ខេត្តរតនគិរី ៖ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា បានសម្តែងនូវក្តីអាណិតអាសូរជាពន់ពេកចំពោះកុមារីរងគ្រោះមួយរូបនៃអំពើរំលោ.ភសេពសន្ថវៈ និងប៉ុនប៉ងសម្លា.ប់ដោយអារ.ក ដែលបណ្តាលឱ្យក្មេងរងគ្រោះត្រូវបាត់បង់បំពង់សំឡេងអស់មួយជីវិត…
ខេត្តរតនគិរី ៖ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា បានសម្តែងនូវក្តីអាណិតអាសូរជាពន់ពេកចំពោះកុមារីរងគ្រោះមួយរូបនៃអំពើរំលោ.ភសេពសន្ថវៈ និងប៉ុនប៉ងសម្លា.ប់ដោយអារ.ក ដែលបណ្តាលឱ្យក្មេងរងគ្រោះត្រូវបាត់បង់បំពង់សំឡេងអស់មួយជីវិត និងបានអំពាវនាវចំពោះសមត្ថកិច្ចពាក់ព័ន្ធទាំងអស់ សូមផ្តន្ទាទោសជនល្មើសឱ្យបានធ្ងន់ធ្ងរបំផុត ដើម្បីឱ្យសាកសមទៅនឹងការឈឺចាប់របស់ជនរងគ្រោះ។
ក្មេងស្រីរងគ្រោះមានឈ្មោះ ស.ធ.ត អាយុ ១៤ឆ្នាំ ដែលរងគ្រោះដោយការរំលោ.ភសេពសន្ថវៈ និងប៉ុនប៉ងសម្លា.ប់ដោយអារ.ក ធ្វើឱ្យបាត់បង់បំពង់សំឡេងអស់មួយជីវិត ដែលកំពុងសម្រាកព្យាបាលនៅមន្ទីរពេទ្យបង្អែកខេត្តរតនគិរី ។ ដែលហេតុការណ៍ខាងលើនេះ បានកើតឡើងកាលពីថ្ងៃទី ៦ ខែឧសភា ឆ្នាំ២០២១ នៅក្នុងចំការក្រុមហ៊ុនហ័ងអាញ ត្រង់ចំណុចការដ្ឋានទី០៣ ស្ថិតនៅភូមិមុយ ឃុំញ៉ាង ស្រុកអណ្តូងមាស ខេត្តរតនគិរី ។ ជាមួយគ្នានោះ មហាជនក៏សម្តែងនូវការថ្កោលទោសចំពោះទង្វើដ៏ឃោរ.ឃៅមួយនេះ។
បើតាមប្រភពព័ត៌មានពីខុទ្ទកាល័យ សម្តេចកិត្តិព្រឹទ្ធបណ្ឌិត បានឱ្យដឹងថា ដោយក្តីអាណិតអាសូរជាពន់ពេកនោះ នៅថ្ងៃទី ១៤ ខែឧសភា ឆ្នាំ២០២១នេះ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន បានចាត់ឱ្យឯកឧត្តម ថង សាវុន ប្រធានគណៈកម្មាធិការសាខាកាកបាទក្រហមកម្ពុជា ខេត្តរតនគិរី ចុះសួរសុខទុក្ខកុមារីរងគ្រោះដែលកំពុងសម្រាកព្យាបាលនៅមន្ទីរពេទ្យបង្អែកខេត្តរតនគិរី ។
