ខេត្តបន្ទាយមានជ័យ ៖ បុរសជនជាតិខ្មែរម្នាក់ត្រូវបានឃាត់ខ្លួន ក្រោយធ្វើសកម្មភាពដឹកជញ្ជូនជនជាតិថៃចំនួន៥នាក់ចូលមកទឹកដីកម្ពុជា ដែលកំពុងតែមានការបិទខ្ទប់តាមច្រកចេញចូលគ្រប់កន្លែង ដើម្បីទប់ស្កាត់ពីការឆ្លងរីករាលដាលនៃជំងឺកូវីដ១៩នេះ ។ កម្លាំងនគរបាលប៉ុស្តិ៍ការពារព្រំដែនគោកសិលាខ្មែរចំនួន០៩នាក់ ដឹកនាំដោយលោកវរសេនីយ៍ត្រី ប៉ាក់…
ខេត្តបន្ទាយមានជ័យ ៖ បុរសជនជាតិខ្មែរម្នាក់ត្រូវបានឃាត់ខ្លួន ក្រោយធ្វើសកម្មភាពដឹកជញ្ជូនជនជាតិថៃចំនួន៥នាក់ចូលមកទឹកដីកម្ពុជា ដែលកំពុងតែមានការបិទខ្ទប់តាមច្រកចេញចូលគ្រប់កន្លែង ដើម្បីទប់ស្កាត់ពីការឆ្លងរីករាលដាលនៃជំងឺកូវីដ១៩នេះ ។
កម្លាំងនគរបាលប៉ុស្តិ៍ការពារព្រំដែនគោកសិលាខ្មែរចំនួន០៩នាក់ ដឹកនាំដោយលោកវរសេនីយ៍ត្រី ប៉ាក់ សារ៉ាត់ នាយប៉ុស្តីការពារព្រំដែនសិលាខ្មែរ នៃវរសេនាតូចការបារព្រំដេនគោកលេខ៩១១ នៅវេលាម៉ោង០៤និង៤០ទៀបភ្លឺថ្ងៃទី២៣ មេសា ឆ្នាំ២០២១ បានឃាត់រថយន្តមួយគ្រឿងម៉ាកនីសាន់ ពណ៌ទឹកប្រាក់ ពាក់ស្លាកលេខ កំពង់ឆ្នាំង 2A-0130 លើកំណាត់ផ្លូវជាតិលេខ៥៨ ចំណុចប៉ុស្តិ៍ត្រួតពិនិត្យនៅភូមិជោគជ័យ ឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ ដោយរកឃើញមានដឹកជនជាតិថៃចំនួន០៥នាក់ ឆ្លងដែនចូលមកទឹកដីខ្មែរដោយខុសច្បាប់ ។
លោកវរសេនីយ៍ឯក សូ ចាន់ណារី មេបញ្ជាការវរសេនាតូចការពារព្រំដឍេនគោកលេខ៩១១បានឲ្យដឹងថា ម្ចាស់រថយន្តឈ្មោះ សោភ័ណ្ឌ
សវត្ស ភេទប្រុស អាយុ២១ឆ្នាំ នៅភូមិជោគជ័យ ឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ ។ ចំណែកជនជាតិថៃទាំង០៥នាក់ មាន៖១-ឈ្មោះ អាំថាក់ ឆៃ ភេទប្រុស អាយុ២១ឆ្នាំ២-ឈ្មោះ វិផា ផន ភេទ ស្រី អាយុ ២២ឆ្នាំ ៣-ឈ្មោះ អ៊ឹម អាំម៉ាលីម ភេទ ប្រុស អាយុ២១ឆ្នាំ ៤-ឈ្មោះ ម៉ា លុត ភេទប្រុស អាយុ២១ឆ្នាំ ៥-ឈ្មោះចឹក ទូឡុង ភេទប្រុស អាយុ២២ឆ្នាំ នៅប្រទេសថៃ ។ បើតាមចម្លើយសារភាពរបស់ជនជាតិថៃ ថា មិនស្គាល់មេខ្យល់នាំចេញនិងមិនស្គាល់ច្រកចេញនោះដែរ ។
លោកមេបញ្ជាការបានបញ្ជាក់ថា បច្ចុប្បន្ន អ្នកបើកបររថយន្ត០១នាក់និងជនជាតិថៃទាំង០៥នាក់នេះ ត្រូវបានកម្លាំងនគរបាលប៉ុស្តិ៍សិលាខ្មែរ បានធ្វើការប្រល់ទៅនគរបាលនៃអធិការដ្ឋាននគរបាលស្រុកអូរជ្រៅ ដើម្បីធ្វើការសាកសួរ និងរៀបចំសំណុំរឿងចាត់ការតាមនិតិវិធីច្បាប់បន្ត ៕
ដោយ៖ ណុប រក្សា
ចែករំលែកព័តមាននេះ