ស្ត្រីមានផ្ទៃពោះនៅប្រេស៊ីលម្នាក់ស្លា.ប់ ក្រោយចាក់វ៉ាក់សាំងកូវីដមួយប្រភេទ
ប្រេស៊ីល ៖ រដ្ឋាភិបាលសហព័ន្ធប្រេស៊ីលកាលពីថ្ងៃទី១១ ខែឧសភា បានសម្រេចផ្អាកការចាក់វ៉ាក់សាំងកូវីដ១៩របស់ក្រុមហ៊ុន
ប្រេស៊ីល ៖ រដ្ឋាភិបាលសហព័ន្ធប្រេស៊ីលកាលពីថ្ងៃទី១១ ខែឧសភា បានសម្រេចផ្អាកការចាក់វ៉ាក់សាំងកូវីដ១៩របស់ក្រុមហ៊ុន
ប្រេស៊ីល ៖ រដ្ឋាភិបាលសហព័ន្ធប្រេស៊ីលកាលពីថ្ងៃទី១១ ខែឧសភា បានសម្រេចផ្អាកការចាក់វ៉ាក់សាំងកូវីដ១៩របស់ក្រុមហ៊ុន AstraZeneca សម្រាប់ស្ត្រីមានផ្ទៃពោះ។ បន្ទាប់ពីអ្នកម្តាយម្នាក់ បានស្លា.ប់ដោយជំងឺដាច់សរសៃឈាមខួរក្បាល ក្នុងឧប្បត្តិហេតុមួយដែលគេមើលឃើញថា អាចទាក់ទងទៅនឹងការចាក់វ៉ាក់សាំងបង្ការនេះ។
អ្នកសម្របសម្រួលកម្មវិធីចាក់វ៉ាក់សាំងរបស់ក្រសួងសុខាភិបាលប្រេស៊ីល លោក Franciele Francinato បានប្រាប់ក្រុមអ្នកយកព័ត៌មានថា ការផ្អាកនេះ ត្រូវបានអនុម័តជាវិធានការណ៍បង្ការទុកមុន។ បន្ទាប់ពីនិយតករសុខាភិបាល Anvisa បានចេញការព្រមានអំពីការចាក់វ៉ាក់សាំងនេះ ចំពោះស្ត្រីមានផ្ទៃពោះ។ ស្របពេលដែលអាជ្ញាធរកំពុងស៊ើបអង្កេតលើឧប្បត្តិហេតុនេះផងដែរ។
ការព្យួរនេះ អនុវត្តចំពោះតែការចាក់វ៉ាក់សាំង AstraZeneca តែប៉ុណ្ណោះ ។ វាមិនត្រូវអនុវត្តសម្រាប់វ៉ាក់សាំងដែលបង្កើតដោយក្រុមហ៊ុន Sinovac និង Pfizer ដែលកំពុងត្រូវបានប្រើប្រាស់ក្នុងប្រទេសនេះឡើយ។
យោងតាមរដ្ឋមន្ត្រីក្រសួងសុខាភិបាល លោក Alexandre Chieppe បានបញ្ជាក់ថា ស្ត្រីមានផ្ទៃពោះ ២៣សប្តាហ៍មានអាយុ ៣៥ឆ្នាំម្នាក់ ដែលរស់នៅទីក្រុង Rio de Janeiro បានស្លា.ប់ដោយជំងឺដាច់សរសៃឈាមខួរក្បាល បន្ទាប់ពីទទួលបានការចាក់វ៉ាក់សាំង AstraZeneca ។
សូមរំលឹកថា ក្រុមហ៊ុន AstraZeneca ធ្លាប់បាននិយាយនៅក្នុងសេចក្តីថ្លែងការណ៍មួយថា ស្ត្រីមានផ្ទៃពោះ និងអ្នកបំបៅដោះកូន ត្រូវបានដកចេញពីការសាកល្បងព្យាបាលដោយវ៉ាក់សាំងកូវីដ១៩ ។ សេចក្តីថ្លែងការណ៍បានបន្ថែមថា ការសិក្សាលើសត្វមិនបានបង្កើតភស្តុតាងដោយផ្ទាល់ ឬដោយប្រយោល នៃគ្រោះថ្នាក់ទាក់ទងនឹងការមានផ្ទៃពោះ ឬការវិវត្តរបស់ទារកឡើយ។
វ៉ាក់សាំង AstraZeneca ត្រូវបានផលិត និងចែកចាយនៅប្រេស៊ីលតាមរយៈភាពជាដៃគូជាមួយវិទ្យាស្ថានសុខភាពសាធារណៈ Fiocruz ។
គិតត្រឹមព្រឹកថ្ងៃទី១២ ខែឧសភា នេះ ករណីឆ្លងកូវីដ១៩ ក្នុងប្រទេសប្រេស៊ីលសរុបមានចំនួនជាង ១៥,២លាននាក់។ ខណៈដែលស្លា.ប់សរុបមានចំនួន ៤២៥,៧១១នាក់។ ស្របពេលដែលអ្នកជាសះស្បើយសរុបមានជាង ១៣,៨លាននាក់៕ (ដកស្រង់ចេញពី Reuters)
ចែករំលែកព័តមាននេះ