ខេត្តក្រចេះ៖ ជម្លោះជាមួយនឹងគូដណ្ដឹងតាមទូរស័ព្ទ នារីវ័យជាង២០ឆ្នាំម្នាក់នេះក៏បានសម្រេចធ្វើអត្ត.ឃា.ត ដោយលោតចូលទៅក្នុងទឹកត្រពាំវបណ្តាលឲ្យស្លា.ប់តែម្តង កើតឡើងកាលពីវេលាថ្ងៃត្រង់ថ្ងៃទី១៤ ឧសភា ឆ្នាំ២០២១ ស្ថិតក្នុងក្រុមហ៊ុនមួយកន្លែង នៅស្រុកស្នួល ។
លោកវរសេនីយ៍ឯក ចាន់ សុខគីម អធិការនគរបាលស្រុកស្នួលបានឲ្យដឹងថា៖ នារីរងគ្រោះមាន ឈ្មោះ ផៃ ស្រួយ អាយុ២១ឆ្នាំ ជនជាតិខ្មែរ មានទីលំនៅបច្ចុប្បន្ន ស្ថិតក្នុងភូមិត្រពាំងផ្អេរ ឃុំស្រែខ្ទុម ស្រុកកែវសីមា ខេត្តមណ្ឌលគិរី ដោយលោតទឹកសម្លា.ប់ខ្លួនក្នុងត្រពាំងមួយកន្លែង នៅបរិវេណរបស់ក្រុមហ៊ុនចំការកៅស៊ូ ឈ្មោះសុវណ្ណរាជសី ស្ថិតក្នុងភូមិគ្រញូងសែនជ័យខាងជើង ឃុំគ្រញូងសែនជ័យ ស្រុកស្នួល ខេត្តក្រចេះ ។
លោកអធិការបានបញ្ជាក់ថា នៅវេលា ម៉ោង១១នឹង៣០នាទី សន្តិសុខក្រុមហ៊ុនសុវណ្ណរាជសី បានរាយការណ៍មកសមត្ថកិច្ចប៉ុស្តិ៍នគរបាលរដ្ឋបាលគ្រញូងសែនជ័យថា មានយុវនារីម្នាក់បានធ្វើអត្ត.ឃាត.ដោយលោតទឹកសម្លា.ប់ខ្លួនត្រង់ចំណុចទឹកត្រពាំង នៅក្រុមហ៊ុនរាជសី។ ក្រោយពីទទួលបានដំណឹងនេះភ្លាម សមត្ថកិច្ចជំនាញសហការណ៍ជាមួយប៉ុស្តិ៍នគរបាលរដ្ឋបាលគ្រញូងសែនជ័យបានចុះទៅដល់កន្លែងកើតហេតុធ្វើការពិនិត្យឃើញថា យុវនារីរូបនេះពិតជាស្លា.ប់ដោយឈ្លក់ទឹកប្រាកដមែន និងនៅលើដងខ្លួននៃសាកសព ពុំមានស្លាកស្នាមអ្វី គួរអោយកត់សម្គាល់នោះឡើយ ។
តាមការបំភ្លឺរបស់ឪពុកសាកសពនារីរងគ្រោះបានអោយដឹងថា ក្នុងរយៈពេលប៉ុន្មានថ្ងៃមុននេះគាត់បានឃើញកូនរបស់គាត់ បានឈ្លោះគ្នាជាមួយគូរដណ្តឹងតាមទូរសព្ឌ័មិនដឹងមូលហេតុអីនឹងគ្នានោះទ ។ ហើយនៅថ្ងៃកើតហេតុនេះ គាត់ជាឪពុកបានប្រើកូនស្រីគាត់រូបនេះ ឲ្យទៅទិញម្ហូបយកមកហូបបាយ មិនដឹងថា នាងជិះម៉ូតូចូលទៅក្នុងកន្លែងកើតហេតុនោះទេ។
បើតាមការបំភ្លឺរបស់សាក្សីដែលបានឃើញនៅកន្លែងកើតហេតុបានឆ្លើយទៀតថា រូបខ្លួនកំពុងដើរជៀរជ័រកៅស៊ូក្នុងក្រុមហ៊ុន សុវណ្ណរាជសី ក៏បានឃើញយុវនារីរងគ្រោះ ជិះម៉ូតូមកតែម្នាក់ឯង រួចអង្គុយផឹកស្រាបៀអស់ចំនួន០២កំប៉ុង រួចបានលោតចូលទៅក្នុងទឹកត្រពាំងនោះតែម្ដង ដោយខ្លួនរវល់ជៀរជ័រកៅស៊ូ និងនឹកស្មានតែនារីនោះគេលោតចុះងូតទឹកត្រពាំងលេងធម្មតាមិនដឹងថា គេប្រុងធ្វើអត្ត.ឃាតនោះទេ។
លោកលោកអធិការបន្តថា ក្រោយពីធ្វើការពិនិត្យនៅលើសាកសពរួចមក សមត្ថកិច្ចបានធ្វើកំណត់ហេតុ ប្រគល់សាកសពទៅអោយសាច់ញាតិសាកសព យកទៅធ្វើបុណ្យទៅតាមប្រពៃណីខ្មែរ ។
គួរបញ្ជាក់ផងដែរថា ៖ នារីរងគ្រោះរស់នៅជាមួយឪពុកម្ដាយដែលធ្វើចំការក្នុងទឹកដី ស្រុកកែវសីម៉ា ខេត្តមណ្ឌលគិរី នៅជាប់នឹងព្រំប្រទល់ជាមួយនឹងដីក្រុមហ៊ុនវិនិយោគចំការកៅស៊ូខាងលើនេះ។ ដោយ៖ ប៊ុន លីនណា & ឃឹម ប៊ុនណាក់
អត្ថបទសរសេរ ដោយ
អត្ថបទសរសេរ ដោយ
ចែករំលែកព័តមាននេះ