ក្នុងមួយឆ្នាំៗនារីឥណ្ឌារាប់ពាន់នាក់រងគ្រោះដោយការចាប់រំលោភ, ហើយនារីមួយចំនួនធំដែលត្រូវគេរំលោភដែរ តែចង់មានឈ្មោះបរិសុទ្ធឡើងវិញ ត្រូវទូលថ្មទម្ងន់៤០គីឡូក្រាមក្នុងពិធីចម្លែកម្យ៉ាងតាមសាសនាហិណ្ឌូ ។
បង្ហាញភាពបរិសុទ្ធរបស់ខ្លួន
កាសែត Independent របស់អង់គ្លេសបានផ្សាយឱ្យដឹងថា នារីម្នាក់ត្រូវគេចាប់រំលោភរហូតមានផ្ទៃពោះ ហើយត្រូវមនុស្សក្នុងគ្រួសារបង្ខំឱ្យទូលថ្មទម្ងន់៤០គីឡូក្រាម ក្នុងពិធីសាសនាដ៏ចម្លែកមួយឈ្មោះពិធី Agnipariksha ដើម្បីបញ្ជាក់ភាពស្អាតស្អំរបស់ខ្លួន ។ ការទូលថ្មក្នុងពិធីនោះ នាងត្រូវអង្គុយត្រង់ខ្លួន ហើយនៅស្ងៀមរហូត លុះត្រាអាចារ្យម្ចាស់ពិធីប្រាប់ថា «នាងបានស្អាតស្អំវិញហើយ» ទើបអាចដាក់ដុំថ្មចុះពីក្បាល និងងើបដើរបាន ។ នារីរងគ្រោះក្រោយទូលថ្មក្នុងពិធី Agnipariksha រួច នាងត្រូវតុលាការសម្រេចមិនឱ្យរំលូតកូនចោលទេត្រូវទុកគភ៌រហូតដល់សម្រាល ហើយប្រគល់បុត្រនោះដល់អាជ្ញាធរដើម្បីអាជ្ញាធរប្រគល់ឱ្យមណ្ឌលកុមារចិញ្ចឹមថែទាំ ។ នារីរងគ្រោះនោះប្រាប់សាច់ញាតិរបស់ខ្លួនថា ជនដែលចាប់រំលោភនាង បានគំរាមសម្លាប់នាងចោលពេលណាគេរួចពីគុកវិញ ព្រោះដោយសារនាងប្តឹងប៉ូលិសទើបគេជាប់គុក ។
ក្នុងវប្បធម៌របស់អ្នកកាន់សាសនាហិណ្ឌូនៅឥណ្ឌា ពិធី Ag niparksha ជាពិធីសម្រាប់លាងភាពកខ្វក់របស់នារីដែលត្រូវគេចាប់រំលោភ ។ ពាក្យ Agniparik មានន័យថា «ពិធីសាកល្បងរបស់ភ្លើង» មានប្រភពពីរឿងរាមកេរ្តិ៍ ត្រង់វគ្គនាងសេតាយល់ព្រមដើរចូលភ្លើងដើម្បីបញ្ជាក់ភាពបរិសុទ្ធរបស់ខ្លួនបន្ទាប់ពីត្រូវយក្សលួចចាប់យកទៅនគរលង្កា ។
ទៅសម្លាប់ខ្លួននៅសមុទ្រនាងក្រមុំម្នាក់ត្រូវអ្នកនេសាទចាប់រំលោភ
កាសែត Daily Mail របស់អង់គ្លេសចេញផ្សាយកាលពីពេល ថ្មីៗកន្លងមកឱ្យដឹងថា នារីម្នាក់ក្រោយពេលលោតចុះសមុទ្រធ្វើអត្តឃាតជាមួយមនុស្សទាំងអស់ក្នុងគ្រួសាររបស់ខ្លួន ត្រូវរលកសមុទ្របោករុញឡើងដល់ឆ្នេរខ្សាច់មួយ ហើយត្រូវបុរសអ្នកនេសាទពីរនាក់ព្រួតគ្នារំលោភ ។
នារីនោះរួមជាមួយឪពុកម្តាយ និងប្អូនស្រី៤នាក់ទៀតរបស់ខ្លួន ត្រូវរលកសមុទ្របោករុញឡើងដល់ឆ្នេរខ្សាច់មួយ ហើយត្រូវបុរសនេសាទពីរនាក់ព្រួតគ្នារំលោភ ។
