អភិបាលខេត្តព្រះសីហនុ ទទួលអំណោយមនុស្សធម៌ សាច់ក្រក ត្រីតៀង និងបន្លែចម្រុះជាង ១០តោន
- ព្រះសីហនុ
ខេត្តព្រះសីហនុ៖ កាលពីរសៀលថ្ងៃទី២៩ ខែមេសា ឆ្នាំ២០២១ ឯកឧត្ដម គួច ចំរើន អភិបាលខេត្តព្រះសីហនុ បានអញ្ជើញទទួលអំណោយមនុស្សធម៌ពីលោកឧញ៉ា ទៀ…
ខេត្តព្រះសីហនុ៖ កាលពីរសៀលថ្ងៃទី២៩ ខែមេសា ឆ្នាំ២០២១ ឯកឧត្ដម គួច ចំរើន អភិបាលខេត្តព្រះសីហនុ បានអញ្ជើញទទួលអំណោយមនុស្សធម៌ពីលោកឧញ៉ា ទៀ…
ខេត្តព្រះសីហនុ៖ កាលពីរសៀលថ្ងៃទី២៩ ខែមេសា ឆ្នាំ២០២១ ឯកឧត្ដម គួច ចំរើន អភិបាលខេត្តព្រះសីហនុ បានអញ្ជើញទទួលអំណោយមនុស្សធម៌ពីលោកឧញ៉ា ទៀ វិចិត្រ និងលោកជំទាវ រួមមាន៖ សាច់ក្រក ត្រីងៀត និងបន្លែចម្រុះចំនួនជាង ១០តោន ឧបត្ថម្ភជូនដល់រដ្ឋបាលខេត្តព្រះសីហនុ សម្រាប់ប្រើប្រាស់ក្នុងវិធានការប្រយុទ្ធប្រឆាំងទប់ស្កាត់ និងគ្រប់គ្រងជំងឺកូវីដ-១៩ ក្នុងព្រឹត្តិការណ៍សហគមន៍ ២០កុម្ភៈ នៅខេត្តព្រះសីហនុ ជាពិសេសសម្រាប់ពលរដ្ឋ ស្ថិតក្នុងតំបន់ក្រហម ដែលជួបការខ្វះខាត។
ឯកឧត្តម គួច ចំរើន អភិបាលខេត្តព្រះសីហនុ មានប្រសាសន៍ថ្លែងអំណរគុណចំពោះលោកឧកញ៉ា ទៀ វិចិត្រ ដែលបាននាំយកអំណោយមនុស្សធម៌ មកឧបត្ថម្ភជូនដល់រដ្ឋបាលខេត្តព្រះសីហនុ ដែលកំពុងត្រូវការចាំបាច់ ហើយសកម្មភាពនេះ ជាការចូលរួមចំណែកយ៉ាងសកម្មជាមួយរដ្ឋបាលខេត្តព្រះសីហនុ សម្រាប់ប្រើប្រាស់ក្នុងវិធានការប្រយុទ្ធប្រឆាំងទប់ស្កាត់ និងគ្រប់គ្រងជំងឺកូវីដ-១៩ ក្នុងព្រឹត្តិការណ៍សហគមន៍ ២០កុម្ភៈ នៅខេត្តព្រះសីហនុ ឱ្យទទួលបានជោគជ័យ។
ឯកឧត្តមអភិបាលខេត្ត សង្ឃឹម និងជឿជាក់ថា បងប្អូនសប្បុរសជន ក្រុមហ៊ុនក្នុងខេត្តព្រះសីហនុ នឹងបន្តជួយឧបត្ថម្ភគាំទ្រដល់រដ្ឋបាលខេត្តព្រះសីហនុ ក្នុងការចូលរួមបង្ការ ទប់ស្កាត់ ប្រយុទ្ធប្រឆាំងនឹងជំងឺ ឆ្លងកូវីដ-១៩ ក្នុងខេត្តព្រះសីហនុបន្តទៀត។
សូមបញ្ជាក់ថា នៅល្ងាចថ្ងៃដដែល លោកឧកញ៉ា ទៀ វិចិត្រ ក៏បានឧបត្ថម្ភបន្ថែមនូវអាល់កុល ១០ប៊ីដុងធំ និងរបាំងមុខការពារមួយចំនួនទៀត ដល់លោក អ៊ី សុខឡេង អភិបាលក្រុងព្រះសីហនុ សម្រាប់ក្រុមការងារជួរមុខរបស់រដ្ឋបាលក្រុង ចុះធ្វើការផ្ទាល់ផងដែរ៕
ចែករំលែកព័តមាននេះ