កំពូលឆ្នាំលាភទាំង៦មានសំណាងធំប្រជុំលាភសក្ការៈហូរចូលបីថ្ងៃ តាមក្បួនតម្រាស្តេចហោរចិនសែបានទស្សន៍ទាយថា ឆ្នាំលាភសំដៅយកឆ្នាំដែលមានឫទ្ធិអំណាចខ្លាំងក្លា មានមហាសំណាងតាំងពីកំណើតមក លុះមានវ័យវឌ្ឍនាការធំឡើងកាលណាតែងមានមន្ត្រីតូចធំអ្នកមុខអ្នកការរាប់អានកាន់តែច្រើន ជួយទំនុកបម្រុង ជួយជ្រោមជ្រែងលើកតម្កើងគ្រប់កាលៈទេសៈ រាល់កិច្ចការដែលខ្លួនត្រូវបំពេញ ទោះជាមានឧបសគ្គខ្លះកើតឡើង ក៏នៅតែអាចទម្លុះទម្លាយបានជោគជ័យ ទទួលផលល្អ ។ តាមក្បួនហុងស៊ុយដំឡើងរាសីបានលាតត្រដាងបង្ហាញអំពីឆ្នាំលាភទាំង៦នេះថា លោកអ្នកនឹងមានលេខលាភធំ៣៦៩សំណាងធំបំផុតដែលមិនធ្លាប់មានក្នុងជីវិតលោកអ្នកនៅក្នុងថ្ងៃព្រហស្បតិ៍ សុក្រ សៅរ៍ ទី១៤,១៥,១៦ កណ្តាលខែឧសភានេះ ។
ឆ្នាំលាភទី១- ឆ្នាំវក រាសីខ្ពស់ត្រដែត ដំណើរជីវិតរបស់លោកអ្នកនៅក្នុងរង្វង់បីថ្ងៃកណ្តាលខែនេះល្អប្រសើរខ្លាំងណាស់ ម្ល៉ោះហើយទោះធ្វើអ្វីក៏ដោយឃើញថាជឿនលឿនទៅមុខយ៉ាងគាប់ប្រសើរ ។ សម្រាប់អ្នកប្រកបរបររកស៊ីជួញដូរឃើញថាមានភាពលូតលាស់ជាលំដាប់ ហើយបើចង់ធ្វើអ្វីមួយដែលថ្មីតែងឆ្លើយតបជាផ្លែផ្កាជាផលប្រយោជន៍មកវិញជានិច្ច ។ អ្នកប្រកបរបររកស៊ីជួញដូរ ការធ្វើជំនួញទោះទីជិតឆ្ងាយមានភាពសុខដុមល្អ ។ រីឯសម្ព័ន្ធភាពស្នេហាប្រុសស្រីមានតែការរីកលូតលាស់ទៅមុខ និងកំពុងផ្អែមល្ហែមរកគ្នាប្រពៃណាស់ ។
ឆ្នាំលាភទី២- ឆ្នាំខាល ពណ៌នាំលាភ បៃតង នៅក្នុងរង្វង់បីថ្ងៃកណ្តាលខែនេះជាឱកាសមាសឱកាសប្រាក់ មានលាភមានជ័យមានលុយចូលហូរហៀរ ។ រាល់ការងាររកទទួលទានបានផលចូលមកគ្រប់ទិសទី រីឯអ្នករកស៊ីជួញដូរវិញកាក់កបកាន់តែខ្លាំង បើមានការបើកមុខរបរថ្មីផងគឺពិតជាល្អបំផុតសម្រាប់ឱកាសពិសេសនេះ ។
ឆ្នាំលាភទី៣- ឆ្នាំថោះ នៅក្នុងរង្វង់បីថ្ងៃកណ្តាលខែនេះរាសីខ្ពស់ណាស់ ដំណើរជីវិតរបស់លោកអ្នកល្អប្រសើរខ្លាំង ដូចនេះជាវេលាផ្តល់ផលល្អសម្រាប់លោកអ្នកចាត់ចែងការងារ ផលល្អៗតែងហុចមកវិញយ៉ាងកក់ក្តៅ ។ សម្រាប់អ្នកប្រកបរបររកស៊ីជួញដូរវិញមានការរីកចម្រើនលូតលាស់ទៅមុខលឿន ដូច្នេះជាឱកាសល្អក្នុងការផ្លាស់ប្តូរមុខរបរ ឬបើកធ្វើជំនួញតូចធំបំផុត ។ ការធ្វើដំណើរទៅទីជិតឆ្ងាយ ជួបតែសេចក្តីសុខក្សេមក្សាន្តទាំងពេលទៅនិងត្រឡប់មកវិញ ។
ឆ្នាំលាភទី៤- ឆ្នាំម្សាញ់ ពណ៌នាំលាភ ខៀវ នៅក្នុងរង្វង់បីថ្ងៃកណ្តាលខែនេះលោកអ្នកមានលាភមានសំណាងធំប្រជុំចូលគ្រប់ទិស ។ ការងារអ្វីៗបានសម្រេចដូចបំណងប្រាថ្នា លោកអ្នកមានលាភមានជ័យមានលុយចូលហូរហៀរ ការងាររកទទួលទានគ្រប់ច្រកល្ហកបានកាក់កបខ្លាំងណាស់ ប្រាក់ចូលមកមិនដាច់ ។ អ្នកប្រកបការងាររកស៊ីជួញដូរបានផលចំណេញលើសលប់ និងជោគជ័យគ្រប់កិច្ចការទាំងអស់ ។ ចំណែកសម្ព័ន្ធភាពស្នេហាប្រុសស្រីមានតែភាពផ្អែមល្អែម និងយល់ចិត្តគ្នាល្អណាស់ ។
ឆ្នាំលាភទី៥- ឆ្នាំមមែ លុយចូលឈឹបៗនៅក្នុងរង្វង់បីថ្ងៃកណ្តាលខែនេះ លោកអ្នកមានលាភសំណាងខ្ពស់ មាសប្រាក់ហូរចូលជុំទិស ។ ពណ៌នាំសំណាង ស សំណាងក្នុងរឿងការងារ និងការរកទទួលទាន កិច្ចការទាំងឡាយរីកចម្រើនទៅមុខដោយរលូន ។ សំណាងក្នុងរឿងប្រាក់កាស កាក់កបប្រសើរណាស់ ។ សំណាងក្នុងរឿងស្នេហា គូស្នេហ៍មានភាពល្អូកល្អិនល្អប្រសើពន់ពេក ។
ឆ្នាំលាភទី៦-ឆ្នាំច រាសីខ្ពស់ លុយចូលឈឹបៗនៅក្នុងរង្វង់បីថ្ងៃកណ្តាលខែនេះ លាភសំណាងខ្ពស់ លាភលុយហូរចូលកាន់តែខ្លាំង ។ អ្នកកើតឆ្នាំនេះ ធាតុទឹកអម្រឹត ចិត្តជាបុណ្យ ។ ពណ៌នាំសំណាង ប្រផេះ សំណាងក្នុងរឿងការងារ និងការរកទទួលទានមានលាភចូលច្រើន កិច្ចការទាំងឡាយរីកចម្រើនទៅមុខជាប់ជានិច្ច សំណាងក្នុងរឿងមាសប្រាក់ កាក់កបប្រសើរខ្លាំងណាស់, សំណាងក្នុងរឿងស្នេហា ប្រុសស្រីមានតែភាពល្អូកល្អិន និងយល់ចិត្តគ្នាកាន់តែខ្លាំង ជីវិតស្រស់ថ្លា ៕ សាន សារិន
ចែករំលែកព័តមាននេះ