រាជធានីភ្នំពេញ ៖ តារាសម្តែងដែលចូលចិត្តសម្ញែងនូវភាពសិចស៊ី នាងដេនី ក្វាន់ បានធ្វើមហាជនមានការស្រឡាំងកាំង និងភ្ញាក់ផ្អើលយ៉ាងខ្លាំង ក្នុងពេលដែលនាងបានប្រកាសជាសាធារណ:ថា នាងកំពុងស្វែងរកមន្ទីរពេទ្យនៅក្នុងស្រុកណាមួយ ដើម្បីចាក់មេជីវិតអោយមានកូន ដោយមិនចាំបាច់មានប្តី។
ការប្រកាសរបស់នាង ដេនី ក្វាន់ នាពេលនេះ បានធ្វើឡើង បន្ទាប់ពីនាងបានត្អូញត្អែរ និងបដិសេធទទួលយកស្នេហាចាស់របស់នាងជាបន្តបន្ទាប់ ក្រោយជួបស្នេហ៍មិនសមបំណង។ យ៉ាងណា តារារូបនេះបានធ្វើមហាជនកាន់តែភ្ញាក់ផ្អើលក្នុងពេលដែលសុខៗនាងបែរជាប្រកាសចង់ចាក់មេជីវិតអោយមានកូន ដោយមិនចាំបាច់មានដៃគូស្នេហាទៅវិញ។
ដេនី ក្វាន់ បានបង្ហោះនៅលើគណនេយ្យហ្វេសប៊ុករបស់ខ្លួនថា នៅខ្មែរមានមន្ទីពេទ្យ ចាក់មេជីវិត អោយមានកូនអត់? ខ្ញុំចង់ចាក់មេជីវិតយកកូន ដំបូងថាត្រូវចាក់នៅថៃ តែយូរពេក មិនដឹងថ្ងៃណាគេបើកច្រកវិញទេ។
ជាការកត់សម្គាល់ ដំបូងឡើយការប្រកាសខាងលើពីនាង ដេនី ក្វាន់ នាពេលនេះ គឺមិនគ្រាន់តែជាការលេងសើចប៉ុណ្ណោះ ព្រោះរឿងបែបនេះគេកម្រឃើញមានកើតឡើងសម្រាប់តារាខ្មែរណាស់។ ប៉ុន្តែយ៉ាងណា នាង បានធ្វើការឆ្លើយតបយ៉ាងវិជ្ជមាននៅពេលមានពេលការសាកសួរពីមហាជនថា អ្វីដែលនាងបានសសេរនោះគឺជាការពិត។ ដេនី ក្វាន់ បញ្ជាក់ថា នាងអាចនឹងមានលទ្ធភាពគ្រប់គ្រប់សម្រាប់ការបីបាច់និងមើលថែកូនរបស់នាង បើទោះបីជានាងគ្មានស្វាមីក៏ដោយ ។ ទន្ទឹមនឹងការអះអាងបញ្ជាក់យ៉ាងច្បាស់លាស់របស់ ដេនីក្វាន់ នាពេលនេះក៏មានមហាជនមួយចំនួនបានណែនាំមន្ទីរពេទ្យ សម្រាប់នាងធ្វើរឿងនេះផងដែរ។
គួរបញ្ជាក់ នាងដេនី ក្វាន់ ធ្លាប់បានភ្ជាប់ទំនាក់ទំនងស្នេហ៍ជាមួយ លោក ចាន់ មករា ដែលត្រូវបានគេស្គាល់ថា ជាអតីតអ្នកដឹកនាំសម្តែង និងបច្ចុប្បន្នលោកគឺជាថៅកែឃ្លាំងលក់រថយន្តCMR ។ យ៉ាងណា ស្នេហារបស់ពួកគេមិនបានសមប្រកបឡើយ ពោលអ្នកទាំងពីរបានឈានដល់ផ្លូបំបែកយ៉ាងស្ងៀមស្ងាត់។
បច្ចុប្បន្ន ដេនី ក្វាន់ ក៏មានកូនស្រីម្នាក់ផងដែរ ឈ្មោះនាងល្អ ហួស ដែលមានរូបឆោមស្រស់បំព្រង និងកំពុងសិក្សាលើផ្នែក
សិល្បះជាច្រើនទម្រង់ផងដែរ ៕ ដោយ៖ សុខ វាសនា
ចែករំលែកព័តមាននេះ