រាជធានីភ្នំពេញ ៖ វិធានការក្តៅរបស់សមត្ថកិច្ចខណ្ឌដូនពេញ គឺចាប់ផ្តើមអនុវត្តន៍នៃការផាកពិន័យការធ្វើដំណើររបស់បងប្អូនប្រជាពលរដ្ឋដែលមិនមានឯកសារបញ្ជាក់ច្បាស់ គឺចាប់ឃាត់យកទាំងម៉ូតូ និងអ្នកបើកបរ នៅតាមបណ្តោយផ្លូវព្រះនរោត្តមកែងផ្លូវ១១៨ នៅចំណុចស្តុបអង្គដួង ស្ថិតនៅក្នុងសង្កាត់ផ្សារចាស់ ខណ្ឌដូនពេញ ។
តាមប្រភពព័ត៌មានពីសមត្ថកិច្ចបានបញ្ជាក់ថា ខណ្ឌដូនពេញ គឺចាប់ផ្តើមអនុវត្តន៍នេះកាលពីថ្ងៃទី២០ ខែមេសា ឆ្នាំ២០២១ គឺអនុវត្តន៍ច្បាប់ដែលរាជរដ្ឋភិបាលបានដាក់បញ្ជាអោយឃាត់រថយន្ត និងម៉ូតូណាដែលធ្វើដំណើរលើដងផ្លូវមិនមានឯកសារចេញពីអង្គភាព និងត្រូវឃាត់ដកហូតសម្ភារៈ ព្រមទាំងឃាត់អ្នកបើកបរយកទៅកាន់អធិការដ្ឋាននគរបាលខណ្ឌដូនពេញ ដើម្បីផាកពិន័យក្នុងច្បាប់ដែលបានចែងគឺ២លាន៥សែន ដើម្បីអោយពួកគាត់គោរពទៅតាមច្បាប់ដែលបានកំណត់ គឺមានន័យថា មិនអោយពួកគាត់ចេញទៅក្រៅផ្ទះដោយមិនមានការចាំបាច់ និងគ្មានភារកិច្ចរយៈពេល១៤ថ្ងៃ ហើយការឃាត់និងចាប់ដកហូតសម្ភារៈរថយន្ត និងម៉ូតូនេះ គឺមិនទាន់បានកំណត់ថា នឹងត្រូវឈប់អនុវត្តន៍នៅពេលណានោះទេ លុះពេលណាដែលជំងឺកូវីដ១៩ បានធូរស្រាលឡើងវិញ ចឹងសូមបងប្អូនប្រជាពលរដ្ឋមេត្តាគោរពច្បាប់ដែលរាជរដ្ឋាភិបាលបានចេញអនុក្រិតកន្លងមក ។
ជាចុងក្រោយ សមត្ថកិច្ចក៏សូមសំណូមពរទៅដល់បងប្អូនប្រជាពលរដ្ឋទាំងអស់ មេត្តាចូលរួមអនាម័យដោយពាក់ម៉ាស់ និងលាងដៃនឹងទឹកអាកុល ដើម្បីជៀសផុតពីជំងឺកូវីដ១៩នេះ ៕
ចែករំលែកព័តមាននេះ