អាហ្វហ្គានីស្ថាន ៖ មន្ត្រីអាហ្វហ្គានីស្ថានបានឱ្យដឹងនៅថ្ងៃទី៩ ខែឧសភា នេះថា អ្នកស្លា.ប់ដោយសារការបំផ្ទុះគ្រាប់បែកនៅខាងក្រៅសាលារៀនមួយ ក្នុងរដ្ឋធានីកាប៊ុល កាលពីល្ងាចថ្ងៃទី៨ ខែឧសភា បានកើនឡើងដល់៥៨នាក់។ ហើយយ៉ាងហោចណាស់ ១៥០នាក់រងរបួស។ ខណៈដែលអ្នកស្លា.ប់ និងរបួសភាគច្រើនជាសិស្សសាលាស្រី។ នេះបើតាមចេញពីផ្សាយពីទីភ្នាក់ងារព័ត៌មាន Reuters។
រៀបរាប់ពីហេតុការណ៍សម្លា.ប់រង្គាលកាលពីថ្ងៃសៅរ៍ អ្នកនាំពាក្យក្រសួងមហាផ្ទៃលោក Tareq Arian បានប្រាប់ក្រុមអ្នកសារព័ត៌មានថា គ្រាប់បែកបានបង្កប់ក្នុងរថយន្តមួយបានផ្ទុះឡើងនៅមុខសាលារៀន Sayed Al-Shuhada។ ហើយនៅពេលសិស្សទាំងអស់ប្រញាប់ប្រញាល់ចេញពីសាលា ដោយភ័យស្លន់ស្លោរ ឧបករណ៍២ផ្សេងទៀតបានផ្ទុះឡើង។
ជាមួយសម្រែកដ៏ឈឺចាប់ ក្រុមគ្រួសារជនរងគ្រោះបានស្តីបន្ទោសរដ្ឋាភិបាលអាហ្វហ្គានីស្ថាន និងមហាអំណាចលោកខាងលិច។ ចំពោះការខកខានមិនបញ្ចប់អំពើហិ.ង្សា និងសង្គ្រាមដែលកំពុងកើតមាន។
សាកស.ពនៅតែត្រូវប្រមូលដឹកទៅកន្លែងបញ្ចុះស.ព។ គ្រួសារខ្លះនៅតែស្វែងរកសាច់ញាតិដែលបាត់ខ្លួន។ ដោយរកឈ្មោះដែលបិទនៅលើជញ្ជាំងប្រកាស និងពិនិត្យមើលនៅកន្លែងដាក់សាកស.ព។
ប្រធានាធិបតីអាហ្វហ្គានីស្ថានលោក Ashraf Ghani បានស្តីបន្ទោសការវាយប្រហារទៅលើក្រុមបះបោរតាលីបង់។ ប៉ុន្តែអ្នកនាំពាក្យរបស់តាលីបង់បានបដិសេធថា ខ្លួនមិនបានចូលរួមក្នុងការវាយប្រហារនេះឡើយ។
សូមបញ្ជាក់ថា អំពើហិ.ង្សាបានកើតឡើងមួយសប្តាហ៍ បន្ទាប់ពីកងទ័ពអាមេរិក និងអូតង់ដែលសេសសល់បានចាប់ផ្តើមចាកចេញពីអាហ្គានីស្ថាន។ ដើម្បីបញ្ចប់ការដកកម្លាំងទ័ពនៅត្រឹមថ្ងៃទី១១ ខែកញ្ញា ក្នុងការបញ្ចប់សង្គ្រាមដ៏យូរបំផុតរបស់អាមេរិក។
ប៉ុន្តែការដកកងទ័ពបរទេស បាននាំឱ្យមានការប្រយុទ្ធគ្នាកាន់តែខ្លាំងឡើង រវាងកងកម្លាំងអាហ្វហ្គានីស្ថាន និងពួកឧទ្ទាមតាលីបង់។ ដោយភាគីទាំងពីរព្យាយាមរក្សាការគ្រប់គ្រងនៅលើមជ្ឈមណ្ឌលយុទ្ធសាស្ត្រ៕ (ដកស្រង់ចេញពី Reuters និង AFP)
ចែករំលែកព័តមាននេះ