មហាជនប្រហែលជានៅមិនទាន់ភ្លេចនៅឡើយទេនូវឃ្លីបវីដេអូដ៏ល្បីមួយ ដែលបង្ហាញពីកុមារ ធុច សាលិក ដែលត្រូវបានថតដោយជនបរទេសមួយរូប ដែលបានបង្ហាញពីការនិយាយបានច្រើនភាសាពីកុមាររូបនេះ ។ វីដេអូឃ្លីបមួយនេះ បានទទួលការចាប់អារម្មណ៍យ៉ាងខ្លាំងពីមហាជនទាំងនៅក្នុងស្រុក និងក្រៅស្រុក…
មហាជនប្រហែលជានៅមិនទាន់ភ្លេចនៅឡើយទេនូវឃ្លីបវីដេអូដ៏ល្បីមួយ ដែលបង្ហាញពីកុមារ ធុច សាលិក ដែលត្រូវបានថតដោយជនបរទេសមួយរូប ដែលបានបង្ហាញពីការនិយាយបានច្រើនភាសាពីកុមាររូបនេះ ។
វីដេអូឃ្លីបមួយនេះ បានទទួលការចាប់អារម្មណ៍យ៉ាងខ្លាំងពីមហាជនទាំងនៅក្នុងស្រុក និងក្រៅស្រុក ក្នុងពេលដែលសាលិកជាកុមារកម្ពុជាដ៏អស្ចារ្យមួយដែលគាត់អាចនិយាយបានរហូតដល់១៦ភាសា ។ ភាពល្បីល្បាញនេះ បានធ្វើអោយជីវិតក្មេងប្រុសដ៏កំសត់មួយនេះពីការលក់វត្ថុអនុស្សាវរិយ៍នៅតំបន់អង្គរ បានចាប់ផ្តើមឃើញពន្លឺអនាគតដ៏ត្រចេះត្រង់មួយ ក្នុងពេលដែលសាលិក ត្រូវបានសប្បុរសមួយចំនួនមានការអណិតអាសូរ ហើយបានជួយទំនុកបម្រុងលើរូបគេអោយបានសិក្សានៅសាលាមួយល្អ អោយសមស្របទៅនឹងចំណេះដឹងរបស់គេ។
មិនត្រឹមតែប៉ុណ្ណោះ សាលិក ក៏បានមានឱកាសចេញទៅសិក្សានៅក្នុងប្រទេសចិន ហើយការចេញទៅសិក្សានៅប្រទេសនេះ សាលិក ក៏ទទួលបានការចាប់អារម្មណ៍ពីសំណាក់ប្រជាជនចិនជាច្រើនផង តាមរយះការបង្ហាញសមត្ថភាព ជាពិសេសការនិយាយភាសាចិនយ៉ាងស្ទាត់ជំនាញ លើកញ្ចក់ទូរទស្សន៍នៅក្នុងប្រទេសចិន។ យ៉ាងណារហូតមកទល់នាពេលនេះ តើខ្សែជីវិតក្មេងប្រុសដ៏ឆ្នើមរូបនេះទៅជាយ៉ាងណាហើយ ស្របពេលមួយរយះចុងក្រោយនេះ គេហាក់មិនសូវបានឃើញមានព័ត៌មានថ្មីៗបន្ថែមទៀតពីក្មេងនេះឡើយ។
ពាក់ព័ន្ធទៅនឹងបញ្ហាខាងលើនេះ តារាសម្តែងលោក អុឹម ជីវ៉ា ដែលបានដឹងរឿងរ៉ាវមួយចំនួនរបស់ក្មេងប្រុស សាលិក នេះបានបញ្ជាក់ថា ជីវិត សាលិក ពេលនេះគឺទទួលបានជោគជ័យហើយ សាលិកគាត់គឺស្ថិត នៅក្រោមការគ្រប់គ្រង របស់លោកឧកញ៉ា ឃិត ឈឿន អគ្គនាយកក្រុម KC ! ។ លោកបន្ថែមថា សាឡិ ត្រូវបានលោកឧកញ៉ា ឃិត ឈឿន បញ្ជូនទៅសិក្សានៅប្រទេសចិនមួយរយៈ ហើយក៏ល្បីល្បាយនៅប្រទេសចិនផងដែរ ដោយស្ថាយនី៍ទូរទស្សន៍ចិនធំ អញ្ជើញសាលិក ឡើងលើវេទិការផ្សាយបន្តផ្ទាល់ជាច្រើនរបស់ទូរទស្សន៍ចិន ! តែពេលនេះ បានត្រឡប់មកខ្មែរវិញហើយ។
បើតាមលោក អុឹម ជីវ៉ា បច្ចុប្បន្ន សាលិកធ្វើការនៅក្រុមហ៊ុនឯកជនមួយបានប្រាក់ចំណូលគួរសម ហើយ ក្រៅពីការងារគាត់ក៏រកចំណូលលបាន ពីសម្តែង និងថតជាវីដេអូ ផ្សេងៗផ្សាយតាមយូធូប និង Facebook ! ច្រើនគួរសមដែរ ៕ ដោយ៖ សុខ វាសនា
ចែករំលែកព័តមាននេះ