ខេត្តក្រចេះ ៖ ឈើប្រភេទសាងសង់លំនៅឋានជាច្រើនម៉ែត្រគូប ត្រូវបានមន្ត្រីកងរាជអាវុធហត្ថស្រុកសំបូរ ខេត្តក្រចេះ ចុះបង្ក្រាប បាន កាលពីវេលាម៉ោង១២នៅថ្ងៃទី៣ ឧសភា កន្លងទៅនេះ…
ខេត្តក្រចេះ ៖ ឈើប្រភេទសាងសង់លំនៅឋានជាច្រើនម៉ែត្រគូប ត្រូវបានមន្ត្រីកងរាជអាវុធហត្ថស្រុកសំបូរ ខេត្តក្រចេះ ចុះបង្ក្រាប បាន កាលពីវេលាម៉ោង១២នៅថ្ងៃទី៣ ឧសភា កន្លងទៅនេះ ដែលមានចំណុចភ្នំខ្សាច់ភូមិស្រែស្បូវ ឃុំក្បាលដំរី ស្រុកសំបូរ ខេត្តក្រចេះ ។ ក្នុងប្រតិបត្តិការចុះបង្ក្រាបឈើអត់ច្បាប់នេះ ដឹកនាំកម្លាំងដោយលោកវរសេនីយ៍ត្រី សូត្រ ស៊ីមមេបញ្ជាការកងរាជអាវុធហត្ថស្រុកសំបូរ ហើយនៅក្នុងការចុះបង្ក្រាបនេះ កម្លាំងមន្ត្រីកងរាជអាវុធហត្ថបានប្រមូលឈើជាច្រើនម៉ែត្រគូប ដើម្បីយកទៅទុកជាភស្តុតាង ដើម្បីតាមរកម្ចាស់វត្ថុតាងយកមកផ្ដន្ទាទោសតាមច្បាប់ ។
លោកសូត្រ ស៊ីម មេបញ្ជាការកងរាជអាវុធហត្ថស្រុកសំបូរ បានប្រាប់ឲ្យដឹងថា បន្ទាប់ពីបានទទួលនូវសេចក្ដីរាយការណ៍ពីពលរដ្ឋព្រមទាំងមានការចង្អុលបង្ហាញពីលោកមេបញ្ជាការកងរាជអាវុធហត្ថខេត្តថា ត្រូវតែចាប់បង្ក្រាបបាននៅបទល្មើសកាប់បំផ្លាញព្រៃឈើដែលជាសម្បត្តិរដ្ឋ ដែលគ្មានច្បាប់អនុញ្ញាតនោះ ដើម្បីយកមកផ្ដន្ទាទោសតាមច្បាប់។
សូមបញ្ជាក់ផងដែរថា បន្ទាប់ពីកងកម្លាំងរាជអាវុធហត្ថស្រុកសំបូរបានចុះទៅធ្វើការចាប់បង្ក្រាបបទល្មើសឈើ ដែលបានលាក់ទុកជាច្រើនម៉ែត្រគូប ដែលគេគ្រោងនឹងដាក់យកទៅលក់នៅនៅតាមបណ្ដាខេត្តនានា ដែលជាប់នឹងខេត្តក្រចេះ ។ ចំណែកឯម្ចាស់ត្រូវបានរត់គេចខ្លួនបាត់ស្រមោលសូន្យឈឹងតែម្តង ។
បច្ចុប្បន្ន កម្លាំងមន្ត្រីកងរាជអាវុធហត្ថស្រុក កំពុងតែតាមស្រាវជ្រាវបន្ត ដើម្បីរកមុខម្ចាស់យកមកដោះស្រាយទៅតាមផ្លូវច្បាប់។ ដោយ៖ ប៊ុន លីនណា
ចែករំលែកព័តមាននេះ