ខេត្តសៀមរាប ៖ ការរកឃើញអាជីវករលក់ដូរក្នុងផ្សារដែលមានចំនួន២៤នាក់ ហើយត្រូវបានសមត្ថកិច្ចឱ្យធ្វើកិច្ចសន្យាបំពេញកាតព្វកិច្ចពាក់ម៉ាស់ការពារជំងឺកូវីដ-១៩ ធ្វើឡើងនៅថ្ងៃទី២០ មេសា ឆ្នាំ២០២១ នេះ ដឹកនាំដោយលោក ពិន…
ខេត្តសៀមរាប ៖ ការរកឃើញអាជីវករលក់ដូរក្នុងផ្សារដែលមានចំនួន២៤នាក់ ហើយត្រូវបានសមត្ថកិច្ចឱ្យធ្វើកិច្ចសន្យាបំពេញកាតព្វកិច្ចពាក់ម៉ាស់ការពារជំងឺកូវីដ-១៩ ធ្វើឡើងនៅថ្ងៃទី២០ មេសា ឆ្នាំ២០២១ នេះ ដឹកនាំដោយលោក ពិន ប្រាកដ អភិបាលរងខេត្តសៀមរាប រួមជាមួយមន្ត្រីជំនាញ នៃមន្ទីរសុខាភិបាល និងកម្លាំងសហការដោយមន្ត្រីសមត្ថកិច្ច មកពីស្នងការដ្ឋាននគរ បាលខេត្ត និងកងរាជអាវុធខេត្ត។សមត្ថកិច្ចបានឱ្យដឹងថាក្រុមការងារចម្រុះបានរកឃើញអាជីវករចំនួន២៤នាក់ លក់ដូរនៅផ្សារលើធំថ្មី និង ផ្សារសាមគ្គី នៃក្រុងសៀមរាប ពុំយកចិត្តទុកដាក់ និងធ្វេសប្រហែសក្នុងការពាក់ម៉ាសមិនបានត្រឹមត្រូវ និងមួយចំនួនទៀតធ្វេស ប្រហែស មិនពាក់ម៉ាសតែម្តង។
អាជីករទាំង២៤នាក់នោះ ត្រូវបានក្រុមការងារឱ្យអនុវត្តតាមនីតិវិធី ដោយឱ្យសាម៉ីជន ផ្តិតមេដៃលើកិច្ចសន្យា ទទួល យកកាតព្វកិច្ចពាក់ម៉ាស ហើយត្រូវបញ្ឈប់ការធ្វេសប្រហែសរបស់ខ្លួន និងព្រមទទួលរងការផាកពិន័យអន្តរកាលតាមច្បាប់ប្បញ្ញត្តិ បើសិនជាការធ្វេស ប្រហែសនេះ កើតមាននៅលើកក្រោយទៀតនោះ។សមត្ថកិច្ចបានបន្តថា ការ ក្នុងការអនុវត្តក្នុងជំហានទី២ គឺការចុះកិច្ចសន្យាព្រមអនុវត្តកាតព្វកិច្ចពាក់ម៉ាសឲ្យបានត្រឹមត្រូវ បន្ទាប់ពីមានការអប់រំ នៃជំហានទី១ ដែលកិច្ចសន្យានោះ នឹងត្រូវបាន កំណត់ឲ្យជនណា ដែលនៅតែបន្តឱ្យមានការធ្វេស ប្រហែស គឺត្រូវទទួលយកការផាកពិន័យ តាមច្បាប់ដែលបានកំណត់។
បើតាមការបញ្ជាក់ពី លោក ពិន ប្រាកដ អភិបាលរងខេត្តបានឱ្យដឹងថា វាពិតជាកើតចេញពីការទទួលខុសត្រូវ និងក្តីកង្វល់របស់អាជ្ញាធរខេត្ត ដែលយន្តការកាត់ផ្តាច់ខ្សែចម្លងកូវីដ-១៩ ត្រូវបានអនុវត្តតាមរយ: នៃការដាក់ចេញនូវវិធានការផ្សេងៗជាច្រើននោះ ហើយអ្វីដែលកត់សម្គាល់គឺមួយរយ:ចុងក្រោយនេះ កូវីដ-១៩ ត្រូវបានវាយលុកចូលទៅក្នុងផ្សារនានា ដូចជានៅរាជធានីភ្នំពេញ ក្រុងតាខ្មៅ ក្រុងព្រះសីហនុ ហើយនៅក្រុងសៀមរាប ក៏មានផ្សារចំនួន២ ត្រូវបានបិទខ្ទប់ផ្អាកសកម្មភាពបណ្តោះអាសន្ន ១៤ថ្ងៃ កាលពីថ្ងៃទី១២ ខែមេសា កន្លងមកនេះ។
លោក ពិន ប្រាកដ បានឱ្យដឹងទៀតថា បើទោះជាយុទ្ធនាការនេះ បានឈានទៅដល់ការផាកពិន័យនាថ្ងៃខាងមុខ ក៏ប៉ុន្តែអ្វីដែលជាលទ្ធផលចុងក្រោយដែលអាជ្ញាធរខេត្តចង់បាន នោះគឺពុំមែនចង់ បានជាប្រាក់ពិន័យទាំងនោះឡើយ តែគឺការចង់ឃើញប្រជាពលរដ្ឋ ពាក់ម៉ាសបានត្រឹមត្រូវ ដើម្បីការពារអាយុជីវិតទាំងអស់គ្នា។
គួររំលឹកថា បើយោងតាមសេចក្តីជូន ដំណឹងរបស់ក្រសួងសុខាភិបាល ថ្ងៃទី ២៤ ខែមីនា ឆ្នាំ២០២១ ភូមិសាស្ត្ររាជ ធានីភ្នំពេញ, ខេត្តកណ្តាល, ព្រៃវែង និងខេត្តសៀមរាប ត្រូវបានកំណត់យកជាភូមិសាស្ត្រ ដែលមានការឆ្លងរាលដាលនៃជំងឺកូវីដ-១៩ ក្នុងព្រឹត្តិការណ៍សហគមន៍ ២០ កម្ភ: ហើយដែលតម្រូវឲ្យអនុវត្តកាតព្វកិច្ចពាក់ម៉ាស និងកាតព្វកិច្ចរក្សាគម្លាតសុវត្ថិ ភាព ក្នុងអំឡុង នៃការឆ្លងរាលដាលជម្ងឺកូវីដ-១៩ ។ តាមច្បាប់ជនណាមិនពាក់ម៉ាស បង្កហានីភ័យ នៃការចម្លង ត្រូវពិន័យជា ប្រាក់ ពី២០ម៉ឺនដល់១លានរៀល៕ ដោយ៖ ច័ន្ទ រស្មី
ចែករំលែកព័តមាននេះ