ខេត្តកំពង់ចាម ៖ អ្នករត់ម៉ូតូឌុប ប្រជាពលរដ្ឋ ព្រមទាំងអាជីវករលក់ដូរនៅតាមផ្សារនានា តម្រូវឲ្យចេះអនាម័យតាមការណែនាំ របស់ក្រសួងសុខាភិបាល ធ្វើយ៉ាងណាកុំឲ្យមានមេរោគកូវីដ-១៩ កើតមានលើអាជីវករ។នេះជាប្រសាសន៍លើកឡើងរបស់ឯកឧត្តមអ៊ុន ចាន់ដាអភិបាលខេត្តថ្លែងកាលពីព្រឹកថ្ងៃទី២២…
ខេត្តកំពង់ចាម ៖ អ្នករត់ម៉ូតូឌុប ប្រជាពលរដ្ឋ ព្រមទាំងអាជីវករលក់ដូរនៅតាមផ្សារនានា តម្រូវឲ្យចេះអនាម័យតាមការណែនាំ របស់ក្រសួងសុខាភិបាល ធ្វើយ៉ាងណាកុំឲ្យមានមេរោគកូវីដ-១៩ កើតមានលើអាជីវករ។នេះជាប្រសាសន៍លើកឡើងរបស់ឯកឧត្តមអ៊ុន ចាន់ដាអភិបាលខេត្តថ្លែងកាលពីព្រឹកថ្ងៃទី២២ មេសា ២០២១ នៅសាលប្រជុំសាលាស្រុកស្រីសន្ធរ ក្នុងវិធានការទប់ស្កាត់ការរីករាលដាលនៃជំងឺកូវីដ ។
ឯកឧត្តមអ៊ុន ចាន់ដា អភិបាលខេត្ត មានប្រសាសន៍ដោយគូសបញ្ជាក់ថា: សូមឱ្យអាជ្ញាធរស្រុកជួយពិនិត្យមើលនៅតាមផ្សារនានាក្នុងស្រុកស្រីសន្ធរ ព្រោះថាក្រោយពីបានរកឃើញវិជ្ជមានកូវីដចំនួន៤នាក់ ដូច្នេះអ្នកជំងឺអាចនឹងត្រូវចូលផ្សារ ។ ជាមួយនោះស្នើឲ្យគណៈអាជីវករគ្រប់គ្រងផ្សារត្រូវតែឈរជើងឲ្យបានជាប់ជាប្រចាំពិនិត្យមើលប្រជាពលរដ្ឋដែលមកផ្សារទិញម្ហូបអាហារ តម្រូវឲ្យពាក់ម៉ាស់គ្រប់គ្នាតែបើមិនពាក់ត្រូវដេញអ្នកនោះឲ្យត្រឡប់ទៅវិញ។
ឯកឧត្តមអភិបាលខេត្តមានប្រសាសន៍បន្តថា ជាមួយនោះក៏ស្មើឲ្យអាជីវករលក់ដូរនៅក្នុងផ្សារ ត្រូវតែពាក់ម៉ាស់មានអាកុលលាងដៃ ឬជែលពិសេសនៅពេលព្រឹកមុនអាជីវករចូលមកលក់ដូរត្រូវតែវាស់កំដៅជាមុនសិន។ប្រសិនបើកម្ដៅខុសពីធម្មតា ត្រូវចប់អារម្មណ៍ដោយនាំអ្នកនោះទៅកាន់មន្ទីរពេទ្យបង្អែកស្រុក ដើម្បីពិនិត្យសុខភាពឬក៏អាចឈានយកសំណាក ដោយឡែកពេទ្យឯកជនក្រសួងសុខាភិបាលមិនអនុញ្ញាតឱ្យព្យាបាលអ្នកជំងឺកូវីដនោះទេ។
អាជ្ញាធរស្រុករហូតដល់មូលដ្ឋានត្រូវបង្កើនការយកចិត្តទុកដាក់បន្ថែមទៀតដោយប្រើប្រាស់ឧគ្ឃោសនស័ព្ទដើម្បីចាក់ផ្សាយសារជាសំឡេងពីការណែនាំរបស់ក្រសួងសុខាភិបាលដើម្បីបញ្ជ្រាបទៅដល់ប្រជាពលរដ្ឋ នៅតាមមូលដ្ឋាននីមួយៗ ក្នុងស្រុកស្រីសន្ធរឲ្យបានផលផុស។ មាននៅតាមស្រុកខ្លះគេលេងបញ្ជល់មាន់ចាក់តាមទូរទស្សន៍ នៅតាមហាងកាហ្វេដោយទតុមួយអង្គុយប្រជ្រៀតគ្នា៥ទៅ៦ នាក់ មិនមានពាក់ម៉ាស់លុះពេលនិយាយធ្វើឱ្យទឹកមាត់ខ្ទៀតដាក់គ្នា ដែលជាមូលហេតុធ្វើឲ្យចម្លងមេរោគ។
មកដល់ពេលនេះនៅក្នុងខេត្តកំពង់ចាម មិនទាន់ធ្វើការពិន័យអ្នកមិនទាន់ពាក់ម៉ាសនៅឡើយ ។ដូច្នេះក្រោយពីណែនាំនិងផ្សព្វផ្សាយហើយមិនស្ដាប់អាចនឹងត្រូវពិន័យ ។ តាមធម្មតាបើសិនមានបុគ្គលណាមួយប៉ះពាល់ដោយផ្ទាល់និងអ្នកជំងឺកូវីដ នឹងត្រូវនាំមកធ្វើចត្តាឡីស័កនៅរដ្ឋបាលខេត្ត ហើយអ្នកដែលប៉ះពាល់ដោយប្រយោលត្រូវធ្វើចត្តាឡីស័កនៅផ្ទះក្រោមការឃ្លាំមើលពីអាជ្ញាធរ។
លោកស៊ឹម គង់ អភិបាលស្រុកស្រីសន្ធរបានឲ្យដឹងថា: បន្ទាប់ពីទទួលបានការណែនាំពីសំណាក់ឯកឧត្តមអភិបាលខេត្ត នៅព្រឹកថ្ងៃទី២៣មេសា រូបលោកបានដឹកនាំមន្ត្រីក្រោមឱវាទជាច្រើននាក់ ចុះផ្សព្វផ្សាយបំផុសឲ្យប្រជាពលរដ្ឋពាក់ម៉ាស់នៅតាមទីប្រជុំជនផ្សារក្នុងស្រុកស្រីសន្ធរ ក្នុងនោះមានផ្សារចំនួន៤ត្រូវបានបាញ់ថ្នាំសម្លាប់មេរោគរួចរាល់ហើយដែរ។ដោយឡែកមន្ត្រីមួយចំនួនទៀតត្រូវបានបែងចែកកម្លាំង ចុះតាមគោលដៅឃុំនានាក្នុងស្រុកស្រីសន្ធរ បន្តយុទ្ធនាការផ្សព្វផ្សាយឱ្យប្រជាពលរដ្ឋចូលរួមទប់ស្កាត់ការរីករាលដាលនៃជំងឺកូវីដ១៩៕ ដោយ៖ យ៉ាន់ ចាន់ថេត
ចែករំលែកព័តមាននេះ