រាជធានីភ្នំពេញ ៖ អ្នកនាំពាក្យរដ្ឋបាលរាជធានីភ្នំពេញ លោក ម៉េត មាសភក្តី តាមរយៈគណនីហ្វេសប៊ុកផ្លូវការរបស់លោកបានអោយដឹងថា គិតត្រឹមម៉ោង ៩:០០នាទីយប់ សម្រាប់រាជធានីភ្នំពេញ ថ្ងៃទី១២ ឧសភា ២០២១នេះ រកឃើញអ្នកវិជ្ជមានកូវីដ-១៩ ចំនួនត្រឹមតែ ១៦៨នាក់ ដែលជាតួលេខធ្លាក់ចុះបន្ថែមទៀត គួរអោយកត់សម្គាល់ បន្ទាប់ពីតួលេខចុះពីជាង៥០០នាក់ មកជាង២០០នាក់ រយៈពេល ៤ថ្ងៃផ្ទួនៗ ។
សូមបញ្ជាក់ដែរថា កាលពីថ្ងៃទី១១ ខែឧសភា ឆ្នាំ២០២១ នៅរាជធានីភ្នំពេញ រកឃើញករណីវិជ្ជមានកូវីដ-១៩ ចំនួន ២៧៩នាក់ ដែលជាករណីឆ្លង ក្នុងសហគមន៍ ហើយកាលពីថ្ងៃទី១០ ខែឧសភា ឆ្នាំ២០២១ រកឃើញករណីវិជ្ជមានកូវីដ-១៩ ចំនួន ២៥១នាក់ នៅរាជធានីភ្នំពេញ ៕
ចែករំលែកព័តមាននេះ