សារព័ត៌មាន «វ៉ាស៊ីនតោនប៉ុស្តិ៍» ផ្សាយថាលោកថូនី ហែរីស ជនជាតិអាមេរិកអាយុ៥០ឆ្នាំ រស់នៅក្រុងហ្វ៊ីឡាដែលហ្វ៊ីយ៉ា កាលពីពេល ថ្មីៗកន្លងមកត្រូវជនល្មើស៣នាក់ មានអាយុពី១៧ឆ្នាំដល់១៩ឆ្នាំ ចូលទៅក្នុងផ្ទះប្លន់យកប្រាក់៦០.០០០ដុល្លារ ។
របាយការណ៍បញ្ជាក់ថា បុរសរងគ្រោះ និង ប្រពន្ធត្រូវក្រុមចោរចាប់ចង និងយកកាំភ្លើងភ្ជង់ក្បាល បង្ខំឱ្យប្រាប់កន្លែងលាក់លុយដែលបង្ហាញក្នុងហ្វេសប៊ុក កាលពីថ្ងៃទី៥ តុលា ។ លោកហែរីស មិនព្រមប្រាប់កន្លែងលាក់លុយទេ ដូច្នោះហើយត្រូវក្រុមចោរបាញ់ក្បាលបណ្តាលឱ្យស្លាប់បាត់បង់ជីវិត ។
តាមពិតលោកថូនី ហែរីស គ្មានប្រាក់៦០.០០០ដុល្លារ ដូចបង្ហាញតាមហ្វេសប៊ុកទេ ដោយក្មួយរបស់លោកបញ្ជាក់ថា លោកយកក្រដាសប្រាក់២០ដុល្លាររុំស្រោបដុំប្រាក់១ដុល្លារ ហើយបង្ហោះតាមហ្វេសប៊ុក ដើម្បីបង្អួតមិត្តភក្តិ។ ការលេងសើចនោះធ្វើឱ្យកើតរឿងអកុសលនឹកស្មានមិនដល់ គឺត្រូវពួកចោរចូលប្លន់សម្លាប់បន្សល់ទុកប្រពន្ធឱ្យនៅចិញ្ចឹមកូនស្រីអាយុ៥ឆ្នាំ ៣ឆ្នាំ និង១០ខែ ៕
ចែករំលែកព័តមាននេះ