ខេត្តសៀមរាប៖ ក្នុងកំឡុងពេល ដែលជំងឺកូវីដ១៩ កំពុងរាតត្បាតយ៉ាងខ្លាំងក្នុងពិភពលោក ក៏ដូចជានៅកម្ពុជា អាជ្ញាធរជាតិអប្សរា បានយកចិត្តទុកដាក់យ៉ាងខ្លាំង ចំពោះការបង្ការធ្វើយ៉ាងណា ទប់ស្កាត់ការឆ្លងរាលដាលនៃជំងឺឆ្លងនេះ។ ក្នុងនោះ…
ខេត្តសៀមរាប៖ ក្នុងកំឡុងពេល ដែលជំងឺកូវីដ១៩ កំពុងរាតត្បាតយ៉ាងខ្លាំងក្នុងពិភពលោក ក៏ដូចជានៅកម្ពុជា អាជ្ញាធរជាតិអប្សរា បានយកចិត្តទុកដាក់យ៉ាងខ្លាំង ចំពោះការបង្ការធ្វើយ៉ាងណា ទប់ស្កាត់ការឆ្លងរាលដាលនៃជំងឺឆ្លងនេះ។ ក្នុងនោះ រមណីយដ្ឋានអង្គរ ក្នុងខេត្តសៀមរាប បានបិទ មិនឲ្យអ្នកទេសចរ ចូលទស្សនា តាមសេចក្តីរបស់រាជរដ្ឋាភិបាល កាលពីថ្ងៃទី៧ ខែមេសា ឆ្នាំ២០២១ ដើម្បីទប់ស្កាត់ការឆ្លងរាលដាលជំងឺកូវីដ១៩។
ប៉ុន្តែនៅថ្ងៃទី២៥ ខែមេសា ឆ្នាំ២០២១ រាជរដ្ឋាភិបាល បានអនុញ្ញាតឲ្យធ្វើចរាចរណ៍ឆ្លងខេត្តឡើងវិញ និងបើកតំបន់រមណីយដ្ឋានទេសចរណ៍ នៅទូទាំងប្រទេសវិញផងដែរ។ រមណីយដ្ឋានអង្គរខេត្តសៀមរាប ក៏បានបើក ទទួលអ្នកទេសចរ កាលពីថ្ងៃទី២៦មេសា ដោយអនុវត្តវិធានសុខាភិបាល ដើម្បីការពារ បង្ការ និងទប់ស្កាត់ការឆ្លងរាលដាលជំងឺកូវីដ១៩ រួមមាន៖ ការវាស់កម្តៅ លាងដៃនឹងអាល់កុល រក្សាគម្លាត ព្រមទាំងតម្រូវឲ្យអ្នកទេសចរ ត្រូវស្កេន QR Code ជាដើម។
លោក ឡុង កុសល អ្នកនាំពាក្យអាជ្ញាធរជាតិអប្សរា បានមានប្រសាសន៍ថា អំពីចំនួនភ្ញៀវជាតិ និងអន្តរជាតិ ដែលបានចូលមកទស្សនារមណីយដ្ឋានអង្គរ តាមគោលដៅប្រាសាទ សម្រាប់ថ្ងៃទី ២៦ ខែមេសា ឆ្នាំ២០២១ រួមមាន: ១_ ប្រាសាទអង្គរវត្ត ( ភ្ញៀវជាតិ ១១៥, និង ភ្ញៀវ អន្តរជាតិ ០១ នាក់ ) សរុប ១១៦នាក់។ ២_ ប្រាសាទបាយ័ន ( ភ្ញៀវ ជាតិ ២៨ , ភ្ញៀវអន្តរជាតិ០២ )សរុប ៣០នាក់។ ៣ប្រាសាទភ្នំបាខែង (ភ្ញៀវ ជាតិ ២២៣ , និង ភ្ញៀវ អន្តរជាតិ ០៤) សរុប ២២៧ នាក់។ ៤ ប្រាសាទ តាព្រហ្ម (ភ្ញៀវ ជាតិ១៧ + ព្រះសង្ឃ ០៥, និង ភ្ញៀវ អន្តរជាតិ០០ )សរុប ២២នាក់អង្គ។ ៥_ ប្រាសាទបន្ទាយក្តីស្រះស្រង់( ភ្ញៀវ ជាតិ២៨ , និង ភ្ញៀវ អន្តរជាតិ០១)សរុប ២៩ នាក់។ ៦ ប្រាសាទមេបុណ្យខាង កើត ប្រែរូប ( ភ្ញៀវ ជាតិ ០៦ នាក់ និង ភ្ញៀវអន្តរជាតិ ០០) សរុប ០៦នាក់។ ៧ប្រាសាទនាគព័ន្ធតាសោម( ភ្ញៀវជាតិ៣១ នាក់ និង ភ្ញៀវ អន្តរ ជាតិ០១ នាក់ )សរុប ៣២នាក់ ។ ៨ ប្រាសាទព្រះខ័ន(ភ្ញៀវ ជាតិ ២០ នាក់ និង ភ្ញៀវ អន្តរជាតិ០៤ នាក់ ) សរុប ២៤នាក់។៩ប្រាសាទ ភិមានអាកាសប៉ាលិលេយ្យ (ភ្ញៀវជាតិ ៥៣ នាក់ និង ភ្ញៀវ អន្តរជាតិ០០) សរុប ៥៣នាក់។ ១០_ ប្រាសាទបាភួនខ្លោងទ្វារតាកាវ( ភ្ញៀវជាតិ ០៧ នាក់ អន្តរជាតិ ០០ )សរុប០៧នាក់។ ១១ ប្រាសាទធម្មនន្ទចៅសាយទេវត្តា( ភ្ញៀវ ជាតិ ១២ នាក់ និង ភ្ញៀវ អន្តរជាតិ ០០) សរុប ១២ នាក់។ ១២ ប្រាសាទតាកែវតានៃ ( ភ្ញៀវជាតិ ១២ និង ភ្ញៀវអន្តរជាតិ ០០) សរុប ១២ នាក់។ ១៣ -ប្រាសាទខ្លោងទ្វារទន្លេអុំ( ភ្ញៀវជាតិ ២០ នាក់ និង ភ្ញៀវ អន្តរជាតិ ០០) សរុប ២០នាក់។ ១៤ ប្រាសាទសួរព្រ័ត្រ ( ភ្ញៀវ ជាតិ១២ នាក់ និង ភ្ញៀវអន្តរជាតិ០០) = ១២នាក់។ ១៥_ ប្រាសាទក្រវ៉ាន់ បាតជុំ ( ភ្ញៀវ ជាតិ ១០, និង ភ្ញៀវ អន្តរជាតិ ០០) សរុប ១០នាក់។ ១៦_ ប្រាសាទបាគង ( ភ្ញៀវ ជាតិ២៣ នាក់ និង ភ្ញៀវ អន្តរជាតិ ០០) សរុប ២៣នាក់។ ១៧_ ប្រាសាទព្រះគោលលៃ ( ភ្ញៀវជាតិ២២ នាក់ និង ភ្ញៀវ អន្តរជាតិ០០) សរុប ២២ នាក់។ ១៨ ប្រាសាទភ្នំក្រោមវត្តអធ្វា ( ភ្ញៀវ ជាតិ០០, អន្តរជាតិ០០) សរុប ០០ នាក់។ ១៩ ប្រាសាទមេបុណ្យខាងលិចបារាយណ៍ទឹក ថ្លា ( ភ្ញៀវ ជាតិ៣០ នាក់ និង ភ្ញៀវអន្តរជាតិ០២នាក់ )សរុប៣២នាក់។ ២០។ប្រាសាទបន្ទាយសម្រែភ្នំបូក (ភ្ញៀវជាតិ០២ នាក់ និង ភ្ញៀវអន្តរជាតិ០០ ) សរុប ២២នាក់ ។២១ ប្រាសាទបន្ទាយស្រី ( ភ្ញៀវជាតិ០៩ នាក់ និង ភ្ញៀវ អន្តរជាតិ ០១ នាក់) សរុប ១០ នាក់ ។
គួរបញ្ជាក់ថា គ្រប់គោលដៅ សរុប ( ភ្ញៀវ ជាតិ ៦៨០ នាក់ និង ភ្ញៀវ អន្តរជាតិ១៦ នាក់) សរុប ៦៩៦ នាក់ និង ព្រះសង្ឃ ០៥អង្គ។
ជានិច្ចកាល អាជ្ញាធរជាតិអប្សរា បានដាក់ចេញនូវវិធានការសម្រាប់មន្ត្រីភ្នាក់ងារបំពេញកិច្ចការតាមប្រាង្គប្រាសាទទាំងអស់ ត្រូវអនុវត្តន៍ជាប្រចាំនូវវិធានការ ៣កុំ ៣ការពារ ឱ្យបានជាប់ជាប្រចាំ។ ចំពោះប្រជាពលរដ្ឋ និងភ្ញៀវទេសចរ មុនពេលចូលទស្សនាប្រាសាទ គឺតម្រូវឱ្យពាក់ម៉ាស់ លាងសម្អាតដៃជាមួយអាល់កុល និងស្គេនកម្មវិធី QR Code ចុះឈ្មោះ ដើម្បីទប់ស្កាត់មេរោគកូវីដ១៩ ជាពិសេសមិនឱ្យមានភាពប្រមូលផ្តុំ ឬការឈរកៀកៗគ្នាឡើយ។
អាជ្ញាធរជាតិអប្សរា សង្ឃឹមជឿជាក់ថា បងប្អូនប្រជាពលរដ្ឋ និងភ្ញៀវទេសចរទាំងអស់ ពិតជាមាន ការយោគយល់ និងចូលរួមអនុវត្តន៍ឱ្យបានល្អប្រសើរទាំងអស់គ្នា៕ ដោយ៖ ច័ន្ទ រស្មី
ចែករំលែកព័តមាននេះ