ខេត្តព្រៃវែង ៖ យោងតាមរបាយការណ៍របស់អាជ្ញាធរខេត្តព្រៃវែង នៅថ្ងៃទី១១ ឧសភានេះ មានប្រជាពលរដ្ឋវិលត្រឡប់មកពីភ្នំពេញចំនួន១៨៨៣នាក់ នៅទូទាំងខេត្ត ហើយក្នុងចំណោមនោះមន្ត្រីជំនាញសុខាភិបាលបានរកឃើញមានអ្នកវិជ្ជមានជម្ងឺកូវីដ១៩ ចំនួន១៥នាក់ ។…
ខេត្តព្រៃវែង ៖ យោងតាមរបាយការណ៍របស់អាជ្ញាធរខេត្តព្រៃវែង នៅថ្ងៃទី១១ ឧសភានេះ មានប្រជាពលរដ្ឋវិលត្រឡប់មកពីភ្នំពេញចំនួន១៨៨៣នាក់ នៅទូទាំងខេត្ត ហើយក្នុងចំណោមនោះមន្ត្រីជំនាញសុខាភិបាលបានរកឃើញមានអ្នកវិជ្ជមានជម្ងឺកូវីដ១៩ ចំនួន១៥នាក់ ។
ប្រភពព័ត៌មានដដែលនេះ បានអោយដឹងទៀតថា បងប្អូនប្រជាពលរដ្ឋដែលវិលត្រឡប់ចូលមកក្នុងខេត្តព្រៃវែង បានប្រើប្រាស់មធ្យោបាយផ្សេងៗគ្នា ក្នុងនោះមកតាមរថយន្តតូចចំនួន១០៤គ្រឿង មកតាមម៉ូតូផ្ទាល់ខ្លួនចំនួន៨២៦គ្រឿង និងមកតាមផាស់អាប់ចំនួន១៣គ្រឿង ដោយធ្វើដំណើរមកតាមផ្លូវជាតិលេខ១ ផ្លូវជាតិលេខ១១ ផ្លូវជាតិលេខ៨អា និងផ្លូវជាតិលេខ៧ ។ ចំណែកស្រុកក្រុង ដែលមានប្រជាពលរដ្ឋវិលត្រឡប់ចូលរួមមាន ក្រុងព្រៃវែងចំនួន៤២នាក់ ស្រី២៦នាក់ បាភ្នំ៨០នាក់ ស្រី៣២នាក់ កំពង់ត្របែក៨២នាក់ ស្រី៤៦នាក់ ព្រះស្តេច១៨៦នាក់ស្រី៩៣នាក់ ពាមជរ១៤៧នាក់ ស្រី៧១នាក់ ពាមរក៏១៣១នាក់ ស្រី៦៤នាក់ កំចាយមារ៧៦នាក់ ស្រី៣៩នាក់ កញ្ជ្រៀច១៧៤នាក់ ស្រី៩១នាក់ ស្វាយអន្ទរ២៣០នាក់ ស្រី១១៥នាក់ ស៊ីធរកណ្តាល១៥៥នាក់ ស្រី៨៩នាក់ ពោធិរៀង១២៣នាក់ ស្រី៦១នាក់ ពារាំង១៧៦នាក់ ស្រី៨៧នាក់ និងមេសាង២៨០នាក់ ស្រី១៤៤នាក់ ។
នៅក្នុងចំណោមមនុស្សទាំងអស់នេះ អាជ្ញាធរ និងមន្ត្រីជំនាញបានរកឃើញមានអ្នកវិជ្ជមានជម្ងឺកូវីដ១៩ចំនួន១៥នាក់ គឺនៅស្រុកកញ្ជ្រៀចចំនួន៦នាក់ បាភ្នំ២នាក់ ពាមរក៍២នាក់ ក្រុងព្រៃវែង២នាក់ ស្វាយអន្ទរ២នាក់ និងកំពង់ត្របែក១នាក់ បច្ចុប្បន្នពួកគាត់ត្រូវបានប្រមូលដាក់ព្យាបាលនៅតាមមន្ទីរពេទ្យបង្អែកតាមស្រុកនីមួយៗរួចហើយ ដោយឡែកមន្ត្រីជំនាញក៏កំពុងស្រាវជ្រាវ រកអ្នកជាប់ពាក់ព័ន្ធ ដើម្បីយកមកធ្វើចត្តាឡីស័កផងដែរ ។
គួរបញ្ជាក់ផងដែរថា គិតមកដល់ត្រឹមថ្ងៃទី១១ ឧសភានេះ ខេត្តព្រៃវែង មានអ្នកជំងឺកូវីដ១៩ សរុប ១៥១នាក់ ក្នុងនោះព្យាបាលជាសះស្បើយ៧៨នាក់ បញ្ជូនទៅភ្នំពេញ៣នាក់ ស្លាប់៣នាក់ លាប់ឡើងវិញ២នាក់ និងកំពុងព្យាបាល៦៩នាក់ ៕
ចែករំលែកព័តមាននេះ