រាជធានីភ្នំពេញ ៖ កម្លាំងអគ្គស្នងការនគរបាលជាតិ បានសហការជាមួយកម្លាំងនគរបាលខណ្ឌពោធិ៍សែនជ័យ ឃាត់អ្នកញៀនល្បែងប្រុសស្រីចំនួន១០នាក់ ដើម្បីណែនាំ បង្កឱ្យមានការភ្ញាក់ផ្អើលកាលពីវេលាម៉ោង៨យប់ ថ្ងៃទី២១ ខែមេសា ឆ្នាំ២០២១…
រាជធានីភ្នំពេញ ៖ កម្លាំងអគ្គស្នងការនគរបាលជាតិ បានសហការជាមួយកម្លាំងនគរបាលខណ្ឌពោធិ៍សែនជ័យ ឃាត់អ្នកញៀនល្បែងប្រុសស្រីចំនួន១០នាក់ ដើម្បីណែនាំ បង្កឱ្យមានការភ្ញាក់ផ្អើលកាលពីវេលាម៉ោង៨យប់ ថ្ងៃទី២១ ខែមេសា ឆ្នាំ២០២១ នៅចំណុចផ្ទះជួល ស្ថិតក្នុងភូមិទួលពង្រ សង្កាត់ចោមចៅទី១ ខណ្ឌពោធិ៍សែនជ័យ ។
តាមប្រភពព័ត៌មានពីកម្លាំងសមត្ថកិច្ចបានអោយដឹងថា ការឃាត់ខ្លួនអ្នកញៀនល្បែងស៊ីសងចំនួន១០នាក់ខាងលើ ក្នុងនោះមានស្រី៣នាក់ បន្ទាប់ពីមានបងប្អូនប្រជាពលរដ្ឋបានរាយការណ៍មក ក៏ត្រូវបានកម្លាំងអគ្គស្នងការនគរបាលជាតិ សហការជាមួយកម្លាំងនគរបាលខណ្ឌពោធិ៍សែនជ័យ ចុះឃាត់បាន១០នាក់ភ្លាមៗតែម្តង ចំណែកជាច្រើននាក់ទៀតរត់ចូលបន្ទប់ ។
ប្រភពព័ត៌មានបានបន្តទៀតថា បន្ទាប់ពីការឃាត់ខ្លួនអ្នកញៀនល្បែងស៊ីសងទាំង១០នាក់ខាងលើ អគ្គរងនគរបាលជាតិ បានចុះណែនាំអ្នកញៀនល្បែងប្រុសស្រីចំនួន១០នាក់នោះថា «គាត់មិនចង់ធ្វើបាបបងប្អូនប្រជាពលរដ្ឋ ដែលកំពុងជួបការលំបាកដោយសារជំងឺកូវីដនេះទេ តែបើបងប្អូននៅតែមិនគោរព និងប្រាសចាកនៃការណែនាំអប់រំរបស់រាជរដ្ឋាភិបាល បន្ទាប់ពីការណែនាំនេះទៅ សមត្ថកិច្ចនឹងមានវិធានការ ដើម្បីឃាត់ខ្លួនចាត់ការតាមនីតិវិធី ៕
ចែករំលែកព័តមាននេះ