ខេត្តកំពង់ស្ពឺ៖ មន្ត្រីនគរបាលថ្នាក់អនុសេនីយ៍ឯកនៃប៉ុស្តិទឹកល្អក់ ឃុំទឹកល្អក់ ស្រុកគងពិសី ខេត្តកំពង់ស្ពឺម្នាក់ ត្រូវបានថ្នាក់លើសម្រេចចាត់ការតាមវិន័យរដ្ឋបាលលេខ០០៦របស់កងកម្លាំងនគរបាកជាតិ បន្ទាប់ពីរកឃើញថា មន្ត្រីរូបនេះជាមេបះបោរដឹកនាំនិងចេញមុខដើររៃលុយពីពលរដ្ឋយកទៅទិញបង្គោលឈើទៅបោះរំលោភលើអចលនទ្រព្យរបស់អ្នកដទៃ។
មន្ត្រីនគរបាលដែលត្រូវថ្នាក់លើដកមកបញ្ឈរជើងនេះ ត្រូវបានប្រភពបង្ហើបថា ឈ្មោះអ៊ុក សុផាត ហៅឌន ។ បុគ្គលនេះ ត្រូវបានថ្នាក់លើរកឃើញកំហុសថា បានដើរប្រមូលលុយពីប្រជាពលរដ្ឋនៅភូមិត្រាវ ឃុំទឹកល្អក់ ស្រុកគងពិសី ខេត្តកំពង់ស្ពឺ ក្នុងមួយគ្រួសារ១០០០០រៀល យកទៅទិញឈើបោះលើដីរបស់អ្នកដទៃក្នុងមហិច្ឆតាចង់អោយម្ចាស់ដីបង់លុយទៅអោយរូបគេ(អ៊ុកសុផាតនិងបក្ខពួក) ខណ:ដែលដីនោះគឺម្ចាស់គេទិញដោយស្របច្បាប់និងមានការទទួលស្គាល់ដឹងព្ញដោយអាជ្ញាធរភូមិឃុំរយ:ពេល៦ឆ្នាំមកហើយ។
ការដកយកមកបញ្ឈរជើងនេះ ធ្វើឡើងបន្ទាប់ពីម្ចាស់ដីបានដាក់ពាក្យបណ្តឹងទៅកាន់ស្នងការដើម្បីចាត់វិធានការចំពោះទង្វើបះបោររារាំងរុករាននិងចូលកាន់កាប់លើអចលនទ្រព្យអ្នកដ៏ទៃ។ យោងតាមប្រភពពីមន្ត្រីនគរបាលស្រុកមួយរូបបាននិយាយថា សកម្មភាពរបស់ឈ្មោះអ៊ុក សុផាតនេះ គឺជារឿងខុសច្បាប់ទាំងស្រុងនេះ សំណាងហើយដែលម្ចាស់ដីគេប្តឹងត្រឹមស្នងការថ្នាក់លើដកយកមកបញ្ឈរជើងចុះបើគេប្តឹងទៅអយ្យការវិញម្លេះសមកាត់ក្របខ័ណ្ឌចោលបាត់ទៅហើយ។ ឈ្មោះអ៊ុក សុផាត នេះ ត្រូវបានថ្នាក់លើចេញលិខិតបង្គាប់ការយកមកបញ្ឈរជើងកាលពីថ្ងៃទី៥មេសា២០២១នៅផ្នែកអន្តរាគមន៍ ។ ក្រោយពេលដែលប្តីត្រូវបានដកយកមកបញ្ឈរជើង ប្រពន្ឋរបស់អ៊ុកសុផាត បានស្វះស្វែងរកអន្តរាគមន៍ ដើម្បីអោយប្តីរបស់ខ្លួនបានវិលទៅកាន់កន្លែងចាស់វិញ តែទំនងគ្មានប្រយោជន៍នោះទេព្រោះនេះជាកំហុសដែលគាត់បានសាងឡើងដោយខ្លួនឯង។
បើតាមប្រភពក្រៅផ្លូវការមួយបានបង្ហើបថា ឈ្មោះ អ៊ុក សុផាត ធ្វើនេះតាមការញុះញង់របស់មន្ត្រីសាលាឃុំមួយរូបជាអ្នកនៅពីក្រោយខ្នង។
បើតាមប្រភពមន្ត្រីនគរបាលស្រុកគងពិសីមួយរូបបានលើកឡើងថាករណីលោកអ៊ុកសុផាតនេះសមតែថ្នាក់លើដកបញ្ឈរជើងអុីចឹងហើយព្រោះយកតួនាទីរបស់ខ្លួនដើរអាងវ៉ាងកាងពលរដ្ឋខុសច្បាប់ទៅរំលោភលើដីកម្មសិទ្ឋិអ្នកដ៏ទៃទាំងងងើលរឿងនេះសូម្បីលោកអអិការក៏គាំទ្រអោយដកទៅបញ្ឈរជើងដែរ ព្រោះលោកអ៊ុក សុផាតនេះ មិនមែនទើបតែមានរឿងម្តងនេះទេ បើតាមដឹងគឺម្ចាស់ដីនឹងបន្តបណ្តឹងទៅតុលាការទៀតចំពោះករណីនេះ៕ ដោយ៖ វង្សសន
ចែករំលែកព័តមាននេះ