ខេត្តស្វាយរៀង ៖ រថយន្តវេអងបើកបរដូចហោះ ក៏បានរេចង្កូតមកបុករះសំយ៉ាបនិងអីវ៉ាន់លក់ដូរខ្ទេច ហើយបន្តបុកដើមស្វាយ២ដើមទៀតទើបទៅមុខលែងរួច ។ តែសំណាងល្អ មិនបង្កឲ្យមានអ្នករងរបួសនោះទេ ។ ហេតុការណ៍កើតឡើងកាលពីវេលាម៉ោង១១និង៤០នាទីថ្ងៃទី២៨ មេសា ស្ថិតនៅលើផ្លូវជាត់លេខ៣១៤D ក្នុងភូមិព្រីងជ្រំ ឃុំព្រះពន្លា ស្រុកកំពង់រោទិ៍ ខេត្តស្វាយរៀង។
បើតាមពលរដ្ឋនៅកន្លែងកើតហេតុបានឲ្យដឹងថា នៅមុនពេលកើតហេតុ គេឃើញរថយន្តមួយគ្រឿងនេះមានពាក់ស្លាកលេខ កំពង់ចាម់.3A0320 ពណ៌.ស សណ្តោងរឺម៉កពណ៌ខៀវ4A.1434 បើកបរពីត្បូងទៅជើងយ៉ាងលឿន។ ប្រភពបានបន្តទៀតថា លុះមកដល់ចំណុចកើតហេតុខាងលើ ក៏វ៉ាគោយន្តដឹកទឹកកកដែលឈប់អែបចញ្ចើមថ្នល់ បណ្តាលឲ្យរេចង្កូតមកខាងឆ្វេងដៃបុករះ
សំយ៉ាបផ្ទះលក់ដូរបាក់ខ្ទេចមួយចំហៀង និងខូចខាត់អីវ៉ាន់ដែលដាក់លក់នោះអស់ជាច្រើនទៀត ដោយរថយន្តមិនទាន់អស់ល្បឿនក៏ជ្រុលទៅមុខទៀតហើយបុករះដើមស្វាយរលំអស់០២ដើម ទើបអស់ល្បឿនទៅមុខលែងរួច។
ប្រភពបានបញ្ជាក់ថា រថយន្តនេះជារថយន្តដឹកស្រូវ ទើបតែមកពីទម្លាក់ស្រូវនៅប្រឡាយទាហ៊ាននៃច្រកទ្វាព្រំដែនអន្តរជាតិព្រៃវល្ល៍ហើយត្រឡប់មកទៅវិញ ដែលមានម្ចាស់នៅខេត្តព្រៃវែង។ ចំណែកម្ចាស់ផ្ទះនិងម្ចាស់រថយន្តបានសម្របសម្រួសគ្នាដោយម្ចាស់រថយន្តសសំណង១,៥០០ដុល្លារ ដើម្បីបញ្ចប់រឿង។ រីឯអ្នកបើកបររថយន្តបង្កវិញត្រូវសមត្ថកិច្ចចាប់ឃាត់ខ្លួនបញ្ជូនទៅការិយាល័យនគបាលចរាចរណ៍នៃស្នងការដ្ឋាននគបានខេត្តស្វាយរៀងដើម្បីសួរនាំតាមនីតិវិធី៕ ដោយ៖ វ៉ាន់ ប៊ុនធឿន
ចែករំលែកព័តមាននេះ