បញ្ជូនទៅធ្វើចត្តាឡីស័កនៅក្រុងក្រចេះ ១២នាក់ដែលប៉ះពាល់ជាមួយនឹងអ្នកវិជ្ជមានកូវីដ-១៩
- ក្រចេះ
ខេត្តក្រចេះ ៖ លោក ឈឿន រិទ្ធ ចៅសង្កាត់អូប្ញស្សីក្រុងក្រចេះ បានឲ្យដឹងថា នៅរសៀលថ្ងៃទី១០ ឧសភា ឆ្នាំ២០២១…
ខេត្តក្រចេះ ៖ លោក ឈឿន រិទ្ធ ចៅសង្កាត់អូប្ញស្សីក្រុងក្រចេះ បានឲ្យដឹងថា នៅរសៀលថ្ងៃទី១០ ឧសភា ឆ្នាំ២០២១…
ខេត្តក្រចេះ ៖ លោក ឈឿន រិទ្ធ ចៅសង្កាត់អូប្ញស្សីក្រុងក្រចេះ បានឲ្យដឹងថា នៅរសៀលថ្ងៃទី១០ ឧសភា ឆ្នាំ២០២១ អាជ្ញាធរនិងមន្ត្រីសុខាភិបាល បានបញ្ជូនមនុស្សប្រុសស្រី ក្មេងចាស់ចំនួន១២នាក់ ដែលប៉ះពាល់ជាមួយអ្នកជំងឺកូវីដ-19 ទៅកាន់មណ្ឌលចត្តាឡីស័ក ។
លោកចៅសង្កាត់បានបន្តទៀតថា អ្នកប៉ះពាល់ផ្ទាល់ និងប្រយោលទាំង១២នាក់ (ស្រី១០នាក់) ខាងលើនេះ មានទីលំនៅក្នុងភូមិស្រែស្តៅ សង្កាត់អូរប្ញស្សី ក្រុងក្រចេះ ក្នុងនោះ ប៉ះពាល់ផ្ទាល់ចំនួន០៥នាក់ បានបញ្ជូនទៅកាន់មណ្ឌលចត្តាឡីស័កបឹងហ្គាឡូ និងចំនួន០៧នាក់ផ្សេងទៀត ប៉ះពាល់ដោយប្រយោលឲ្យធ្វើចត្តាឡីស័កនៅតាមផ្ទះរៀងៗខ្លួន។
គួរបញ្ជាក់ថា ក្រុមការងារបានស្រាវជ្រាវរកឃើញអ្នកប៉ះពាល់ជាមួយអ្នកវិជ្ជមានកូវីដ១៩ ចំនួន១២ នាក់ស្រី ១០ នាក់ ជាមួយបុគ្គលឈ្មោះ អាន សន ភេទស្រី អាយុ ៧៣ឆ្នាំ ជាប្រជាពលរដ្ឋរស់នៅសង្កាត់អូរឫស្សី ក្រុងក្រចេះ មានវិជ្ជមានកូវីដ១៩ នៅថ្ងៃទី០៩ ខែឧសភា ឆ្នាំ ២០២១ បញ្ជាក់ដោយវិទ្យាស្ថានប៉ាស្ទ័រកម្ពុជា ។ ដោយ៖ ប៊ុន លីនណា
ចែករំលែកព័តមាននេះ