រាជធានីភ្នំពេញ ៖ ក្រសួងធនធានទឹក និងឧតុនិយមបានបញ្ជាក់នៅថ្ងៃទី២០ មេសា បានឱ្យដឹងថា ចាប់ពីថ្ងៃទី២១ ដល់២៧ មេសាតំបន់មួយចំនួននឹងមានភ្លៀងធ្លាក់ពីតិចទៅច្រើន ។…
រាជធានីភ្នំពេញ ៖ ក្រសួងធនធានទឹក និងឧតុនិយមបានបញ្ជាក់នៅថ្ងៃទី២០ មេសា បានឱ្យដឹងថា ចាប់ពីថ្ងៃទី២១ ដល់២៧ មេសាតំបន់មួយចំនួននឹងមានភ្លៀងធ្លាក់ពីតិចទៅច្រើន ។
យោងតាម សេចក្តីជូនដំណឹងរបស់ក្រសួងធនធានទឹកស្ដីពីស្ថានភាពធាតុអាកាសចាប់ពីថ្ងៃទី២១-២៧ ខែមេសា ឆ្នាំ២០២១ បានឱ្យដឹងថា ជ្រលងនៃសម្ពាធទាបឥណ្ឌាបាននឹងកំពុងបង្កើនឥទ្ធិពលគ្របដណ្ដប់មកលើប្រទេសកម្ពុជាជាមួយ និងខ្យល់ប្រែប្រួល (Variable winds) បក់មកពីភាគខាងត្បូង និងភាគអាគ្នេយ៍ ។
ក្រសួងបន្តថា ស្ថានភាពបែបនេះនឹងធ្វើឲ្យបណ្តាខេត្តនៅតំបន់វាលទំនាបកណ្ដាល មានសីតុណ្ហភាពអប្បបរមា មានពី ២៣-២៥ អង្សាសេនឹង សីតុណ្ហភាពអតិបរមា មានពី ៣២-៣៤ អង្សាសេ នឹងអាចមានភ្លៀងធ្លាក់រាយប៉ាយ ក្នុងកម្រិតខ្សោយទៅបង្គួរ ។
ក្នុងនោះក៏មានផ្នែកមួយចំនួនន បណ្តាខេត្តនៅភាគខាងត្បូង និងភាគពាយ័ព្យ មានភ្លៀងធ្លាក់ច្រើន ។ ចំណែកបណ្តាខេត្ត ដាប់ជួរភ្នំដងរែក និងខ្ពង់រាបឦសានមានសីតុណ្ហភាពអប្បបរមា មានពី ២៣-២៥អង្សាសេនឹងមានសីតុណ្ហភាពអតិបរមា មានពី ៣៣-៣៥ អង្សាសេ នឹងអាចមានភ្លៀងក្នុងកម្រិតពីខ្សោយទៅបង្គួរ ។
ដោយឡែកតំបន់មាត់សមុទ្រ មានសីតុណ្ហភាពអប្បបរមា មានពី ២៤-២៦ អង្សាសេ និងសីតុណ្ហភាពអតិបរមា មានពី៣២-៣៤អង្សាសេ នឹងអាចមានភ្លៀងធ្លាក់ពីមធ្យមទៅច្រើន ។
ជាមួយគ្នានោះដែរ ក្រសួងក៏បានលើកឡើងថា ស្ថានភាពធាតុអាកាសដូចបានជម្រាបជូនខាងលើ សូមសាធារណជនជ្រាបជាព័ត៌មាន និងសូម ប្រុងប្រយ័ត្នចំពោះបាតុភូតផ្គរ រន្ទះ ខ្យល់កន្ត្រាក់ និងរលកសមុទ្រខ្ពស់ ៕
ចែករំលែកព័តមាននេះ