លោក ឃួង ស្រេង ៖ ការកាន់រំពាត់ដេញពលរដ្ឋឲ្យចូលផ្ទះ គ្រាន់តែគំរាម មិនមែនប្រើអំពើហិ.ង្សាទេ
- ភ្នំពេញ
រាជធានីភ្នំពេញ ៖ លោក ឃួង ស្រេង អភិបាលរាជធានីភ្នំពេញ នៅរសៀលថ្ងៃទី២១ ខែមេសា ឆ្នាំ២០២១ នេះ…
រាជធានីភ្នំពេញ ៖ លោក ឃួង ស្រេង អភិបាលរាជធានីភ្នំពេញ នៅរសៀលថ្ងៃទី២១ ខែមេសា ឆ្នាំ២០២១ នេះ…
រាជធានីភ្នំពេញ ៖ លោក ឃួង ស្រេង អភិបាលរាជធានីភ្នំពេញ នៅរសៀលថ្ងៃទី២១ ខែមេសា ឆ្នាំ២០២១ នេះ បានបញ្ជាក់ថា ការកាន់រំពាត់ដេញប្រជាពលរដ្ឋឲ្យចូលផ្ទះរបស់កងកម្លាំងមានសមត្ថកិច្ច គឺគ្រាន់តែជាការគំរាមប្រជាពលរដ្ឋដែលនៅតែគឃ្លើនប៉ុណ្ណោះ មិនមែនជាការប្រើប្រាស់អំពើហិង្សានោះទេ។
លោក ឃួង ស្រេង បានអះអាងទៀតថា ការកាន់រំពាននេះ ប្រៀបដូចជាឪពុកម្ដាយ ឬអាណាព្យាបាល ប្រដៅកូនចៅខ្លួនឯងតែប៉ុណ្ណោះ។
លោកបន្ថែមថា ក្នុងករណីប្រជាពលរដ្ឋនៅតែមិនស្ដាប់អាជ្ញាធរណែនាំត្រូវឃាត់ខ្លួនភ្លាមៗ ហើយកសាងសំណុំរឿងចាត់ការបន្ដតាមនីតិវិធី ពិសេសចាប់ផាកពិន័យតាមច្បាប់កំណត់តែម្ដង។
ការចេញមកបកស្រាយរបស់លោក ឃួង ស្រេង ធ្វើឡើង បន្ទាប់ពីសង្កេតឃើញថា កងកម្លាំងមានសមត្ថកិច្ចបានកាន់រំពាត់ដើរគំរាមប្រជាពលរដ្ឋដែលនៅតែបន្ដដើរចេញក្រៅផ្ទះមិនស្ដាប់ និងអនុវត្តតាមការណែនាំរបស់រាជរដ្ឋាភិបាល ក្នុងការបិទខ្ទប់ភូមិសាស្ដ្ររាជធានីភ្នំពេញ និងដាក់ជាតំបន់ក្រហម ដើម្បីទប់ស្កាត់ការឆ្លងរីករាលដាលជំងឺកូវីដ១៩។
គេសង្កេតឃើញថា បន្ទាប់ពីកម្លាំងអាជ្ញាធរ និងសមត្ថកិច្ច បានកាន់រំពាត់ដើរគំរាមប្រជាពលរដ្ឋនោះ ពួកគាត់ក៏មានការខ្លាចរអារ និងមិនហ៊ានចេញក្រៅផ្ទះផងដែរ៕
ចែករំលែកព័តមាននេះ