ខេត្តកណ្ដាល ៖ មនុស្ស៣នាក់ត្រូវបានកម្លាំងសមត្ថកិច្ចប្រចាំគោលដៅអនុវត្តវិធានការរដ្ឋបាលទប់ស្កាត់ការឆ្លងរីករាលដាលនូវជំងឺកូវីដ.១៩ ត្រង់ចំណុចផ្លូវ១១៥ ជិតស្តុប៦០ម៉ែត្រ ភូមិបត្តាជី សង្កាត់ព្រែកហូរ ក្រុងតាខ្មៅ ខេត្តកណ្តាល ធ្វើការឃាត់ខ្លួន…
ខេត្តកណ្ដាល ៖ មនុស្ស៣នាក់ត្រូវបានកម្លាំងសមត្ថកិច្ចប្រចាំគោលដៅអនុវត្តវិធានការរដ្ឋបាលទប់ស្កាត់ការឆ្លងរីករាលដាលនូវជំងឺកូវីដ.១៩ ត្រង់ចំណុចផ្លូវ១១៥ ជិតស្តុប៦០ម៉ែត្រ ភូមិបត្តាជី សង្កាត់ព្រែកហូរ ក្រុងតាខ្មៅ ខេត្តកណ្តាល ធ្វើការឃាត់ខ្លួន កាលពីវេលាម៉ោង៩ នឹង៤០នាទីយប់ថ្ងៃទី២៤ មេសា ឆ្នាំ២០២១ ពាក់ព័ន្ធក្នុងការធ្វើដំណើរ នឹងបើកបររថយន្តក្នុងស្ថានភាពស្រវឹង ។
មនុស្ស ៣នាក់នោះមាន ១.ឈ្មោះ គឹម ពិសិដ្ឋ ភេទប្រុស អាយុ ៣៣ឆ្នាំ មុខរបរ ជាយោធាបម្រើការងារនៅនាយកដ្ឋានកងវិស្វកម្ម នឹងមានលំនៅស្ថានភូមិទួលគោក សង្កាត់ទួលសង្កែ ខណ្ឌឬស្សី ភ្នំពេញ (មានកំរិតជាតិ អាកុល ០.០៧៦មីលីត្រខ្យល់) ។ ២.ឈ្មោះ សាត សុម៉ាលី ភេទស្រី អាយុ៤២ឆ្នាំ មានទីលំនៅបូរីពិភពថ្មី២ ភូមិព្រែកសំរោង៣ សង្កាត់តាខ្មៅ ក្រុងតាខ្មៅ ខេត្តកណ្តាល មុខរបរលក់ដូរ ។ នឹង៣.ឈ្មោះ ណី ប៊ុនធឿន ភេទប្រុស អាយុ៤២ឆ្នាំ មុខរបរ គ្រូចិនសែ មានទីលំនៅបូរីប៉េងហួត ៦០ម៉ែត្រ សង្កាត់បឹងទំពន់ ខណ្ឌមានជ័យ រាជធានីភ្នំពេញ ។
ក្នុងនោះសមត្តកិច្ចបានធ្វើការដកហូតរថយន្ត១គ្រឿងម៉ាក ford evrest ពណ៌ ត្រេអ៉ី ផ្លាកលេខ ខេមរភូមិន្ទ០១ ២-៧២០៤ ។ករណីឃាត់ខ្លួនមនុស្សទាំង៣ នាក់នោះត្រូវបានសមត្តកិច្ចឲ្យដឹងថា នៅវេលាម៉ោងខាងលើ ពេលដែលកម្លាំងចម្រុះកំពុងតែឈរយាមនៅគោលដៅផ្លូវ១១៥ជិតស្តុប៦០ ម៉ែត្រ មិនអនុញញាតិឲ្យប្រជាពលរដ្ឋ អ្នកដំណើរ ចេញចូល រហេតរហូតក្នុងរាជធានីភ្នំពេញ នឹងក្រុងតាខ្មៅខេត្តកណ្តាល បេីគ្មានការចាំបាច់ ដេីម្បីចូលរួមក្នុងការទប់ស្កាត់ ការឆ្លងរាលដាលនូវជំងឺវីរុសកូវីដ.១៩ ពេលនោះស្រាប់តែមានជនសង្ស័យ៣ នាក់ ជិះនៅក្នុងរថយន្តមានស្ថានភាពស្រវឹង មកដល់គោលដៅទប់ស្កាត់ខាងលើបានឃើ ញឈ្មោះ គឹម ពិសិដ្ឋ ជាអ្នកបើក ទើបសមត្ថកិច្ចក៏បានឃាត់សួរនាំ ។
តែដោយសារពួកគាត់ស្ថិតក្នុងស្ថានភាពស្រវឹង សមត្តកិច្ចគោលដៅត្រួតពិនិត្យក្នុងការអនុវត្តច្បាប់ស្តីពីការ.បិទខ្ទប់កូវីដ.១៩ បានបញ្ជូនទៅកាន់អធិការដ្ឋាននគរបាលក្រុងតាខ្មៅ ខេត្តកណ្តាល ដេីម្បីយកទៅវាស់កំពស់ និង ចាត់ការតាមនីតិវិធី ៕ ដោយ៖ ឃឹម ប៊ុនណាក់
ចែករំលែកព័តមាននេះ