ប៉ាស្ទ័រកម្ពុជា រកឃើញវីរុសបំប្លែងខ្លួនថ្មីរបស់ឥណ្ឌា មាននៅខ្មែរហើយ
រាជធានីភ្នំពេញ ៖ អ្នកនាំពាក្យក្រសួងសុខាភិបាល នៃព្រះរាជាណាចក្រកម្ពុជា និងជារដ្ឋលេខាធិការ លោកជំទាវ ឱ វណ្ណឌីន បានបញ្ជាក់ប្រាប់នៅថ្ងៃទី១១ ឧសភា…
រាជធានីភ្នំពេញ ៖ អ្នកនាំពាក្យក្រសួងសុខាភិបាល នៃព្រះរាជាណាចក្រកម្ពុជា និងជារដ្ឋលេខាធិការ លោកជំទាវ ឱ វណ្ណឌីន បានបញ្ជាក់ប្រាប់នៅថ្ងៃទី១១ ឧសភា…
រាជធានីភ្នំពេញ ៖ អ្នកនាំពាក្យក្រសួងសុខាភិបាល នៃព្រះរាជាណាចក្រកម្ពុជា និងជារដ្ឋលេខាធិការ លោកជំទាវ ឱ វណ្ណឌីន បានបញ្ជាក់ប្រាប់នៅថ្ងៃទី១១ ឧសភា ២០២១ថា ឥឡូវនេះ វត្តមានវីរុសបំប្លែងខ្លួនថ្មីរបស់ឥណ្ឌា (B-1617) បានរកឃើញនៅប្រទេសកម្ពុជាហើយ ។
តាមរយៈកិច្ចសម្ភាសន៍ ជាមួយទូរទស្សន៍ក្នុងស្រុកមួយ លោកជំទាវ ឱ វណ្ណឌីន បានមានប្រសាសន៍ថា នៅក្នុងប្រទេសកម្ពុជា ក៏មានរកឃើញវត្តមានវីរុសបំប្លែងខ្លួនថ្មីរបស់ឥណ្ឌា (B-1617) នេះដែរ ដោយវិទ្យាស្ថានប៉ាស្ទ័រកម្ពុជា ធ្វើសិក្សារកឃើញមានអ្នកផ្ទុកវីរុសបំប្លែងខ្លួនថ្មីរបស់ឥណ្ឌា ដែលបានធ្វើដំណើរមកកាន់ប្រទេសកម្ពុជា ។ ដែលវីរុស B-1617 នេះវាឆ្លងលឿន និងវាយលុកធ្ងន់ធ្ងរលឿនផងដែរ ។
សូមរម្លឹកថា កាលពីថ្ងៃទី២៧ មេសា ២០២១ ដោយទទួលបានការឯកភាពដ៏ខ្ពង់ខ្ពស់ពីសម្ដេចតេជោនាយករដ្ឋមន្ត្រី, ក្រសួងសុខាភិបាលកម្ពុជា បានចេញសេចក្តីជូនដំណឹងមួយបញ្ជាក់ថា ចាប់តាំងពីព្រឹត្តិការណ៍សហគមន៍២០កុម្ភៈ ការរាតត្បាតនៃជំងឺកូវីដ-១៩ នៅកម្ពុជាមានសភាពខ្លាំង និងលឿនជាងពេលមុនៗ ហើយតាមការសង្កេត មើលនៅលើពិភពលោក ឃើញថា ក្រៅពីការរាតត្បាតជាសកលនៃវីរុសបម្លែងថ្មីប្រភេទ B117 មានប្រភពមកពី ប្រទេសអង់គ្លេស ទើបតែមានលេចចេញនូវវីរុសបម្លែងថ្មីមួយផ្សេងទៀតឈ្មោះថា B1617 មានប្រភពចេញពី ប្រទេសឥណ្ឌា ដែលមានការឆ្លងខ្លាំង និងមានភាពធ្ងន់ធ្ងរជាងប្រភេទ B117 ទៅទៀត ។
ក្រសួងសុខាភិបាល សម្រេចហាមឃាត់ការធ្វើដំណើចូលមកប្រទេសកម្ពុជាមួយរយៈ រហូតដល់មានការជូនដំណឹងជាថ្មី ចំពោះជនជាតិឥណ្ឌា និងជនជាតិបរទេសទាំងអស់ ដែលធ្វើដំណើរមកពីប្រទេសឥណ្ឌា ឬឆ្លងកាត់ប្រទេសឥណ្ឌា ឬមានប្រវត្តិធ្វើដំណើរទៅប្រទេសឥណ្ឌា រយៈពេល បីសប្ដាហ៍មុនចូលមកប្រទេសកម្ពុជា តាមផ្លូវអាកាស ឬតាមផ្លូវគោក ដោយត្រូវចាប់អនុវត្តក្រោយ ៤៨ម៉ោង បន្ទាប់ពីចេញសេចក្តីប្រកាសព័ត៌មាននេះ ៕
ចែករំលែកព័តមាននេះ