ADផ្ទាំងផ្សព្វផ្សាយពាណិជ្ជកម្ម

Picture

ម្ចាស់ភោជនីយដ្ឋានស្នើសុំនាយករដ្ឋមន្ត្រីបន្ធូរបន្ធយការរឹតត្បិតនៅតំបន់ក្រហម និងលើកលែងពន្ធលើប្រាក់ចំណូល

2 ឆ្នាំ មុន

ម្ចាស់ភោជនីយដ្ឋានបានស្នើសុំឱ្យនាយករដ្ឋមន្រ្តីថៃ លោកប្រាយុទ្ធ ចាន់អូចារ បន្ធូរបន្ថយការរឹតបន្តឹងវិធានការណ៍កូវីដ-១៩ និងសុំលុបចោលបម្រាមលើសេវាកម្មទទួលទានអាហារពេលល្ងាចផងដែរ ដោយអះអាងថាវិធានការរបស់រដ្ឋាភិបាលកំពុងធ្វើឱ្យប៉ះពាល់ធ្ងន់ធ្ងរដល់ឧស្សាហកម្មម្ហូបអាហារនិងភេសជ្ជនៈ ។

ប្រទេសថៃ ៖ ម្ចាស់ភោជនីយដ្ឋានបានស្នើសុំឱ្យនាយករដ្ឋមន្រ្តីថៃ លោកប្រាយុទ្ធ ចាន់អូចារ បន្ធូរបន្ថយការរឹតបន្តឹងវិធានការណ៍កូវីដ-១៩ និងសុំលុបចោលបម្រាមលើសេវាកម្មទទួលទានអាហារពេលល្ងាចផងដែរ ដោយអះអាងថាវិធានការរបស់រដ្ឋាភិបាលកំពុងធ្វើឱ្យប៉ះពាល់ធ្ងន់ធ្ងរដល់ឧស្សាហកម្មម្ហូបអាហារនិងភេសជ្ជនៈ ។ នេះបើយោងតាមការចុះផ្សាយរបស់កាសែតថៃបាងកកប៉ុស្តិ៍ នាថ្ងៃទី ៩​ ខែឧសភា ឆ្នាំ២០២១ ។

លោកស្រី Pasinee Pitaknilpradap ប្រធានសមាគមភោជនីយដ្ឋាននិងផលិតផល (RGPA) បាននិយាយថាប្រតិបត្តិករចំណីអាហារនិងភេសជ្ជៈបានទទួលរងនូវផលប៉ះពាល់ខ្លាំង ដោយសារការរឹតត្បិតដែលបានដាក់ដោយមជ្ឈមណ្ឌលសម្រាប់ស្ថានភាពស្ថានភាពកូវីដ-១៩។

រដ្ឋាភិបាលថៃ បានបង្កើនការគ្រប់គ្រងយ៉ាងតឹងរ៉ឹងនៃវិធានការកូវីដ-១៩ ជាពិសេសការបង្កើនការរឹតបន្តឹងនៅក្នុងតំបន់ដែលមានពណ៌ក្រហមក្រម៉ៅ ដែលជាកន្លែងត្រូវបានចាត់ទុកថាជាទីកន្លែងដែលវីរុសកូវីដ-១៩ បានរាលដាលខ្លាំងនិងយ៉ាងឆាប់រហ័ស ចាប់តាំងពីដើម ខែមេសា កន្លងមក ។ ដែលតំបន់ក្រហមក្រម៉ៅ មានទាំងទីក្រុងបាងកក និងបណ្តាខេត្តមួយចំនួន នោះរដ្ឋាភិបាលអនុញ្ញាតឱ្យភោជនីយដ្ឋានបើកដំណើរការសម្រាប់តែសេវាកម្មវិចខ្ចប់ត្រឹមម៉ោង ៩ យប់ តែប៉ុណ្ណោះ ។

សម្រាប់តំបន់ក្រហម គឺការអង្គុយទទួលទានអាហារនៅភោជនីយដ្ឋាន ត្រូវបានអនុញ្ញាតត្រឹមម៉ោង ៩ យប់ និងនៅតំបន់ពណ៌ទឹកក្រូច អនុញ្ញាតដល់ម៉ោង ១១ យប់ តែហាមលក់ដូរភេសជ្ជះមានជាតិអាល់កុល និងគ្រឿងស្រវឹង ។ យ៉ាងណាមិញ នៅតំបន់ក្រហម គឺអនុញ្ញាតឱ្យទទួលការកម្មង់ទិញសម្រាប់វិចខ្ចប់រហូតដល់ម៉ោង ១១ យប់បានផងដែរ ។

យ៉ាងណាមិញ ការរឹតបន្តឹងសម្រាប់វិធានការទប់ស្កាត់ការឆ្លងនិងការរាលដាលវីរុសកូវីដ-១៩ នៅប្រទេសថៃ គឺធ្វើឱ្យម្ចាស់អាជីវកម្មរងផលប៉ះពាល់ ជាមួយនឹងប្រាក់ចំណូលធ្លាក់ចុះ ប្រមាណជាង ៥០% និងបុគ្គលិករាប់សែនអ្នករងផលប៉ះពាល់ផងដែរ ។ នេះបើតាមការបញ្ជាក់របស់ លោកស្រី Pasinee ដែដលលោកស្រី បានសរសេរជាលិខិតផ្លូវការជូនលោកប្រាយុទ្ធ សុំការបន្ធូរបន្ធយដល់ម្ចាស់អាជីវកម្មភោជនីយដ្ឋាននៅតំបន់ក្រហមខ្មៅ និងក្រហម ។

សមាគមចង់ឱ្យនាយករដ្ឋមន្រ្តីជួយដល់ប្រតិបត្តិករដោយអនុញ្ញាតឱ្យភោជនីយដ្ឋាននិងហាងអាហារផ្តល់សេវាកម្ម ទទួលភ្ញៀវឱ្យទទួលទានអាហារពេលល្ងាចនៅទីតាំងហាងបាន និងក៏បានស្នើសុំឱ្យលោកប្រាយុទ្ធ លើកលែងនិងកាត់បន្ថយពន្ធលើប្រាក់ចំណូលពន្ធលើស្លាកសញ្ញានិងពន្ធអគារ និងពន្ធដីធ្លី។ កាត់បន្ថយថ្លៃអគ្គិសនីនិងទឹកនិងកាត់បន្ថយវិភាគទានរបស់និយោជិកទៅមូលនិធិសន្តិសុខសង្គម។

ដើម្បីជួយនិយោជិក សមាគមបានស្នើសុំឱ្យរដ្ឋាភិបាលផ្តល់សំណងដល់ពួកគេសម្រាប់ប្រាក់ចំណូលដែលបាត់បង់ក្នុងអត្រា ៥០% នៃប្រាក់ខែរបស់ពួកគេ និងពន្យាពេលការបង់ចូលរួមវិភាគទាន ដល់ ប.ស.ស ដែលត្រូវបានកាត់បន្ថយចំនួន ២% កន្លងមក



អត្ថបទសរសេរ ដោយ

កែសម្រួលដោយ