រាលដាលកាន់តែខ្លាំង! ហ្វីលីពីនរកឃើញករណីឆ្លងកូវីដ១៩បំប្លែងថ្មីឥណ្ឌា ជាលើកដំបូង
ហ្វីលីពីន ៖ ក្រសួងសុខាភិបាលហ្វីលីពីននៅថ្ងៃទី១១ ខែឧសភា នេះ បានប្រកាសរកឃើញករណីឆ្លងវីរុសកូវីដ១៩ បំប្លែងថ្មីឥណ្ឌា
ហ្វីលីពីន ៖ ក្រសួងសុខាភិបាលហ្វីលីពីននៅថ្ងៃទី១១ ខែឧសភា នេះ បានប្រកាសរកឃើញករណីឆ្លងវីរុសកូវីដ១៩ បំប្លែងថ្មីឥណ្ឌា
ហ្វីលីពីន ៖ ក្រសួងសុខាភិបាលហ្វីលីពីននៅថ្ងៃទី១១ ខែឧសភា នេះ បានប្រកាសរកឃើញករណីឆ្លងវីរុសកូវីដ១៩ បំប្លែងថ្មីឥណ្ឌាចំនួន២ករណីជាលើកដំបូងក្នុងប្រទេសរបស់ខ្លួន។ នេះបើតាមការចេញផ្សាយពី Reuters។
អង្គការសុខភាពពិភពលោកហៅកាត់ថា WHO ទើបតែបានចាត់ថ្នាក់វីរុសកូវីដ១៩ បំប្លែងថ្មីវ៉ារ្យ៉ង់ឥណ្ឌា ដែលត្រូវបានគេស្គាល់លេខកូដវេជ្ជសាស្ត្រថា B.1.617 គឺជាការព្រួយបារម្ភសម្រាប់ពិភពលោក។ ជាមួយនឹងការសិក្សាបឋមមួយចំនួន ដែលបង្ហាញថាវារាលដាលកាន់តែងាយស្រួល និងសាហាវបំផុត។
លោក Alethea De Guzman ប្រធានការិយាល័យជំងឺរាតត្បាតរបស់ក្រសួងសុខាភិបាលហ្វីលីពីន បានប្រាប់សន្និសីទសារព័ត៌មានមួយថា ករណីនេះត្រូវបានរកឃើញបញ្ជាក់លើជនជាតិហ្វីលីពីន២នាក់ ដែលវិលត្រឡប់មកពីប្រទេសអារ៉ាប់រួម និងអូម៉ង់។
លោក De Guzman បានមានប្រសាសន៍ថា «យើងចាំបាច់ត្រូវតែតាមដានជានិច្ច នូវអ្វីដែលមានបំរែបំរួលផ្សេងទៀត ដែលយើងអាចរកឃើញក្នុងមូលដ្ឋាន។ ក៏ដូចជាតាមដានការរីករាលដាលនៃវ៉ារ្យ៉ង់ ដែលយើងបានរកឃើញរួចហើយនេះ»។
ក្នុងគោលបំណងដើម្បីរារាំងការនៃចូលប្រភេទវ៉ារ្យ៉ង់ថ្មីនេះ ហ្វីលីពីនបានហាមឃាត់ជាបណ្តោះអាសន្នដល់អ្នកដំណើរមកពីប្រទេសឥណ្ឌា, ប៉ាគីស្ថាន, ស្រីលង្កា, នេប៉ាល់ និងបង់ក្លាដែស។
ជាមួយនឹងការឆ្លងកូវីដ១៩សរុបចំនួន ១,១លាននាក់ និងអ្នកស្លា.ប់សរុបចំនួន ១៨,៥៦២នាក់។ ប្រទេសហ្វីលីពីនមានករណីឆ្លងខ្ពស់បំផុតទី ២ នៅអាស៊ីអាគ្នេយ៍ បន្ទាប់ពីប្រទេសឥណ្ឌូនេស៊ី។
សូមជម្រាបជូនថា វីរុសកូវីដ១៩ បំប្លែងថ្មីវ៉ារ្យ៉ង់ឥណ្ឌានេះ ក៏កំពុងតែវាយប្រហារយ៉ាងខ្លាំងលើប្រទេសវៀតណាម។ ដែលធ្វើឱ្យរដ្ឋាភិបាលប្រទេសនេះ កំពុងតែបង្ហាញក្តីកង្វល់ជុំវិញការឆ្លងរីករាលដាលកាន់តែខ្លាំងនាពេលខាងមុខ៕
ចែករំលែកព័តមាននេះ