់ប្រហែល១ គីឡូម៉ែត្រ បណ្តាលឲ្យងាប់សត្វគោ១ក្បាល ដែលម្ចាស់ឈ្មោះ ជិម សាឃឿត ភេទប្រុស អាយុ៤៧ឆ្នាំ នៅភូមិតាគង់ ឃុំណាំតៅ ស្រុកភ្នំស្រុក ខេត្តបន្ទាយមានជ័យ ។ ដូច្នេះ សបញ្ជាក់ឲ្យឃើញថា សូមបងប្អូនប្រជាកសិករមានការប្រុងប្រយ័ត្ន នៅពេលមានភ្លៀង ផ្គរ និងខ្យល់កន្ទ្រាក់ ព្រោះក្នុងរដូវវស្សាឆ្នាំនេះ គ្រោះធម្មជាតិ(ផ្គររន្ទះ) ហាក់ដូចជាសាហាវណាស់ ៕ ដោយ៖ ឃឹម ប៊ុនណាក់
ចែករំលែកព័តមាននេះ