បិដកលេខ១៩ ព្រះសម្មាសម្ពុទ្ធត្រាស់ថា ម្នាលអាវុសោទាំងឡាយ ភិក្ខុក្នុងសាសនានេះរមែងញាំងឆន្ទ:ឲ្យកើតឡើង សង្វាត ប្រារព្ធ ព្យាយាម ផ្គងចិត្ត តម្កល់ចិត្តដើម្បីបិទអកុសលធម៌ទាំងឡាយដ៏លាមក ដែលមិនទាន់កើតឡើងមិនឲ្យកើតឡើងបាន ១ ។
ម្នាលភិក្ខុទាំងឡាយ ចូរអ្នកទាំងឡាយញុំាងឆន្ទ:ឲ្យកើតឡើង សង្វាតប្រារព្វ នូវសេចក្ដីព្យាយាម ផ្គងចិត្ត តម្កល់ចិត្តដើម្បីលះបង់អកុសលធម៌ទាំងឡាយដ៏លាមក ដែលកើតឡើងហើយ១ ញាំងឆន្ទ:ឲ្យកើតឡើង សង្វាតប្រារព្វនូវសេចក្ដីព្យាយាម ផ្គងចិត្ត តម្កល់ចិត្តដើម្បីបណ្ដុះកុសលធម៌ទាំងឡាយដែលមិនទាន់កើត ឲ្យកើតឡើង១ ។
ម្នាលភិក្ខុ ចូរអ្នកទាំងឡាយញាំងឆន្ទ:ឲ្យកើតឡើងសង្វាត ប្រារព្វនូវសេចក្ដីព្យាយាមផ្គងចិត្តតម្កល់ចិត្តដើម្បីឲ្យកុសលធម៌ទាំងឡាយដែលកើតឡើងហើយឲ្យឋិតនៅមិនឲ្យវិនាសទៅ ឲ្យរឹងរឹតតែចម្រើនឡើងធំទូលាយ ចម្រើនឡើងពេញ លេញ នេះហើយជាភារៈរបស់អ្នកបួសក្នុងព្រះពុទ្ធសាសនា ចូរអ្នកទាំងឡាយព្យាយាមប្រារព្ធដោយឆន្ទៈចុះ ៕ សាន សារិន
ចែករំលែកព័តមាននេះ