ភ្លៀងមួយមេធំ លាយឡំជាមួយផ្លេកបន្ទោរ ផ្គររន្ទះ និងខ្យល់កន្ត្រាក់ បោកបក់ខូចខាតផ្ទះប្រជាពលរដ្ឋមួយចំនួន
- កណ្តាល
ខេត្តកណ្តាល៖ អាកាសធាតុ មិនអំណោយផល បានបង្កជាភ្លៀង ផ្គរ រន្ទះ និងខ្យល់កន្ត្រាក់ កាលពីថ្ងៃទី៦ ខែឧសភា ឆ្នាំ២០២១…
ខេត្តកណ្តាល៖ អាកាសធាតុ មិនអំណោយផល បានបង្កជាភ្លៀង ផ្គរ រន្ទះ និងខ្យល់កន្ត្រាក់ កាលពីថ្ងៃទី៦ ខែឧសភា ឆ្នាំ២០២១…
ខេត្តកណ្តាល៖ អាកាសធាតុ មិនអំណោយផល បានបង្កជាភ្លៀង ផ្គរ រន្ទះ និងខ្យល់កន្ត្រាក់ កាលពីថ្ងៃទី៦ ខែឧសភា ឆ្នាំ២០២១ វេលាម៉ោងប្រហែលជា ៤ល្ងាច។ ភ្លៀងមួយមេធំជិត ១ម៉ោងនេះ បណ្តាលអោយផ្ទះ និងបង្គន់អនាម័យរបស់បងប្អូនប្រជាពលរដ្ឋមួយចំនួន រងនូវការខូចខាត។
ហេតុការណ៍ភ្លៀងផ្គររន្ទះ និងខ្យល់កន្ត្រាក់នេះ បានកើតឡើង នៅក្នុងភូមិពោធិ៍មៀវ ឃុំគគីរធំ ស្រុកកៀនស្វាយ ខេត្តកណ្តាល។
ចំណែកផលដំណាំផ្សេងៗ ពិសេសដើមចេក បានបាក់ដួលរៀប។ ប៉ុន្តែករណីគ្រោះធម្មជាតិ នៅភូមិពោធិ៍មៀវនេះ មិនមានមនុស្សណាម្នាក់ រងរបួសនោះឡើយ។
ជាការយកចិត្តទុកដាក់ជាមួយពលរដ្ឋភ្លាមនោះ លោកអនុប្រធានភូមិពោធិ៍មៀវ ក៏បានប្រញាប់ប្រញាល់ ចុះមកពិនិត្យមើល ទាំងខ្លួនស្លៀកក្រមា ក្រោមដំណក់ទឹកភ្លៀងផងដែរ៕
ចែករំលែកព័តមាននេះ