នារីនោះរួមជាមួយឪពុកម្តាយនិងប្អូនស្រី៤នាក់ទៀតរបស់ខ្លួន ឡើងទូកមួយគ្រឿងចេញទៅធ្វើអត្តឃាតរួមគ្នាដោយលោតចូលសមុទ្រ ក្រោយពីត្រូវគេបណ្តេញចេញពីភូមិនៅតំបន់ Puducherry ។ ក្រោយពេលលោតចុះសមុទ្រ ម្តាយនាង និងប្អូនស្រីពីរនាក់ស្លាប់បាត់បង់ជីវិត ខណៈឪពុកនាង និងប្អូនស្រី២នាក់ទៀតត្រូវរលក ធំៗបោករុញចូលឆ្នេរខ្សាច់មួយនៅឆ្ងាយពីនាង ។ នារីរងគ្រោះប្រាប់ប៉ូលិសថា បន្ទាប់ពីត្រូវរលកសមុទ្ររុញផុតពីកន្លែងធ្វើអត្តឃាតប្រហែល១គីឡូម៉ែត្រ នាងដេកស្តូកស្តឹងលើឆ្នេរខ្សាច់ បន្ទាប់មកត្រូវអ្នកនេសាទពីរនាក់ព្រួតគ្នារំលោភនាងខណៈនៅរវើរវាយនៅឡើយ ។
បន្ទាប់ពីទទួលពាក្យបណ្តឹងរបស់នារីរងគ្រោះ ប៉ូលិសបើកមើលកាមេរ៉ាសុវត្ថិភាពរបស់សណ្ឋាគារ និងផ្ទះសំណាក់ក្នុងតំបន់ឃើញបុរសពីរនាក់មានអាកប្បកិរិយាគួរឱ្យសង្ស័យ ហើយក៏នាំទៅសាកសួរ ។ បុរសពីរនាក់នោះជាអ្នកនេសាទក្តាម ម្នាក់ឈ្មោះ Raja អាយុ៣៥ឆ្នាំ ម្នាក់ទៀតឈ្មោះ Vijaykumar អាយុ៣២ឆ្នាំ ។ ដោយត្រូវប៉ូលិសសួរ ចំៗពេក ពួកគេភិតភ័យក៏ឆ្លើយសារភាពទាំងអស់ ។
រំលោភហើយគំរាមទារប្រាក់ទៀត
តាមកាសែត Indian Express ក្មេងស្រីជំទង់អាយុ១៥ឆ្នាំម្នាក់នៅភូមិ Banvarivas ក្នុងតំបន់ Noida ត្រូវបុរស៣នាក់ចាប់រំលោភយា៉ងសាហាវ ។ ជនទាំងនោះថែមទាំងថតវីដេអូពីសកម្មភាពនេះទៀត បន្ទាប់មកពួកគេរួមទាំងប្រពន្ធរបស់ជនម្នាក់ផងទារប្រាក់ពីក្មេងស្រីរងគ្រោះ ដោយគំរាមថាបើមិនឱ្យប្រាក់គ្រប់ចំនួនតាមការទាមទារទេ នឹងបង្ហោះរូបភាពនាងត្រូវគេរំលោភឱ្យអ្នកផងមើលពេញប្រទេស ។ ភ័យពេកក្មេងស្រីរងគ្រោះប្រាប់ឪពុកម្តាយតាមត្រង់។ ឪពុកម្តាយនាងក៏ដាក់ពាក្យប្តឹងប៉ូលិស ប៉ុន្តែដោយជនល្មើសទាំងនោះស្គាល់មន្ត្រីប៉ូលិសមួយចំនួន ដូច្នេះគ្មានអ្នកណាធ្វើអីពួកគេទេ ។
ថ្មីៗនេះជនល្មើសទាំង៣នាក់នោះលួចចូលផ្ទះ
ក្មេងស្រីរងគ្រោះពេលឪពុកម្តាយនាងអត់នៅផ្ទះ ចូលដល់ភ្លាមនាំគ្នាស្រោចសាំងលើខ្លួននាងដុតទាំងរស់ ធ្វើឱ្យខ្លួនប្រាណនាងរលាករលួយ៩០ភាគរយ បានអ្នកស្រុកជួយនាំទៅសង្គ្រោះនៅមន្ទីរពេទ្យ Kailash ក្នុងតំបន់ Noida តែដោយស្នាមរបួសលើខ្លួននាងធ្ងន់ពេកគេក៏បញ្ជូនបន្តទៅមន្ទីរពេទ្យនៅរដ្ឋធានីញូវដេលី ដឹងអីទៅដល់ញូវដេលីនាងអស់ជីវិតល្មម ។ ក្រោយពីក្មេងស្រីរងគ្រោះអស់ជីវិត ប៉ូលិសនៅតំបន់ Noida ឃើញរឿងនេះកាន់តែធំពុំអាចព្រងើយកន្តើយបានទៀតក៏បញ្ជូនកម្លាំងតាមរកចាប់ជនល្មើសទាំង៣នាក់នោះភ្លាម ៕
ចែករំលែកព័តមាននេះ