រាជធានីភ្នំពេញ ៖ ការប្រឡងបវរកញ្ញាចក្រវាឡ ២០២០ លើកទី៦៩ នៅសហរដ្ឋអាមេរិកឃើញថា កំពុងផ្ទុះការចាប់អារម្មណ៍ជាខ្លាំង។ មិនដឹងថា ខាងប្រទេសណាជាអ្នកលើកមកុដឆ្នាំនេះ ក្នុងចំណោម៧០ប្រទេសជាង។…
រាជធានីភ្នំពេញ ៖ ការប្រឡងបវរកញ្ញាចក្រវាឡ ២០២០ លើកទី៦៩ នៅសហរដ្ឋអាមេរិកឃើញថា កំពុងផ្ទុះការចាប់អារម្មណ៍ជាខ្លាំង។ មិនដឹងថា ខាងប្រទេសណាជាអ្នកលើកមកុដឆ្នាំនេះ ក្នុងចំណោម៧០ប្រទេសជាង។
ដោយឡែក តំណាងកម្ពុជា ដែលមាន រ៉េត សារីតា ចូលរួមឃើញថា ក៏ទទួលបានភាពទាញអារម្មណ៍មិនអន់ដែរ ផ្នែកលើជំនាញ និងទេពកោសល្យ។ រហូតអាចឆក់យកភាពចាប់អារម្មណ៍ដល់តារាប្រុស ណុប ប៉ាយ៉ារិទ្ធ ថែមទៀត។
លោកណុប បាយ៉ារិទ្ធ បានលើកឡើងថា «ចូលចិត្តបេក្ខភាពតំណាងប្រទេសណា គឺជាសិទ្ធិនៃការពេញចិត្ត។ តែគួរកុំភ្លេចពេញចិត្តបេក្ខភាពតំណាងប្រទេសកំណើតរបស់យើងដូចគ្នា ព្រោះជោគជ័យជាកិត្តិយសរបស់ប្រទេសយើងទាំងមូល ។ សួរបេះដូងខ្លួនឯង តើយើងគ្រប់គ្នា ចង់ឃើញបេក្ខភាពរបស់កម្ពុជាទទួលបានជោគជ័យទេ? បើចង់ក្រៅពីការប្រឹងប្រែងរបស់គាត់ តើយើងទាំងអស់គ្នាអាចជួយគាត់បានអ្វីខ្លះ? គាំទ្របេក្ខភាពតំណាងប្រទេសយើង MISS UNIVERSE CAMBODIA អាចបោះឆ្នោតគាំទ្រគាត់បានតាមរយៈ app miss universe»។
លោកណុប បាយ៉ារិទ្ធ បានលើកឡើងទៀតថា «បេក្ខភាពកម្ពុជា អាចនឹងមានឱកាស និងភាគរយខ្ពស់នៃការចូល Top កំពូលដំបូង ( Top21)។ ដោយការប្រកួតបវរកញ្ញាចក្រវាឡ Miss Universe លើកទី៦៩ នេះ នឹងមានការផ្លាស់ប្ដូរ Format ថ្មី។ ដោយមិនមានជម្រើសតាមទ្វីបឡើយ គឺប្រកាសយកតាមលំដាប់ពិន្ទុតែម្ដង ចំនួន ២០ រូប និង ១ រូបទទួលបានពីការ Vote បោះឆ្នោត។ យើងមានតែជូនពរ អោយខាងប្រទេសកម្ពុជាយើង ទទួលបានសំណាងល្អ នៅពេលមានអ្នកតំណាងជាតិ ខ្លួនកំពុងតែព្យាយាម យកសមត្ថភាពអោយពិភពលោកបានស្គាល់។ ប្រឡងផ្តាច់ព្រ័ត្រនៅយប់ថ្ងៃទី១៦ ខែឧសភា ឆ្នាំ២០២១ ខាងមុខដ៏ឆាប់នេះ»។
ចែករំលែកព័តមាននេះ