ខេត្តរតនគិរី៖ ជនសង្ស័យម្នាក់ ល្មើសបំរាមគោចររបស់រដ្ឋបាលខេត្ត និងករណីរក្សាទុកដោយខុសច្បាប់នូវសារធាតុញៀន ត្រូវបានកម្លាំងគណៈបញ្ជាការឯកភាពក្រុង ឃាត់ខ្លួន បញ្ជូនទៅសាលាដំបូងខេត្ត។ ការឃាត់ខ្លួនជនសង្ស័យល្មើសបំរាមគោចរ និងរក្សារទុកនៅសារធាតុញៀននោះ នៅម៉ោង…
ខេត្តរតនគិរី៖ ជនសង្ស័យម្នាក់ ល្មើសបំរាមគោចររបស់រដ្ឋបាលខេត្ត និងករណីរក្សាទុកដោយខុសច្បាប់នូវសារធាតុញៀន ត្រូវបានកម្លាំងគណៈបញ្ជាការឯកភាពក្រុង ឃាត់ខ្លួន បញ្ជូនទៅសាលាដំបូងខេត្ត។
ការឃាត់ខ្លួនជនសង្ស័យល្មើសបំរាមគោចរ និងរក្សារទុកនៅសារធាតុញៀននោះ នៅម៉ោង ២២ និង៣០នាទីថ្ងៃទី២២ ខែមេសា ឆ្នាំ២០២១ នៅចំណុចមុខផ្ទះសំណាក់ តាំង នីហេង ស្ថិតនៅភូមិអភិវឌ្ឍន៍ សង្កាត់ឡាបានសៀក ក្រុងបានលុង ខេត្តរតនគិរី។
ការចុះល្បាតនោះ ដឹកនាំដោយលោក ងិន ណែល ប្រធានគណៈបញ្ជាការឯកភាពក្រុងបានលុង និងក្រោមការសម្រសម្រួលនិតិវិធីដោយលោក រ៉ា បូរ៉ាន់ឌី ព្រះរាជអជ្ញារងអមសាលាដំបូងខេត្ត។
ជនសង្ស័យពាក់ពន្ធ័ករណីល្មើសនឹងបំរាមគោចររបស់រដ្ឋបាលខេត្ត និងករណីរក្សាទុកដោយខុសច្បាប់នូវសារធាតុញៀននោះ ឈ្មោះ សួន ពិសិទ្ធ ភេទប្រុស អាយុ ៤១ឆ្នាំ ជនជាតិខ្មែរ មុខរបរជាយោធា រស់នៅ ភូមិ១ ឃុំត្រពាំងក្រហម ស្រុកកូនមុំ ខេត្តរតនគិរី។ លទ្ធផលធ្វើតេស្តរកឃើញសារធាតុញៀន គឺវិជ្ជមាន។
ងពេលសមត្ថកិច្ចបង្ក្រាបឃាត់ខ្លួននោះ រកឃើញវត្ថុតាង និងដកហូត រួមមាន ម្សៅក្រាមពណ៌សថ្លា សង្ស័យជាសារធាតុញៀន ចំនួន ០១កូនថង់តូច ទងន់ ០.៣៤ក្រាម ថ្លឹងទាំងសំបកថង់។ ម៉ូតូឌ្រីមសង់ ឆ្នាំ២០២០ ពណ៌ខ្មៅ ស្លាកលេខ ត្បូងឃ្មុំ 1H 6872 ចំនួន ០១គ្រឿង។ ទូរសព្ទ អូប៉ូ ពណ៌ទឹកមាស ចំនួនមួយគ្រឿង។ ទូរសព្ទម៉ាកវីហ្វូន ចំនួនមួយគ្រឿង។ ប្រាក់ចំនួន ៧៣០០០ រៀល។ ដែកកេះ ចំនួន ០២ និងដបទឹកសុទ្ធមួយ។
ក្រោយពេលបង្ក្រាបបាន ជនសង្ស័យរួមទាំងវត្ថុតាង ត្រូវបានរក្សាទុកបណ្តោះអាសន្ន នៅអធិការដ្ឋានក្រុងបានលុង ដើម្បីស៊ើបអង្កេត និងស្រាវជ្រាវបន្ត ហើយកសាងសំណុំរឿង បញ្ជូនទៅអយ្យការអមសាលាដំបូងខេត្តរតនគិរីផងដែរ៕ ដោយ៖ ផង់ វិន
ចែករំលែកព័តមាននេះ