ខេត្តកំពត ៖ នៅព្រឹក ថ្ងៃទី២១ ខែមេសា ឆ្នាំ២០២១នេះ រដ្ឋបាលខេត្តកំពតបានប្រកាស បានបង្ហាញអត្តសញ្ញាអ្នកកើតជំងឺកូវីដ១៩ ចំនួន៣នាក់បន្ថែមទៀត ដែលរស់នៅស្រុកកំពង់ត្រាច និងស្រុកឈូក ហើយត្រូវបានបញ្ជូនឲ្យទៅព្យាបាលនៅមន្ទីរពេទ្យខេត្តកំពត ។
រដ្ឋបាលខេត្តកំពតបានបញ្ជាក់ថា អ្នកកើតជំងឺកូវីដ១៩ ខាងលើចំនួន៣នាក់នោះមាន
ទី១- ឈ្មោះ ឈីន សន ភេទប្រុស អាយុ៤២ឆ្នាំ រស់នៅភូមិកោះតាចាន់ ឃុំកំពង់ត្រាច ស្រុកកំពង់ត្រាច ។
ទី២- ឈ្មោះ អន ស្រីយី ភេទស្រី អាយុ២៤ឆ្នាំ មានផ្ទៃពោះ៨ខែ រស់នៅភូមិដើមស្នាយ ឃុំព្រែកក្រឹស ស្រុកកំពង់ត្រាច ។
ទី៣- ឈ្មោះ ភួន ភេន ភេទស្រី អាយុ៣៩ឆ្នាំ រស់នៅភូមិតេជោក្បាលដំរី ឃុំតេជោអភិវឌ្ឍន៍ ស្រុកឈូក ។
បន្ថែមពីនេះ រដ្ឋបាលខេត្ត បានអំពាវនាវដល់ប្រជាពលរដ្ឋ ពិសេសអ្នកដែលជួបប្រាស្រ័យទាក់ទងប៉ះពាល់ដោយផ្ទាល់ ឬប្រយោលជាមួយបុគ្គលខាងលើ សូមធ្វើការទាក់ទងទៅយកសំណាកនៅគ្រប់មន្ទីរពេទ្យក្នុងខេត្តកំពតផងដែរ ៕
ចែករំលែកព័តមាននេះ