ប៉ូលិសនៅ Ghatkopar ក្នុងរដ្ឋមុមបៃប្រទេសឥណ្ឌា ទើបតែចាប់ខ្លួនគ្រូមន្តអាគមបោកប្រាស់ម្នាក់ឈ្មោះ Naveen Malik ដែលបានរំលោ.ភកូនស្រីម្ចាស់ផ្ទះ អាយុ២៥ឆ្នាំ ។ វិធីបោកប្រាស់របស់ជននោះ គឺប្រាប់ នារីៗរងគ្រោះថា
ប៉ូលិសនៅ Ghatkopar ក្នុងរដ្ឋមុមបៃប្រទេសឥណ្ឌា ទើបតែចាប់ខ្លួនគ្រូមន្តអាគមបោកប្រាស់ម្នាក់ឈ្មោះ Naveen Malik ដែលបានរំលោភកូនស្រីម្ចាស់ផ្ទះ អាយុ២៥ឆ្នាំ ។ វិធីបោកប្រាស់របស់ជននោះ គឺប្រាប់ នារីៗរងគ្រោះថា មានខ្មោចសណ្ឋិតក្នុងខ្លួននាង ។ ខ្មោចនោះហើយជាអ្នកធ្វើបាបឪពុកនាងឱ្យមានជំងឺ ។ ដូច្នេះត្រូវព្យាបាលជំងឺឪពុកនាងផង ត្រូវកម្ចាត់ខ្មោចសាហាវចេញពីខ្លួននាងផង បើមិនដូច្នេះទេ ទោះឪពុកនាងជាសះស្បើយពីជំងឺក៏គង់តែគាត់ឈឺវិញមិនខាន ។ គ្រូបោកប្រាស់នោះឈ្មោះ Naveen Malik ។
គ្រូមន្តអាគមបោកប្រាស់ព្យាបាលឪពុកដើម្បីរំលោភកូនស្រី
ប៉ូលិសនៅ Ghatkopar បានឱ្យដឹងថា គ្រូបោកប្រាស់ឈ្មោះ Malik ត្រូវនាងក្រមុំ អាយុ២៥ឆ្នាំ ហៅតាមទូរស័ព្ទសុំឱ្យជួយព្យាបាលជំងឺសន្លាក់របស់ឪពុកនាង ព្រោះវេជ្ជបណ្ឌិតប៉ុន្មាននាក់ហើយមើលមិនជាសោះ ។ នាងស្គាល់គ្រូបោកប្រាស់នោះតាមរយៈអ្នកផ្សេងប្រាប់ ។ តាមពិត Malik គ្រាន់តែជាកម្មករប្រចាំការបោសសម្អាតប្រាសាទមួយប៉ុណ្ណោះ តែក្រោយមកគេបែកគំនិតខូចស្លៀកពាក់សដូចអ្នកបួស ហើយនិយាយប្រាប់អ្នកជំងឺឧស្សាហ៍ទៅបន់ស្រន់នៅប្រាសាទនោះថា គេធ្វើចិត្តជាអ្នកបួសហើយ ដើម្បីមានឱកាសសង្គ្រោះអ្នកជំងឺ ផ្សេងៗដែលគ្រូពេទ្យមើលមិនជា ព្រោះគេចេះមន្តអាគមកម្ចាត់ខ្មោច អាចបណ្ដេញខ្មោចប្រភេទណាក៏បាន ។ ជំងឺដោយសារខ្មោចយាយី គ្រូពេទ្យមិនអាចព្យាបាលបានទេ ។
Malik ពេលទៅដល់ផ្ទះអ្នកជំងឺ បានប្រាប់នាងក្រមុំ អាយុ២៥ឆ្នាំជាកូនស្រីម្ចាស់ផ្ទះថា ជំងឺសន្លាក់របស់ឪពុកនាងបណ្ដាលមកពីខ្មោចកំណាចយាយី តែខ្មោចនោះមិនមែននៅក្នុងខ្លួនអ្នកជំងឺនោះទេ គឺនៅក្នុងខ្លួននាងទៅវិញ ។ ដូច្នេះត្រូវព្យាបាលជំងឺរបស់ឪពុកនាងផង