ខេត្តក្រចេះ៖ មនុស្សប្រុសស្រីចំនួន៨នាក់ បានចល័តទីតាំងមកពីតំបន់ផ្សេងគ្នា ឆ្លងកាត់ផុតពីគោលដៅរបស់សមត្ថកិច្ចចម្រុះដែលឈរជើងនៅចំណុចអូរច្រឡង់ ឃុំអូរគ្រៀង ស្រុកសំបូ រខេត្តក្រចេះ តែត្រូវបានសមត្ថកិច្ចចម្រុះខេត្តស្ទឹងត្រែងឃាត់ខ្លួនបានជាបន្តបន្ទាប់យកទៅធ្វើចត្តា
ឡីស័ក ។
ប្រភពព័ត៌មានបានឲ្យដឹងថា ប្រជាពលរដ្ឋទាំង៨នាក់នេះបានធ្វើដំណើរឆ្លងកាត់មកពីតំបន់ផ្សេងៗ តាមមធ្យោបាយរថយន្តនិងម៉ូតូធ្វើដំណើរឆ្លងកាត់ ពីគោលដៅបារ៉ាស់ របស់សមត្ថកិច្ចចម្រុះដែលឈរជើងគោលដៅនៅស្រុកសំបូរជាប់ព្រំប្រទល់នៃខេត្តស្ទឹងត្រែង ហាក់មានចំណាត់ការធូររលុងអនុញ្ញាតឲ្យមានការឆ្លងពីខេត្តមួយទៅខេត្តមួយ តែត្រូវកម្លាំងសមត្ថកិច្ចចម្រុះគោលដៅខេត្តស្ទឹងត្រែងជាប់ព្រំប្រទល់ខេត្តក្រចេះឃាត់បានជាបន្តរបន្ទាប់នឹងនាំទៅធ្វើចត្តាឡីស័ក ។
ប្រភពពីសមត្ថកិច្ចខាងស្ទឹងត្រែងបានអោយដឹងថា អ្នកដំណើរដែលមិនត្រូវបានអនុញ្ញាតអោយឆ្លងកាត់ទៅពីខេត្តក្រចេះ ចូលខេត្តរបស់ខ្លួនទេ តែនៅតែចូលជាបន្តបន្ទាប់ ។ ជាក់ស្ដែង ក្រុមការងាររបស់ខេត្តស្ទឹងត្រែងបាននាំខ្លួនបុរសម្នាក់ ដែលបានលួច ចូលទៅក្នុងក្រុងស្ទឹងត្រែង ដោយបានអះអាងថា ជាអ្នកការសែត (រស្មីពន្លឺជាតិ) ហើយយកមកអនុវត្តតាមវិធានសុខាភិបាលកាលពីថ្ងៃទី២០ មេសា ២០២១ ។ ក្នុងសកម្មភាពអនុវត្តវិធានការសុខាភិបាល និងបន្តការហាមឃាត់ការធ្វើដំណើរឆ្លងកាត់ពីខេត្តមួយទៅខេត្តមួយទៀតបន្ថែម តាមសេចក្តីសម្រេចរបស់រាជរដ្ឋភិបាល(លេខ៥២ស-ស-រ) នៅថ្ងៃទី២០មេសា លោកថាវ ប៊ុនថេន អភិបាលរងក្រុងស្ទឹងត្រែង បានបញ្ជាក់ក្រុមការងារខាងខេត្តក្រចេះថា៖ ខាងលោកទទួលបានសេចក្តីរាយការណ៍ពីក្រុមឆ្លើយតបបន្ទាន់ពីករណី ឈ្មោះ លី ម៉ូសា មិនអនុវត្តតាមការណែនាំ និងបានទៅក្នុងក្រុងស្ទឹងត្រែង តាមច្រក របៀង អូរច្រឡង់ និងច្រកស្រែបេង ក្នុងភូមិសាស្ត្ររវាងទឹកដីឃុំអូរគ្រៀង ខេត្តក្រចេះ និងឃុំអូរឬស្សីកណ្តាល ខេត្តស្ទឹងត្រែង ។
លោកបន្តថា ខាងក្រុមយាមប្រចាំការនៅព្រំប្រទល់ក្រចេះស្ទឹងត្រែង មិនអនុញ្ញាតឲ្យឈ្មោះលី មូសានេះចូលមកក្នុងខេត្តស្ទឹងត្រែងទេ ប៉ុន្តែគាត់លួចចូលតាម ច្រករបៀងស្រែបេងទើបអាជ្ញាធរនិងក្រុមឆ្លើយតបបន្ទាន់នៃមន្ទីរសុខាភិបាលនាំខ្លួនមកយកសំណាកនិងឱ្យធ្វើចិត្តាឡីស័កតាមវិធានសុខាភិបាលដើម្បីបង្ការជម្ងឺកូវីដ១៩តែប៉ុណ្ណោះ។
លោកលី ម៉ូសា មានងារជាអ្នកសារព័ត៌មាន (រស្មីពន្លឺជាតិ)បានសារភាពថា៖ គាត់ពិតជាបានលួចចូលមកក្នុង ក្រុងខេត្តស្ទឹងត្រែងពិតប្រាកដមែន ព្រោះគាត់ត្រូវការចាំបាច់មកដកប្រាក់ពីធានាគារ យកទៅទិញសម្ភារដោះស្រាយជីវភាព។ លោកទទួលយកនៅវិធានការដែលក្រុមឆ្លើយតមបន្ទាន់បានអនុវត្តបែបនេះ ព្រោះលោកយល់ថា វាជាគោលការណ៍ដែលយើង ត្រូវចូលរួមអនុវត្តទាំងអស់គ្នាដើម្បីធ្វើឱ្យភូមិឃុំស្រុកខេត្តយើងចៀសផុតកុំឱ្យមានកើតជំងឺឆ្លងកូវីដ១៩ដ៏កាចសាហាវនេះ។
សូមបញ្ជាក់ថា៖ នេះជាករណីទី៣ហើយ ដែលប្រជាពលរដ្ឋឆ្លងកាត់ខេត្តក្រចេះ បានលួចចូលតាមផ្លូវវាងមកក្នុងក្រុងស្ទឹងត្រែងហើយត្រូវ ក្រុមឆ្លើយតមបន្ទាន់ខាងស្ទឹងត្រែងនាំខ្លួនបានយកមកធ្វើចិត្តាឡីស័កទាំងអស់គ្នា សរុបមានចំនួន៨នាក់ ក្នុងនោះមកពីខេត្តត្បូងឃ្មុំ៣ និងខេត្តក្រចេះ៥នាក់។ ដោយ ៖ ប៊ុន លីនណា
ចែករំលែកព័តមាននេះ