ADផ្ទាំងផ្សព្វផ្សាយពាណិជ្ជកម្ម

ឆេះហាងលក់ទូរស័ព្ទដែលម្ចាស់ចាក់សោចោល បង្កឱ្យផ្អើលទាំងយប់ក្នុងក្រុងប៉ោយប៉ែត

3 ឆ្នាំ មុន

បន្ទាយមានជ័យ
២៦ ខែ មេសា ឆ្នាំ ២០២១ ម៉ោង ០៨:៣៤

ខេត្តបន្ទាយមានជ័យ ៖ ហាងលក់ទូរស័ព្ទដៃមួយកន្លែងត្រូវបានអគ្គិភ័យឆាបឆេះផ្អើលទាំងយប់ថ្ងៃទី២៥មេសា២០២១ សង្ស័យដោយសាទុស្សេចរន្ត។ ហាងទូរស័ព្ទខាងលើ យីហោ«វុយសេង» មានទីតាំងជាប់ដងផ្លូវជាតិលេខ៥ ក្នុងភូមិអូរជ្រៅសង្កាត់ និងក្រុងប៉ោយប៉ែត។ អាជ្ញាធរក្រុងប៉ោយប៉ែតបានអន្តរាគមន៍ហៅរថយន្តពន្លត់អគ្គិភ័យរបស់ក្រុមហ៊ុនកាស៊ីណូត្រីពីកាណា,ក្រុមហ៊ុនស្តាវេហ្កាស់…

ខេត្តបន្ទាយមានជ័យ ៖ ហាងលក់ទូរស័ព្ទដៃមួយកន្លែងត្រូវបានអគ្គិភ័យឆាបឆេះផ្អើលទាំងយប់ថ្ងៃទី២៥មេសា២០២១ សង្ស័យដោយសាទុស្សេចរន្ត។

ហាងទូរស័ព្ទខាងលើ យីហោ«វុយសេង» មានទីតាំងជាប់ដងផ្លូវជាតិលេខ៥ ក្នុងភូមិអូរជ្រៅសង្កាត់ និងក្រុងប៉ោយប៉ែត។ អាជ្ញាធរក្រុងប៉ោយ
ប៉ែតបានអន្តរាគមន៍ហៅរថយន្តពន្លត់អគ្គិភ័យរបស់ក្រុមហ៊ុនកាស៊ីណូត្រីពីកាណា,ក្រុមហ៊ុនស្តាវេហ្កាស់ និងរថយន្តពន្លត់អគ្គីភ័យរបស់អង្គភាពនគរបាលក្រុងចុះទៅកន្លែងកើតហេតុដើម្បីធ្វើការបាញ់ពន្លត់។

ដំបូងគេមិនអាចចូលទៅខាងក្នុងកន្លែងកើតហេតុបានឡើយ ព្រោះផ្នែកខាងមុខជាប់សោ។សង្ស័យមានការអនុញ្ញាតពីម្ចាស់ទើបអាជ្ញាធរនិងសមត្ថកិច្ចឲ្យរថយន្តពន្លត់អគ្គិភ័យថយបំបុកបន្តិច ដើម្បីយកផ្លូវចូលទៅបាញ់ពន្លត់បង្ការឆេះរាលដាល់លំនៅដ្ឋានអ្នកស្រុក។

យ៉ាងណាក៏ដោយ គេនៅមិនទាន់ដឹងពីទំហំខូចខាតនៅឡើយទេ ហើយករណីនេះ ត្រូវបានលោកគាតហ៊ុលអភិបាលក្រុងប៉ោយប៉ែតប្រាប់តាមទូរស័ព្ទថា បណ្តាលមកពីទុស្សេចរន្តអគ្គិសនី ព្រោះហាងចាក់សោគ្មានអ្នកនៅខាងក្នុងឡើយ៕ ដោយ៖ មុតសារុន