រាជធានីភ្នំពេញ ៖ តារាសម្តែង និងចម្រៀងអ្នកនាង ស៊ិន ឧត្តមផល្លា បានសារភាពថា ខ្លួនកំពុងតែផ្ទុកនូវជំងឺមហារីកនៅក្នុងដំណាក់កាលចុងក្រោយ ដែលទាមទារអោយនាងត្រូវការព្យាបាលមួយជាក់លាក់។ ការទម្លាយអោយដឹងពីការផ្ទុកជំងឺដ៏កាចសា.ហាវពីតារារូបនេះបានធ្វើឡើង…
រាជធានីភ្នំពេញ ៖ តារាសម្តែង និងចម្រៀងអ្នកនាង ស៊ិន ឧត្តមផល្លា បានសារភាពថា ខ្លួនកំពុងតែផ្ទុកនូវជំងឺមហារីកនៅក្នុងដំណាក់កាលចុងក្រោយ ដែលទាមទារអោយនាងត្រូវការព្យាបាលមួយជាក់លាក់។ ការទម្លាយអោយដឹងពីការផ្ទុកជំងឺដ៏កាចសា.ហាវពីតារារូបនេះបានធ្វើឡើង បន្ទាប់ពីមានការជជីកសួរពីសំណាក់ទស្សនិក ក្រោយពេលដែលនាងបានបង្ហាញរូបភាពស្គមស្លេកស្លាំងកាលពីពេលកន្លងទៅ។
ដោយមិនចង់លាក់លៀមក្នុងពេលដែលជំងឺបានវិវត្តន៍មកដល់ដំណាក់កាលនេះទៅហើយ តារាសម្តែងដែលទើបបង្ហាញខ្លួនក្នុងរឿងរាជនីភូមិគ្រឹះ អ្នកនាង ស៊ិន ឧត្តមផល្លា បានបង្ហោះសារតាមគណនេយ្យហ្វេសប៊ុករបស់ខ្លួនថា «បងប្អូនតែងតែខមមិនសួរខ្ញុំថា តើខ្ញុំកើតអីមែនទេ?»។
នាងបញ្ជាក់ថា «ឥឡូវនេះ ខ្ញុំសម្រេចថា បង្ហាញការពិតហើយ គឺខ្ញុំកំពុងតែរស់នៅជាមួយជំងឺមហារីកដំណាក់កាលចុងក្រោយ ក្នុងចិត្តខ្ញុំគ្រាន់តែចង់ឃើញកូនៗខ្ញុំមានប្តីមានប្រពន្ធ រួចហើយចាំយកខ្ញុំទៅពេលក៏បានដែរ»។
ជាការកត់សម្គាល់ បន្ទាប់ពី ស៊ិន ឧត្តមផល្លា បានដាច់ចិត្តទម្លាយរឿងរ៉ាវដ៏តក់ស្លុតដែលបានកើតឡើងលើខ្លួននាងជាសាធារណៈនោះ គេឃើញមហាជន និងមិត្តភក្តិក្នុងសិល្បៈរបស់នាងជាច្រើនបាននាំគ្នាផ្ញើរសារផ្តល់កម្លាំងចិត្តអោយរឹងមាំតស៊ូជម្នះនូវជំងឺមួយនេះ ដើម្បីអនាគតកូនៗរបស់នាង។
គួរបញ្ជាក់ថា តារាចម្រៀង និងសម្តែងអ្នកនាង ស៊ិន ឧត្តមផល្លា បាននិងកំពុងទទួលបន្ទុកចិញ្ចឹមកូន៣នាក់ ខណៈស្វាមីនាងបានចែកឋានចោលអស់ពេលប្រមាណជា១០ឆ្នាំមកហើយ ព្រោះតែជួបឧបទ្ទវហេតុគ្រោះថ្នាក់ចរាចរណ៍ ខណៈពេលបច្ចុប្បន្ននាងជាថៅកែលក់គ្រឿងស្បង់ចីពរ និងសម្ភារបុណ្យ។
អ្នកនាងទើបតែវិលចូលប្រឡូកនៅក្នុងវិស័យសិល្បៈវិញនៅក្នុងរយៈពេលប៉ុន្មានឆ្នាំចុងក្រោយនេះប៉ុណ្ណោះ ដោយក្នុងនោះអ្នកនាងបានបង្ហាញវត្តមានសម្តែងរឿងភាគទូរទស្សន៍ជាបន្តបន្ទាប់ ខណៈពេលនាងក៏ជាសមាជិកចម្រៀងមួយរូបនៅក្នុងវង់តន្ត្រីរបស់លោក យ៉ែម សំអូន ផងដែរ៕
ចែករំលែកព័តមាននេះ