ដើមឈើយក្សឈ្មោះថា «Sequoia» នៅឧទ្យានជាតិក្បែរទីក្រុងវ៉ាសាលៀ រដ្ឋកាលីហ្វ៊័រនីញ៉ា សហរដ្ឋអាមេរិកកំពុងប្រឈមនឹងការងាប់ដោយសារតែគ្រោះរាំងស្ងួត ។ ដើមឈើអាយុ៣ពាន់ឆ្នាំ និងមានកម្ពស់ជាង៩០ម៉ែត្រ
ដើមឈើយក្សឈ្មោះថា «Sequoia» នៅឧទ្យានជាតិក្បែរទីក្រុងវ៉ាសាលៀ រដ្ឋកាលីហ្វ៊័រនីញ៉ា សហរដ្ឋអាមេរិកកំពុងប្រឈមនឹងការងាប់ដោយសារតែគ្រោះរាំងស្ងួត ។ ដើមឈើអាយុ៣ពាន់ឆ្នាំ និងមានកម្ពស់ជាង៩០ម៉ែត្រទាំងនោះមិនអាចទ្រាំនឹងស្ថានភាពធម្មជាតិបែបនេះបានទេ ។
ក្រុមអ្នកស្រាវជ្រាវជាច្រើននាក់កំពុងតែសិក្សាថាតើហេតុអ្វីបានជាគ្រោះរាំងស្ងួតនៅរដ្ឋកាលីហ្វ៊័រនីញ៉ាធ្វើឱ្យប៉ះពាល់ដល់ដើមឈើយក្ស ដែលចាស់ជាងគេលើផែនដីនេះ ។
ក្រុមអ្នកវិទ្យាសាស្ត្រអះអាងថា ស្លឹករបស់ដើមឈើ Sequoia ចាប់ផ្តើមមានរោគសញ្ញាដែលបង្កឡើងដោយគ្រោះរាំងស្ងួតកើតឡើងជាប្រវត្តិសាស្ត្ររបស់រដ្ឋកាលីហ្វ៊័រនីញ៉ា ។ ចន្លោះប្រហោងពណ៌ត្នោតនៅលើស្លឹកបានកើនឡើងជាងបណ្តាឆ្នាំ មុនៗ។ ដើមឈើទាំងនោះអាចនឹងងាប់ដោយសារកម្តៅ និងភាពរាំងស្ងួតនាពលអនាគត ។
លោកកូរ៉ែន នីឌីក បរិស្ថានវិទូប្រចាំសួន National Park Service និងជាផ្នែកមួយនៃក្រុមស្រាវជ្រាវនិយាយថា «Sequoia ជាប្រភេទដើមឈើស្រស់ស្អាត និងអស្ចារ្យ ។ ដើមខ្លះអាចមានជីវិតជាង៣ពាន់ឆ្នាំ ។ រូបរាង និងការរស់នៅដ៏យូរអង្វែងរបស់វា ចាត់ទុកថាជាពូជឈើតែមួយគត់លើលោក ។ គ្រោះរាំងស្ងួតលើកទី៤ ក្នុងរដ្ឋកាលីហ្វ៊័រនីញ៉ាបានធ្វើឱ្យសីតុណ្ហភាពក្តៅបំផុតត្រូវបានគេកត់ត្រាក្នុងឧទ្យាននេះ ។ បើសិនជាពិភពលោកនៅតែកើនឡើងកម្តៅពីមួយឆ្នាំទៅមួយឆ្នាំនោះ ដើមឈើ Sequoia នឹងបាត់បង់រយៈពេលដ៏ខ្លីខាងមុខ ខណៈក្នុងមួយដើមត្រូវការទឹកជាង៣ពាន់លីត្រឯណោះ ៕
ចែករំលែកព័តមាននេះ