សូដា នីតា បែបន់ឱ្យ ស៊ិន ឧត្តមផល្លា ឆ្លងផុតអំពីដំណាក់កាលជំងឺសាហា.វមួយនេះ
- ភ្នំពេញ
រាជធានីភ្នំពេញ ៖ តារាចម្រៀងច្រៀង បានច្រើនភាសា ស៊ិន ឧត្តមផល្លា បានទម្លាយការណ៍ពិតដោយ ប្រកាសថា សព្វថ្ងៃនេះ នាងរស់រានដោយជំងឺមហារីក។…
រាជធានីភ្នំពេញ ៖ តារាចម្រៀងច្រៀង បានច្រើនភាសា ស៊ិន ឧត្តមផល្លា បានទម្លាយការណ៍ពិតដោយ ប្រកាសថា សព្វថ្ងៃនេះ នាងរស់រានដោយជំងឺមហារីក។ ក្រោយពេលទម្លាយរឿងផ្ទាល់ខ្លួនគ្រប់គ្នារន្ធត់តក់ស្លុត ពេលដឹងថា តារាធ្លាប់ល្បីឈ្មោះស៊ិន ឧត្តមផល្លា បែរជាសម្រាកនៅលើគ្រែរស់ជាមួយជំងឺ ខណៈរូបកាយធ្លាប់តែផូរផង់។
អ្នកនាង សូដា នីតា ដែលបានដឹងដើមហេតុនេះ បានសម្តែងសេចក្តីព្រួយបារម្ភ ដោយសារធ្លាប់មានអនុស្សាវរីយ៍ ការងារជាមួយគ្នា លុះដល់ពេលដឹងថា បែបនេះ កាន់តែអាណិត ហើយបានសរសេរថា « នាងខ្ញុំដឹង១រយៈពេលហើយ ចំពោះជំងឺបងស្រី តែមិននឹកស្មានថា ឆ្ងន់ឆ្ងរបែបនេះ ព្រោះគិតថា មិនយូរ ២ ឬ៣ខែនឹងជាវិញហើយ ។ តែអីឡូវកាន់ឆ្ងន់ឆ្ងរហួសពីការស្មាន សូមទេវត្តាឆ្នាំថ្មី នឹងវត្ថុសាកសិទ្ធិ សូមជួយអោយបងស្រីបានរឹងមាំនឹងឆាប់ស្បើយពីជំងឺ មហារីកបំពងក នេះផង។ បងស្រីមនុស្សល្អសង្ឃឹមទេវតាលោកនឹងឃុំគ្រងបងស្រី ឆាប់ជាបង និងអាលមកជួបជុំក្រុមយើងវិញ Sin Oudom Phalla.»។
គួរបញ្ជាក់ថា អ្នកនាងស៊ិន ឧត្តមផល្លា កើតជំងឺមហារីកកូនកណ្តុរ ពីដំបូងនៅត្រង់.ក យូរបន្តិចទៅឡើងដល់ទីតាំងក្បាល។ អ្នកនាងកំពុងសម្រាកនៅមន្ទីរពេទ្យមួយ។ អ្វីដែលតារារូបនេះ ប៉ងចង់បាន គឺចង់មានសង្ខារគ្រប់គ្រាន់ក្នុងការតស៊ូរស់រាន ដើម្បីចង់ឃើញកូនប្រុសស្រីទាំង៣នាក់មានគូស្រករៀងៗខ្លួន ។ ហើយអ្នកនាងជានារីដ៏រឹងមាំម្នាក់ដែលតស៊ូចិញ្ចឹមកូនតែម្នាក់ឯង ជាស្ត្រីមេម៉ាយ។
ចែករំលែកព័តមាននេះ