រាជធានីភ្នំពេញ ៖ ពេលមានសំបោរ ឬកំហាក យើងតែងតែញើស និងខាកចេញមកដោយមិនបានចាប់អារម្មណ៍អ្វីទាំងអស់ កាន់តែឆាប់កាន់តែល្អ។ នេះជាប្រសាសន៍របស់លោវេជ្ជបណ្ឌិត ចាន់ រ៉ា ឯកទេសត្រចៀក ច្រមុះ បំពង់កនៃមន្ទីរពេទ្យកាល់ម៉ែត ។
លោវេជ្ជបណ្ឌិត ចាន់ រ៉ា បានបញ្ជាក់ថា ៖ តើអ្នកជឿទេថា ពណ៌របស់សំបោរវាបានប្រាប់ពីបញ្ហាសុខភាពអ្នកអ្វីខ្លះ0x017d7 យើងទាំងអស់គ្នាតែងតែជួបប្រទះ និងការហៀរសំបោរ ឬធ្លាក់ចូលបំពង់.កដែលតម្រូវអោយយើងញើស ឬខាកចេញមកមាន ពេលខ្លះហឺតចូលទៅក្នុងច្រមុះ ឬលេបចូលបំពង់ក។
តើទឹកសំបោរមានប្រភពមកពីណា?
ផ្លូវដង្ហើម និងអាហាររបស់មនុស្សយើងមានភ្នាសកោសិកាដែលជាកន្លែងផលិតសំបោរ រំអិល និងស្លេះ មិនថា នៅក្នុងច្រមុះ សីនុស មាត់ បំពង់.ក បំពង់សម្លេង បំពង់ខ្យល់ វាមានតួនាទីការពារមេរោគ ការរលាកកកិត វាធ្វើអោយមានសំណើមគ្រប់ពេលវេលា ហេតុដូច្នេះហើយនៅពេលដែលភ្នាសកោសិកាស្ងួតវាងាយ និងបង្ករោគ។ សំបោរ ឬរំអិលនៅផ្លូវដង្ហើម វាមានតួនាទីចាប់យកវត្ថុផ្សេងដែលចូលមកក្នុងរាង្គកាយយើង តាមរយៈការដកដង្ហើម ហើយរាង្គកាយយើងផលិតសំបោរ ឬទឹករំអិល២លីត្រក្នុង១ថ្ងៃ។ មនុស្សភាគច្រើនមិនបានចាប់អារម្មណ៍ពីការពិនិត្យពណ៌សំបោរ ឬកំហាកនោះទេ ។
តើអ្នកដឹងទេថា ពណ៌សំបោររបស់លោកអ្នក វាបានបញ្ជាក់ពីបញ្ហាអ្វីខ្លះពីសុខភាពច្រមុះរបស់លោកអ្នក?
១-ពណ៌សថ្លា ៖ បណ្តាលមកពីផ្តាសាយ រលាកផ្លូវដង្ហើមខាងលើ ឬអាលែកស្សីច្រមុះ ពពួកវីរុសនេះបង្កអោយរលាកភ្នាសកោសិការដែលបញ្ចេញសារជាតិ Histamine ជំរុញអោយមានការផលិតទឹកសំបោរយ៉ាងច្រើន ការប្រើថ្នាំ Anti-Histamine និងការលាងច្រមុះជាមួយទឹកសេរ៉ូមប្រៃ អាចជួយកាត់បន្ថយការហៀរសំបោរបាន។
២-ពណ៌ស ៖ ការដែលសំបោរមានលក្ខណៈក្រាស់ ស្អិត និង.សល្អក់ អាចមកពីស្ទះនៅក្នុងច្រមុះរយៈពេលយូរ ដែលបណ្តាលមកពីភ្នាសច្រមុះហើម ក្រៅពីនោះរួមផ្សំនឹងការទទួលទានផលិតផលពីទឹកដោះគោច្រើនពេក។
៣-ពណ៌លឿង ៖ មកពីការឆ្លងរោគពពួកបាក់តេរីនៅច្រមុះ ឬសីនុសប្រព័ន្ធរាង្គកាយយើងបានប្រឆាំងធ្វើអោយមេរោគស្លា.ប់ បូកផ្សំនឹងរំអិលលាយខ្ទុះរួមផ្សំគ្នាធ្វើអោយសំបោរមានពណ៌លឿង។
៤-ពណ៌ប្រផេះ ៖ អាចចង្អុលបង្ហាញថា ក្នុងច្រមុះរបស់អ្នកមានឫសដូងច្រមុះ ដែលកើតចេញពីការរលាករ៉ាំរ៉ៃនៃភ្នាសច្រមុះ ឬសីនុស មានសណ្ឋានដូចផ្លែទំពាំងបាយជូរ ដែលបណ្តាលមកពីអាលែកស្សីច្រមុះ រលាកសីនុសរាំរ៉ៃ ជំងឺហឺត។
៥-ពណ៌ខៀវ ៖ បង្ហាញថា រាង្គកាយយើងកំពុងប្រឆាំងនឹងបាក់តេរី ដូចក្នុងករណីទឹកសំបោរពណ៌លឿងដែរ។
៦-ពណ៌ក្រហម ៖ កើតឡើងដោយសារសរសៃរឈាមច្រមុះដាច់លាយជាមួយទឹកសំបោរ សរសៃឈាមដាច់ អាចបណ្តាលមកពីភ្នាសច្រមុះស្ងួត ឬរបួសច្រមុះ ការរលាកច្រមុះ រោគសរសៃឈាមផ្សេង។ ការមានឈាមច្រមុះមួយខាង ឬសងខាង ត្រូវមកពិនិត្យជាមួយគ្រូពេទ្យ។
៧-ពណ៌ខ្មៅ ៖ ការដែលទឹកសំបោរមានពណ៌ខ្មៅ ច្រើនជួបចំពោះអ្នកជក់បារី អ្នកប្រើប្រាស់ថ្នាំញៀន អ្នកដែលរស់នៅក្នុងបរិស្ថានដែលមានការបំពុលបរិយាកាសខ្លាំង និងការបង្ករោគដោយពពួកផ្សិតនៅច្រមុះ ឬសីនុស។
លោវេជ្ជបណ្ឌិត ចាន់ រ៉ា ឯកទេសត្រចៀក ច្រមុះ បំពង់.កនៃមន្ទីរពេទ្យកាល់ម៉ែតបានរំលឹកថា ៖ អាស្រ័យដូចបានរៀបរាប់ខាងលើ សូមលោកលោកស្រីមេត្តាពិនិត្យមើលពណ៌ទឹកសំបោររបស់លោកអ្នក នៅពេលញើស ឬខាកស្តោះ តើមានពណ៌អ្វីហើយបើសិនជាមានសភាពមិនប្រក្រតី សូមមេត្តាអញ្ជើញមកពិនិត្យ និងព្យាបាលជាមួយគ្រូពេទ្យជំនាញផ្នែកត្រចៀក ច្រមុះ បំពង់កនៅមន្ទីរពេទ្យកាល់ម៉ែត ៕
ចែករំលែកព័តមាននេះ