ត្រូវកម្ចាត់ខ្មោចចេញពីខ្លួននាងផង ។ តាមពិតជាផែនការរបស់ជននោះ ដើម្បីមានឱកាសចាប់រំលោភនាងក្រមុំ ។ បន្ទាប់ពីទៅមកព្យាបាលបានមួយរយៈ ថ្ងៃមួយ Malik ឱ្យយ័នមួយសន្លឹកទៅអ្នកជំងឺជាឪពុក ដោយប្រាប់អ្នកជំងឺថា ត្រូវដុតយ័ននេះដោយផ្ទាល់ដៃ ហើយទៅដុតនៅកន្លែងស្ងាត់ ឆា្ងាយពីផ្ទះ កាន់តែឆ្ងាយកាន់តែល្អ មិនអាចដុតនៅក្បែផ្ទះបានទេ ។
ពេលអ្នកជំងឺទៅផុត Malik ប្រាប់នាងក្រមុំឱ្យនៅស្ងៀម ចាំគេផ្ដុំមន្តអាគមបណ្ដេញព្រលឹងខ្មោចពីខ្លួននាង ។ ហេតុតែជឿជ្រុលពេក នាងក្រមុំ អាយុ២៥ឆ្នាំខំអង្គុយស្ងៀមបិទភ្នែក ដើម្បីឱ្យគ្រូមន្តអាគមបណ្ដេញខ្មោចចេញពីខ្លួន ។ ដឹងអីគ្រូបោកប្រាស់ផ្លុំមួយផែតចំមុខនាង ស្រាប់តែនាងងងឹតមុខសន្លប់ឈឹងតែម្ដង ដែលជាឱកាសឱ្យគេរំលោភតាមចិត្តគ្មានការរើបម្រះអ្វីទាំងអស់។ មួយម៉ោងក្រោយមក ទើបនារីរងគ្រោះដឹងខ្លួនវិញ ។ នាងបានត្រឹមតែអង្គុយយំពេលឃើញខ្លួនប្រាណននលគក ។ ទោះស្ដាយក្រោយក៏ហួសពេលអស់ទៅហើយ ។ យំឈឺចាប់មួយសន្ទុះ នាងរត់ទៅរកឪពុក និងនិយាយប្រាប់រឿងអាក្រក់ដែលខ្លួនឆ្លងកាត់ ហើយនាំគ្នាទៅប្ដឹងប៉ូលិស ។
គ្រូមន្តអាគមបោកប្រាស់បង្កើតការិយាល័យអាពាហ៍ពិពាហ៍ដើម្បីរំលោភបុគ្គលិកស្រី
តាមការចុះផ្សាយរបស់កាសែតដំណឹងពេលថ្ងៃរបស់ឥណ្ឌា ប៉ូលិសនៅតំបន់ Bolivi ទើបតែចាប់ខ្លួនគ្រូមន្តអាគមបោកប្រាស់ម្នាក់ឈ្មោះ Mahesh Jami អាយុ៤៥ឆ្នាំ ដែលបង្កើតការិយាល័យអាពាហ៍ពិពាហ៍ ដើម្បីមានឱកាសជំរិតទារប្រាក់ និងរំលោភបុគ្គលិកស្រីរបស់ខ្លួន ។
ពេលស៊ើបអង្កេត ប៉ូលិសរកឃើញរូបអាក្រាតកាយរបស់នារីជាច្រើននាក់នៅក្នុងអាល់ប៊ុមរបស់ Mahesh Jami ។ ដូច្នេះទោះបីនារីរងគ្រោះមានការអៀនខ្មាស មិនហា៊នដាក់ពាក្យបណ្ដឹងក៏ប៉ូលិសស្គាល់នារីរងគ្រោះអស់ហើយ ។ នារីរងគ្រោះម្នាក់របស់ការិយាល័យអាពាហ៍ពិពាហ៍និយាយប្រាប់ប៉ូលិសថា នៅថ្ងៃមួយ Jami ហៅនាងចូលកន្លែងធ្វើការរបស់គេ ហើយប្រាប់នាងថាមានខ្មោចកំណាចមួយក្បាលសណ្ឋិតក្នុងខ្លួននាង ទាល់តែធ្វើពិធី