ខេត្តក្រចេះ៖ រដ្ឋបាលស្រុកឆ្លូងបានចេញសេចក្ដីជូនដំណឹងស្ដីពីការហាមរាល់អ្នកកាប់ទន្ទ្រានឈូសឆាយ វាទទីយកដីព្រៃលិចទឹក ស្ថិតនៅចំណុចបឹងជ្វា និងចំណុចបឹងមេត្រូ ស្ថិតនៅភូមិកំពង់ស្រែ ឃុំឆ្លូង ជាប់ព្រំប្រទល់ភូមិព្រៃគោ ឃុំដំរីផុង នៅថ្ងៃទី១០ ខែឧសភា ឆ្នាំ២០២១ ដោយកន្លងមក មានការកាប់ទន្ទ្រានឈូសយកធ្វើជាកម្មសិទ្ធិ ។
លោក ធីម ស៊ាងឡេង អភិបាលរងតំណាងលោកអភិបាលស្រុកឆ្លូងបានចុះផ្សោព្វផ្សាយអនុក្រឹត្យរបស់រាជរដ្ឋាភិបាលលេខ៩៨ អ.ន.ក្រ.បក ស្ដីពីការគ្រប់គ្រងអាងទន្លេរ ដល់ប្រជាពលរដ្ឋទាំងអស់ដែលមានការពាក់ព័ន្ធក្នុងការកាប់ទន្ទ្រាន និងឈូសឆាយដីព្រៃលិចទឹក និងប្រើប្រាស់ កាន់កាប់ នឹងអាស្រ័យផលស្ថិតនៅចំណុចបឹងធម្មជាតិខាងលើ ដើម្បីជម្រាបដល់ពួកគាត់កុំអោយមានការចិញ្ចឹមចិត្តវាទទីយកបន្ត ។
លោក ធីម ស៊ាងឡេង បានបន្តអោយក្រុមការងារដឹងថា រដ្ឋបាលស្រុកឆ្លូងបានបង្កើតក្រុមការងារចុះកំណត់ព្រំដីចំណីបឹង អូរ ប្រឡាយ ព្រែក ស្ទឹង អាងទឹក ស្ថិតនៅតំបន់ធនធានធម្មជាតិដែលកំណត់ដោយអនុក្រឹត្យ នឹងសារាចរណ៍ណែនាំរបស់រាជរដ្ឋាភិបាល និងច្បាប់ស្ដីពីជលផល ដើម្បីរក្សា និងបង្កើតជាតំបន់ត្រីពងកូន និងការលូតលាស់នៃមច្ជាជាតិ ព្រមទាំងជីវៈចម្រុះគ្រប់ប្រភេទ ។
លោកថា កន្លងមកស្រុកសង្កេតឃើញថាមានបងប្អូនប្រជាពលរដ្ឋមួយចំនួនចូលកាន់កាប់ការរុករាល ដុត និងយកគ្រឿងចក្រឈូសឆាយនៅលើដីព្រៃលិចទឹកដែលស្ថិតនៅតំបន់ ដែលកំណត់ដោយអនុក្រឹត្យ និងសារាចរណែនាំរបស់ប្រមុខរាជរដ្ឋាភិបាល ចំណុចខាងលើនេះមិនអនុញ្ញាតឲ្យមានការចូលកាន់កាប់អាស្រ័យផលនោះឡើយ ។ លោកបន្ថែមថារដ្ឋបាលស្រុកសុំធ្វើការហាមឃាត់និងដកហូតយកមកវិញជាដាច់ខាត ទោះបីក្នុងរូបភាពណាក៏ដោយ បុគ្គលណានៅតែបន្តល្មើសនិងការហាមឃាត់នេះ រដ្ឋបាលស្រុកនិងចាត់វិធានការតាមផ្លូវច្បាប់ដោយមិនមានការលើកលែងនោះឡើយ ព្រោះតំបន់នេះជាតំបន់សំខាន់បំផុតសម្រាប់ធនធានមច្ឆាជាតិ ។
ក្នុងឱកាសការចុះផ្សព្វផ្សាយអនុក្រឹត្យ និងសារាចររបស់ប្រមុខរាជរដ្ឋាភិបាលខាងលើលោក ធីម ស៊ាងឡេង អភិបាលរងតំណាងលោកអភិបាលស្រុក និងមន្ត្រីជំនាញជលផល ដែនដី ការិ.ជំនាញ ក៏បានណែនាំដល់ប្រជាពលរដ្ឋឲ្យមានការប្រុងប្រយ័ត្នខ្ពស់ចំពោះជំងឺកូវីដ19 និងអនុវត្តន៍តាមប្រមុខរាជរដ្ឋាភិបាល ក៏ដូចជាក្រសួងសុខាភិបាលគឺបីកុំ បីការពារ ។ ដោយ៖ ប៊ុន លីនណា
ចែករំលែកព័តមាននេះ