រាជធានីភ្នំពេញ ៖ នៅទីបំផុត តេស្តលើកចុងក្រោយរបស់តារាចម្រៀងនាង សួស វីហ្សា បានចេញលទ្ធផលហើយ ដោយនាងនៅតែអវិជ្ជមាន ក្រោយការចាកចេញពីមន្ទីរពេទ្យមកធ្វើចត្តាឡីស័កនៅគេហដ្ឋាន ។…
រាជធានីភ្នំពេញ ៖ នៅទីបំផុត តេស្តលើកចុងក្រោយរបស់តារាចម្រៀងនាង សួស វីហ្សា បានចេញលទ្ធផលហើយ ដោយនាងនៅតែអវិជ្ជមាន ក្រោយការចាកចេញពីមន្ទីរពេទ្យមកធ្វើចត្តាឡីស័កនៅគេហដ្ឋាន ។
ដំណឹងដ៏រីករាយនេះ នឹងអាចអោយតារាចម្រៀងនាងមានឱកាសប្រើជីវិតជាថ្មី និងអាចជួបជុំគ្រួសារ ក្រោយពីនាងត្រូវបានបិទខ្ចប់ដោយសារផ្ទុកជំងឺកូវីដ១៩។ សួស វីហ្សា បានបង្ហោះសារតាមគណនេយ្យហ្វេសប៊ុករបស់ខ្លួនកាលពីម្សិលមិញថា ខ្ញុំបានទទួលលទ្ធផលយកសំណាកCOVID-19 លើកចុងក្រោយរបស់ខ្ញុំហើយ លទ្ធផលគឺ (អវិជ្ជមាន Negative) លទ្ធផលនេះបញ្ចាក់ថាខ្ញុំបានជាសះស្បើយពីជំងឺCOVID-19 100% ហេីយចាប់ពីថ្ងៃស្អែកទៅខ្ញុំអាច ប្រេីជីវិតរស់នៅជាមួយគ្រួសារបានជួបជុំប្តីប្រពន្ធកូនរបស់ខ្ញុំដូចដេីមវិញហេីយ តែខ្ញុំនៅតែគោរពប្រកាន់ខ្ជាប់តាមគោលការណ៏របស់រាជរដ្ធាភិបាលជានិច្ច (៣កុំ ៣ការពារ)។នាងបញ្ជាក់ថា នាងខ្ញុំពិតជាអរគុណចំពោះអុំពូមីងបងប្អូនទាំងអស់គ្នាខ្លាំងណាស់ដែលតែងតែលេីកទឹកចិត្តខ្ញុំគ្រប់ពេលវេលាគ្រប់កាលៈទេសៈ។
ជាការកត់សម្គាល់ ចាប់តាំងពីចេញពីមន្ទីពេទ្យមក តារាចម្រៀងនាង សួស វីហ្សា បានមកដល់ផ្ទះវិញរយៈពេលជជាង1០ថ្ងៃហេីយ ដោយបានរស់នៅបន្ទប់មួយដាច់ដោយឡែកតែម្នាក់ឯងមិនទាន់បានជួបជុំគ្រួសារ ប្តី រឺកូនឡើយ។ បើតាមនាង សួស វីហ្សា បេីលទ្ធផលយកសំណាកចុងក្រោយនេះនាងទទួលបានលទ្ធផល វិជ្ជមាន (positive)ក៏ដោយនាងនឹង ត្រូវត្រឡប់ទៅព្យាបាលនៅមន្ទីពេទ្យវិញ។
យ៉ាងណាលទ្ធផលដ៏ល្អនាពេលនេះបានធ្វើអោយក្រុមគ្រួសារ ជាពិសេសប្រិយមិត្តគាំទ្រនាង សួស វីហ្សា បានសម្តែងការអបអរសាទរយ៉ាងខ្លាំង ក្នងពេលដែលនាងអាចឆ្លងកាត់ជនះនៃការកើតជំងឺដ៏កាចសាហាវមួយនេះ៕ ដោយ៖ សុខ វាសនា
ចែករំលែកព័តមាននេះ