រាជធានីភ្នំពេញ ៖ គណៈកម្មាធិការជាតិរៀបចំការបោះឆ្នោត (គ.ជ.ប) បានទទួលស្គាល់ជាផ្លូវការនូវការចុះបញ្ជីគណបក្សនយោ បាយ និងបញ្ជីបេក្ខជនឈរឈ្មោះរបស់គណបក្សហ្វ៊ុនស៊ិនប៉ិច សម្រាប់ចូលរួមបោះឆ្នោតជ្រើសរើសក្រុមប្រឹក្សាក្រុងបូក គោ ខេត្តកំពត បន្ទាប់ពីពិនិត្យលើពាក្យស្នើសុំចុងក្រោយ ។
យោងតាមសេចក្តីប្រកាសព័ត៌មាន គ.ជ.ប បានឲ្យដឹងនៅថ្ងៃទី១២ឧសភាថា គណបក្សនយោបាយមួយចំនួននឹងចូលរួមប្រកួតប្រជែងការបោះឆ្នោតលើកទី១ ដើម្បីជ្រើសរើសក្រុមប្រឹក្សាក្រុងបូកគោនៃខេត្តកំពត នាថ្ងៃទី២៥ ខែឧសភា ឆ្នាំ២០២១ ខាងមុខ រួមមាន ៖
គណបក្សប្រជាជនកម្ពុជា ,គណបក្សសញ្ជាតិកម្ពុជា ,គណបក្សយុវជនកម្ពុជា និងគណបក្សហ្វ៊ុនស៊ិនប៉ិច ។
តាមសេចក្ដីប្រកាសព័ត៌មានរបស់ គ.ជ.ប បានឱ្យដឹងថា «បន្ទាប់ពីសម្រេចទទួលស្គាល់ជាផ្លូវការនូវការចុះបញ្ជីគណបក្សនយោបាយឈរឈ្មោះបោះឆ្នោត និងបញ្ជីបេក្ខជនឈរឈ្មោះគណកម្មការរៀបចំការបោះឆ្នោតខេត្តនឹងរៀបចំការចាប់ឆ្នោតកំណត់លំដាប់ លេខរៀងគណបក្សនយោបាយនៅលើសន្លឹកឆ្នោត ដើម្បីរៀបចំ ការបោះពុម្ពសន្លឹកឆ្នោតសម្រាប់ការបោះឆ្នោតជ្រើសរើសក្រុមប្រឹក្សាក្រុងបូកគោ» ៕
ចែករំលែកព័តមាននេះ