ក្នុងឱកាសនោះ ឯកឧត្តមប្រធានគណៈកម្មាធិការសាខា បានពាំនាំប្រសាសន៍របស់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ដែលផ្តាំផ្ញើការសួរសុខទុក្ខ និងក្តីអាណិតអាសូរជាពន់ពេកចំពោះកុមារីរងគ្រោះ ដែលបានជួបរឿងអកុសលនេះ។ ជាមួយគ្នានេះ ឯកឧត្តម ក៏បានថ្លែងអំណរគុណដល់ក្រុមគ្រូពេទ្យ ដែលបានយកចិត្តទុកដាក់ជួយសង្គ្រោះអាយុជីវិតរបស់ក្មួយស្រីបានទាន់ពេលវេលា «ហើយថ្វីត្បិតតែក្មួយស្រីស្ថិតក្នុងស្ថានភាពធូរស្បើយបន្តិចក៏ពិតមែន តែសូមក្រុមគ្រូពេទ្យ ក៏ដូចជាអាណាព្យាបាល សូមបន្តយកចិត្តទុកដាក់មើលថែក្មួយស្រីឱ្យបានល្អបន្តទៀត» ។
ជាមួយគ្នានោះផងដែរ «ចំពោះករណីនេះ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន បានអំពាវនាវចំពោះសមត្ថកិច្ចពាក់ព័ន្ធទាំងអស់ សូមផ្តន្ទាទោសជនល្មើសឱ្យបានធ្ងន់ធ្ងរបំផុត ដើម្បីឱ្យសាកសមទៅនឹងការឈឺចាប់របស់ជនរងគ្រោះ» ។ ដើម្បីជួយសម្រាលការលំបាកក្នុងជីវភាពរស់នៅ សម្តេចកិត្តិព្រឹទ្ធបណ្ឌិត បានឧបត្ថម្ភជូនដល់គ្រួសារកុមារីរងគ្រោះនូវ អង្ករ ៥០គីឡូក្រាម, មី១កេស, ត្រីខ១យួរ, ទឹកដោះគោឆៅ២យួរ, ទឹកពិសា ១កេស, និងថវិកាចំនួន ៥លានរៀល ។
សូមបញ្ជាក់ថា ក្មេងស្រីម្នាក់ត្រូវបានជនល្មោ.មកាមចាប់រំលោ.ភសេពសន្ថវៈ ហើយអារ.កប៉ុនប៉ងសម្លា.ប់បំបិទមាត់ តែសំណាងនាងនៅសល់ដង្ហើមតឹកៗអាចជួយសង្គ្រោះទាន់ ហើយកំពុងសម្រាកព្យាបាលនៅមន្ទីពេទ្យបង្អែកខេត្ត។ ប្រភពបានឱ្យដឹងថា ក្មេងស្រីរងមានឪពុកឈ្មោះ គីមឡុង អាយុ ៤២ឆ្នាំ ជនជាតិខ្មែរ មុខរបរកម្មករ ម្ដាយឈ្មោះ សុខ ចាន់ អាយុ៣៣ឆ្នាំ ជនជាតិខ្មែរមុខរបរកម្មករ សព្វថ្ងៃរស់នៅភូមិមុយឃុំញ៉ាងស្រុកអណ្ដូងមាស។
គួររំលឹកទៀតថា ជនល្មោ.ភកាមខាងលើនេះមានឈ្មោះ គា ភេទប្រុស អាយុ៤១ឆ្នាំ ជាជនជាតិខ្មែរ មុខរបរកម្មករជៀរជ័រកៅស៊ូ ស្នាក់នៅបណ្តោះអាសន្នក្នុងក្រុមហ៊ុនហង័អាញយ៉ាឡាយ ចំណាក់ស្រុក។ ហើយក្រោយពេលកើតហេតុ ជនល្មើសនោះបានរត់គេចខ្លួនបាត់ស្រមោលភ្លាមៗ រីឯជនរងគ្រោះក៏ត្រូវបានឪពុកម្តាយដឹកយកមកសង្គ្រោះព្យាបាលនៅមន្ទីរពេទ្យបង្អែកខេត្ត។ ហើយខណៈពេលនេះ សមត្ថកិច្ចក៏កំពុងតែស្រាវជ្រាវស្វែងរកចាប់ខ្លួនជនបង្ករូបនោះ ដើម្បីអនុវត្តតាមនីតិវិធី៕
ចែករំលែកព័តមាននេះ