Puja បណ្ដេញខ្មោចនោះទើបនាងផុតពីគ្រោះថ្នាក់ ។ គេចេះពិធី Puja សក្តិសិទ្ធិណាស់ ព្រោះគេជាគ្រូមន្តអាគមកំពូលមួយរូប ចាំគេធ្វើឱ្យ ។ ដោយហេតុតែជឿស៊ប់ជននោះថា ជាគ្រូមន្តអាគមកំពូលមែននាងក៏យល់ព្រម ។ ដឹងអីនាងត្រូវចាប់រំលោភតាមចិត្តពេលធ្វើពិធី Puja ។ រំលោភរួចយកទូរស័ព្ទដៃថតរាងកាយដេកអាក្រាតរបស់នាងទៀត ។ ក្រោយមានរូបថតនោះក្នុងដៃហើយ គ្រូមន្តអាគមបោកប្រាស់គំរាមនាង និងបន្តរំលោភនាងទៀត។ ដោយទ្រាំលែងបាន នាងក៏ឈប់ធ្វើការនៅកន្លែងនោះ ។ ប៉ុន្ដែជននោះមិនព្រមលែងនាងសោះ នៅតែបន្ដគំរាមនាង ហើយបង្ខំឱ្យនាងត្រូវតែទៅប្រគល់ខ្លួនប្រាណឱ្យគេ ពេលណាគេត្រូវការសប្បាយ ។
គំរាមរឿងខ្មោចព្រាយ គ្រូបោកប្រាស់រំលោភនារីរងគ្រោះរាប់ឆ្នាំ
គ្រូមន្តអាគមបោកប្រាស់ម្នាក់ទៀតឈ្មោះ Shantilah ទើបតែត្រូវប៉ូលិសចាប់ខ្លួនដែរ ។ គ្រូបោកប្រាស់រូបនោះគំរាមនារីម្នាក់ថា បើមិនព្រមប្រគល់ខ្លួនឱ្យគេរំលោភទេនឹងបញ្ជូនខ្មោចឱ្យទៅកាច់កឪពុកម្ដាយ ព្រមទាំងបងប្អូននាងឱ្យងាប់អស់មួយផ្ទះ ។ ដោយជឿថាជននោះចេះមន្តអាគមខ្លាំងអាចបណ្ដេញខ្មោចព្រាយបានមែន នាងព្រមធ្វើតាមការគំរាម ដោយហៅថ្មើរម៉ាន នាងទៅថ្មើរហ្នឹង តាំងពីឆ្នាំ២០០៦ ដល់ឆ្នាំ២០១៥នេះ ។ មិនត្រឹមតែរំលោភរាងកាយទេ ជននោះថែមទាំងជំរិតទារប្រាក់ពីនាង ២០០លានរូពីទៀត ។ ទីបំផុតនារីរងគ្រោះសម្រេចចិត្តធ្វើអត្តឃាតដោយផឹកថ្នាំពុល ដើម្បីបញ្ចប់ជីវិតអភ័ព្វ ប៉ុន្ដែគេសង្គ្រោះជីវិតនាងបាន ។
ក្រោយត្រូវបានជួយសង្គ្រោះ និងត្រូវចោមរោមសួរពីមូលហេតុចង់ស្លាប់ទាំងនៅក្មេងដូច្នេះ នារីរងគ្រោះដាច់ចិត្តនិយាយចេញមកទាំងអស់ ។ នាងប្រាប់ប៉ូលិសពីអ្វីដែលគ្រូមន្តអាគមបោកប្រាស់ធ្វើលើរូបនាងតាំងពីឆ្នាំ២០០៦មក ។ នាងថាពេលខ្លះជននោះនាំនាងទៅ Manori និង Dashisa ហើយជួលផ្ទះសំណាក់រំលោភនាងអស់ចិត្តទើបត្រឡប់ទៅវិញ ។ អ្វីដែលអាក្រក់ជាងនេះទៅទៀតនោះ គឺពេលខ្លះរំលោភនាងក្នុងរថយន្ដតូចរបស់គេតែម្ដង ៕
ចែករំលែកព័តមាននេះ