ទេវភូមិជាន់ទី៥ឈ្មោះថានិម្មានរតី ។ ឋានពួកទេវតាដែលឈ្មោះថា និម្មានរតី ព្រោះអត្ថថា មានសេចក្តីត្រេកអរក្នុងភោគសម្បត្តិដែលខ្លួននិម្មិតឡើង ។
ទីឋាននៅនៃទេវតាជាន់នេះឈ្មោះថា និម្មានរតីភូមិ ។ ទេវតានិម្មានរតីនេះ មានការប្រាថ្នាសម្បត្តិដែលជាកាមគុណ៥មានរូប សំឡេង ក្លិន រស សម្ផស្ស ក្នុងវេលាណា ក៏និម្មិតឡើងដោយបុញ្ញានុភាព ក្នុងខណៈនោះ នឹងបានសម្រេចដូចបំណងប្រាថ្នាភ្លាមមួយរំពេច ប្រៀបបាននឹងការបត់និងលាដុំដៃដូច្នោះដែរ ។
ស្តេចទេវតាជាធំគ្រប់គ្រងនៅក្នុងជាន់ទី៥នេះ ឈ្មោះសុនិមិត្តៈ ឬនិម្មានរាជាមានអំណាចដាក់អាជ្ញាលើពួកទេពទាំងអស់ដែលអាស្រ័យនៅទីនោះ ៕ សាន សារិន
ចែករំលែកព័តមាននេះ