ខេត្តស្ទឹងត្រែង៖ ឈើធ្នង់គីឡូប្រភេទឈើសាច់ រាប់សិបតោនដឹកចូលក្រុមហ៊ុនសៀ ម៉ុន រយៈពេលតែជាង១០យប់ប៉ុណ្ណោះ។ ក្រុមហ៊ុន សៀ ម៉ុន ជារបស់ចិនហើយរយៈពេលប៉ុន្មានឆ្នាំថ្មីនេះ បានប្រគល់សិទ្ធិឱ្យក្រុមហ៊ុនមួយឈ្មោះ…
ខេត្តស្ទឹងត្រែង៖ ឈើធ្នង់គីឡូប្រភេទឈើសាច់ រាប់សិបតោនដឹកចូលក្រុមហ៊ុនសៀ ម៉ុន រយៈពេលតែជាង១០យប់ប៉ុណ្ណោះ។ ក្រុមហ៊ុន សៀ
ម៉ុន ជារបស់ចិនហើយរយៈពេលប៉ុន្មានឆ្នាំថ្មីនេះ បានប្រគល់សិទ្ធិឱ្យក្រុមហ៊ុនមួយឈ្មោះ អង្គរផ្លាយវ៉ូត គ្រប់គ្រង ដោយលោក ជា ពៅ ហៅ ហ៊ា ហួ។
លោក ជា ពៅ មិនត្រឹមតែជាអ្នកគ្រប់គ្រងនៅក្នុងក្រុមហ៊ុន អង្គរផ្លាយវ៉ូត លោកក៏អ្នកគ្រប់គ្រងនៅក្រុមហ៊ុន សុិងបាយអូធិក ជាប់និងព្រៃឡង់ ក្នុងខេត្តក្រចេះផងដែរ ។ ក្រុមហ៊ុន អង្គរផ្លាយវ៉ូត បន្ទាប់បានសិទ្ធ ពីក្រុមហ៊ុន សៀ ម៉ុន ក្រៅពីកាប់ឈើក្នុងតំបន់ ហក់ទៅប្រមូលឈើពីប្រជាពលរដ្ឋនៅក្រៅតំបន់ និងមានមហិច្ឆតាទិញព្រៃតំបន់ការពារ ដោយយោធានិងបរិស្ថានចាប់ពីក្រោយផ្ទះអំណោយយោធាថែមទៀតនោះ។
នាពេលថ្មីៗមុនចូលឆ្នាំខ្មែរ២០២១នេះ ក៏មានដៃជើងរបស់លោក ជា ពៅ ហៅ ហួ ឈ្មោះ ធី ជាអ្នកផ្តល់លុយអោយកូនជឹងរបស់ខ្លួនប្រមូលទិញឈើធ្នង់តាមលទ្ធភាពដែលប្រមូលបានកាន់តែច្រើនកាន់តែប្រសើរ។ ហើយត្រឹមរយៈពេលជាង១០យប់មិនដល់មួយខែផងដៃជើងរបស់លោក ជា ពៅ ប្រមូលឈើប្រណិតធ្នង់ជិត៤០តោន មិនរាប់បញ្ចូលរថយន្តសេ៊រីទំនើបម៉ាកធុនត្រានិងរថយន្តហ្វតរ៉ែនជ័រ ដឹកចូលយប់ថ្ងៃទី១៩ នោះផងដែរ។
ទាក់ទិនការប្រមូលឈើប្រណីតចូលក្រុមហ៊ុន ខាងមន្ត្រីជំនាញសុំមិនបញ្ចេញឈ្មោះថា ជារឿងផ្ទុយនូវលក្ខន្តិកៈច្បាប់ ដែលក្រុមហ៊ុនបានចុះកិច្ចសន្យាជាមួយរដ្ឋាភិបាលដែលមានសិទ្ធិប្រមូលឈើក្រៅលំដាប់ថ្នាក់ប៉ុណ្ណោះ។ ដោយឡែក ឈើប្រណីតដែលបានប្រមូល ចូលដោយដៃជើងលោក ជា ពៅ ត្រូវបង្កប់ក្នុងរថយន្តយីឌុបក្រោមឈើច្បាប់ ព្រោះរថយន្តដែលចេញពីក្នុងក្រុមហ៊ុនសៀ ម៉ុន គ្របតង់ជិតពុំមានសមត្ថកិច្ចឃាត់ត្រួតពិនិត្យឡើយ ដូច្នេះ សាកសមកន្ទេលធំបន្លំដេក៕ ដោយ៖ រ៉ូ សាលី
ចែករំលែកព័តមាននេះ