ព្រះពុទ្ធសាសនាជាសាសនានាំមកនូវសុខសន្តិភាពក្នុងដំណើរជីវិត គោលបំណងចម្បងនៃការសិក្សា និងបដិបត្តិព្រះពុទ្ធសាសនាមាន៤យ៉ាងដែលមានខ្លឹមសារដ៏ទូលំទូលាយគឺៈ
១-សិក្សា និងបដិបត្តិព្រះពុទ្ធសាសនា ដើម្បីទទួលនូវចំណេះដឹង និងការយល់ដឹងដើម្បីបង្កើតបញ្ញា ភាពឈ្លាសវៃ ឬភាពវៃឆ្លាតអំពីជីវិត និងសង្គម ។
២-សិក្សា និងបដិបត្តិ ដើម្បីទទួលបានសេចក្តីស្ងប់ សន្តិភាព និងសេចក្តីសុខ សុភមង្គលនៅក្នុងជាតិនេះ ។
៣-សិក្សា និងបដិបត្តិ ដើម្បីទទួលនូវជីវិតប្រកបដោយសេចក្តីសន្តោស និងភាពសម្បូណ៌សប្បាយទៅអនាគតជាតិ បរលោកនាយ ។
៤-សិក្សា និងបដិបត្តិ ដើម្បីសម្រេចបាននូវគោលបំណងដ៏ប្រសើរថ្លៃថ្លា ឧត្តុង្គឧត្តមបំផុត សេចក្តីសុខដែលទៀងទាត់ ឥតប្រែប្រួល ជាបរមសុខ ពោលគឺព្រះអមតមហានិព្វាននៅអវសានជាតិ ។
ព្រះពុទ្ធសាសនាត្រូវបានអ្នកទស្សនវិទូក្នុងលោកប្រសិទ្ធនាមថាជាសាសនាសន្តិភាព ឬជាសាសនាស្វែងរកសុខសន្តិភាពជូនមនុស្សជាតិនៅលើសកលទ្វីបទាំងមូល ៕ សាន សារិន
ចែករំលែកព័តមាននេះ