ព្រះវិហារសង់នៅពាក់កណ្តាលសតវត្សរ៍ទី ១៦ ឬគេហៅថាប្រាសាទ Santiago បានលេចរូបរាងឡើងក្រោយពេលទឹកទន្លេស្រក២៥ម៉ែត្រ។
លោកលីអូណែល ម៉ែនដូហ្សា ដែលតែងតែទៅស្ទូចត្រីនៅម្តុំអាងស្តុកទឹកហ៊ុមព័ទ្ធ
ព្រះវិហារសង់នៅពាក់កណ្តាលសតវត្សរ៍ទី ១៦ ឬគេហៅថាប្រាសាទ Santiago បានលេចរូបរាងឡើងក្រោយពេលទឹកទន្លេស្រក២៥ម៉ែត្រ។
លោកលីអូណែល ម៉ែនដូហ្សា ដែលតែងតែទៅស្ទូចត្រីនៅម្តុំអាងស្តុកទឹកហ៊ុមព័ទ្ធទៅដោយព្រៃឈើ និងជួរភ្នំនាភាគខាងត្បូងប្រទេសម៉ិកស៊ិក រដ្ឋ Chiapas ជាអ្នកប្រទះឃើញទិដ្ឋភាពដ៏អស្ចារ្យនោះមុនគេ បន្ទាប់ពីវាកប់បាត់ជាយូរលង់មកហើយ ។ ក្រោយពេលប្រាសាទនោះលេចចេញពីក្នុងទឹកកាលពីពេល ថ្មីៗកន្លងមកមានអ្នកទេសចរជាច្រើននាក់ទៅទស្សនាកម្សាន្ត និងថតយករូបភាព ។
នេះជាលើកទី២ហើយដែលទឹកស្រកបង្ហាញរូបរាងវិហារនោះ ក្រោយពីទឹកលិចកប់បាត់នៅឆ្នាំ១៩៦៦ ។ កាលពីឆ្នាំ២០០២ ទឹកស្រកបានលេចរូបរាងម្តងរួចមកហើយ ធ្វើឱ្យអ្នកទេសចរអាចចូលទៅខាងក្នុងប្រាសាទនោះបាន។ ប្រាសាទនោះមានទីតាំងស្ថិតនៅក្បែរតំបន់ Quechula និងសាង់សង់ឡើងដោយព្រះសង្ឃមួយក្រុមដឹកនាំដោយ Friar Bartolome de la Casas នៅពាក់កណ្តាលសតវត្សរ៍ទី១៦ ។ វិហារដែលមានប្រវែងបណ្តោយ៦១ម៉ែត្រ និងទទឹង១៤ម៉ែត្រ កម្ពស់១០ម៉ែត្រ និងខ្លោងទ្វារចូលប្រវែង១៦ម៉ែត្រ នោះត្រូវគេបោះបង់ចោលពីឆ្នាំ១៧៧៣ដល់ឆ្នាំ១៧៧៦ ។ នេះបើយោងតាមសម្តីស្ថាបត្យករ Carlos Navarete ដែលធ្វើការជាមួយអាជ្ញាធរម៉ិកស៊ិក ៕
ចែករំលែកព័តមាននេះ