ខេត្តកំពង់ឆ្នាំង ៖ បន្ទាប់ពីបិទផ្សារព្រៃខ្មែរក្នុងឃុំជ្រៃបាក់ ស្រុករលាប្អៀរ បានបិទរយៈពេល៤ថ្ងៃ តាម ណែនាំរបស់រដ្ឋបាលសាលាខេត្តកំពង់ឆ្នាំង ស្តពីពីការទប់ស្កាត់ការរីករាលដាលនៃជំងឺកូវីដ19 នៅថ្ងៃទី 23…
ខេត្តកំពង់ឆ្នាំង ៖ បន្ទាប់ពីបិទផ្សារព្រៃខ្មែរក្នុងឃុំជ្រៃបាក់ ស្រុករលាប្អៀរ បានបិទរយៈពេល៤ថ្ងៃ តាម ណែនាំរបស់រដ្ឋបាលសាលាខេត្តកំពង់ឆ្នាំង ស្តពីពីការទប់ស្កាត់ការរីករាលដាលនៃជំងឺកូវីដ19 នៅថ្ងៃទី 23 ខែមេសា ឆ្នាំ2021 នេះ ក្រុមការងាររបស់មន្ទីរសុខាភិបាល និងអាជ្ញាធរមូលដ្ឋាន ក៏បានចុះបាញ់ថ្នាំសម្លាប់មេរោគ ក្នុងបរិវេណផ្សារផងដែរ ។
លោកវេជ្ជបណ្ឌិត គង់ ចាន់ធា ប្រធានការិយាល័យ បង្ការ និងគ្រប់គ្រងជំងឺឆ្លងនៃមន្ទីរសុខាភិបាលខេត្តកំពង់ឆ្នាំង បានបញ្ជាក់ឲ្យដឹងថា ថ្ងៃនេះដោយទទួលបាន ការស្នើសុំ ពីឯកឧត្តមអភិបាលខេត្ត ក៏ដូច ការណែនាំរបស់ លោកប្រធានមន្ទីរសុខាភិបាលខេត្តកំពង់ឆ្នាំង ស្ដីពីការចុះបាញ់ថ្នាំសម្លាប់មេរោគនៅក្នុងផ្សារព្រៃខ្មែរ ក្រុមការងាររបស់លោក បានអនុវត្តដោយបាញ់ថ្នាំនៅក្នុងបរិវេណផ្សារ និងតាមជាយផ្សារមួយចំនួន តាមអាជ្ញាធរស្រុកចង្អុលបង្ហាញ ។ ពាក់ព័ន្ធដល់ រយះពេលបិទ ផ្សារ និងបើកសារឲ្យអាជីវករលក់ដូរនៅថ្ងៃណានោះ លោកមិនដឹងច្បាស់នោះទេ ប៉ុន្តែបើតាមសេចក្តីជូនដំណឹងរបស់រដ្ឋបាលសាលាខេត្ត គឺបិទវគ្គពេល 14 ថ្ងៃ ហើយបើគ្មានការប្រែប្រួលទេ គ្រប់ 14ថ្ងៃអាជីវករនិងអាចលក់ដូរវិញបានហើយ។
ដោយឡែក លោក សេងវិចិត្រ អភិបាលរង ស្រុករលាប្អៀរ បានអោយដឹងថាផ្សារព្រៃខ្មែរបានបិទនៅថ្ងៃទី 20 ខែមេសា បន្ទាប់ពីរកឃើញមាន ក្រុមគ្រួសារ អ្នកស្លាប់ដោយសារ covid-19 ម្នាក់នៅភូមិព្រះរាមរង្សី ឃុំជ្រៃបាក់តែងតែចេញចូលក្នុងផ្សារព្រៃខ្មែរ ជាញឹកញាប់ ទើបរដ្ឋបាលសាលាខេត្តសម្រេចបិទជាបណ្ដោះអាសន្ន ព្រមទាំងទីតាំងពាក់ព័ន្ធមួយចំនួនទៀត ។ លោក សេង វិចិត្រ បានបន្តថាក្រោយពីបិទផ្សារ ក្រុមការងាររបស់ក្រុមគ្រូពេទ្យក៏បានចុះស្រាវជ្រាវរកអ្នកពាក់ព័ន្ធក្នុងផ្សារ និងបានឲ្យស្ម័គ្រចិត្ត យកសំណាក រកមេរោគកូវីត19 ហើយក្នុង រយៈពេលតែ2ថ្ងៃ គឺថ្ងៃទី 21 និងថ្ងៃទី 22 ខែមេសា មានអាជីវករស្ម័គ្រចិត្តទៅធ្វើទៅយកសំណាកមានចំនួនជាង 100 នាក់ និងនៅថ្ងៃទី 23 ក៏មានអាជីវករនៅតែបន្តទៅយកសំណាក់នៅឡើយ ដូច្នេះចំនួនពិតប្រាកដនៅមិនទាន់ដឹងនៅឡើយទេ ។
គួររំលឹកដែរថាបន្ទាប់ពីមានបុរសម្នាក់ឈ្មោះនូ ចុល អាយុ 57 ឆ្នាំ រស់នៅ ភូមិព្រះរាម រង្សី ឃុំជ្រៃបាក់ ស្រុករលាប្អៀរបានស្លាប់នៅក្នុងមន្ទីរពេទ្យខេត្ត កាលពីទៀបភ្លឺថ្ងៃទី 19 ខែមេសា និងបានធ្វើសំណាកឃើញមានវិជ្ជមានគូទី 19 មន្ទីរជំនាញក៏ដូចជាអាជ្ញាធរ បានព្យាយាមប្រឹងប្រែង ទប់ស្កាត់ដោយចេញវិធានការបិទទីតាំង 4 កន្លែង ក្នុងនោះមានបិទផ្សារព្រៃខ្មែរ បិទគ្លីនិកឯកជន នៅសង្កាត់ផ្សារឆ្នាំង បិទវត្តភ្នំយោង និងបិទផ្ទប់ភូមិព្រះរាមរង្សីដែលជាទីលំនៅរបស់អ្នកមានវិជ្ជមានគូ v19 ផងដែរ។ ទោះយ៉ាងណាលទ្ធផល នៃការយកសំណាកទៅធ្វើតេស្ត លើអ្នកពាក់ព័ន្ធ និងក្រុមគ្រួសារ សាច់ញាតិ នៃសព ដែលចេញដោយវិទ្យាស្ថានជាតិប៉ាស្ទ័រនៅរសៀលថ្ងៃទី 22 ម្សិលមិញនេះគឺអវិជ្ជមានទាំងអស់ ៕ id163ពៅ សុខហ៊ាន
ចែករំលែកព័តមាននេះ