ខេត្តបាត់ដំបង៖ ជនសង្ស័យចំនួន០៣នាក់ ត្រូវបានសមត្ថកិច្ចឃាត់ខ្លួនជាមួយនឹងវត្ថុតាងគ្រឿងញៀន១កញ្ចប់ធំ កាលពីវេលាម៉ោង១និង៣០នាទីរសៀលថ្ងៃទី១៨ មេសា ខណ:ដែលពួកគេកំពុងប្រព្រឹត្តបទល្មើសជាក់ស្ដែងនៅចំណុចភូមិវត្តកណ្ដាល ឃុំរាំងកេសី ស្រុកសង្កែ។ លោក សុខ…
ខេត្តបាត់ដំបង៖ ជនសង្ស័យចំនួន០៣នាក់ ត្រូវបានសមត្ថកិច្ចឃាត់ខ្លួនជាមួយនឹងវត្ថុតាងគ្រឿងញៀន១កញ្ចប់ធំ កាលពីវេលាម៉ោង១និង៣០នាទីរសៀលថ្ងៃទី១៨ មេសា ខណ:ដែលពួកគេកំពុងប្រព្រឹត្តបទល្មើសជាក់ស្ដែងនៅចំណុចភូមិវត្តកណ្ដាល ឃុំរាំងកេសី ស្រុកសង្កែ។
លោក សុខ និមល ប្រធានការិយាល័យប្រឆាំងបទល្មើសគ្រឿងញៀន បានឲ្យដឹងថា មុខសញ្ញាជួញដូរគ្រឿងញៀនដែលឃាត់ខ្លួនចំនួន០៣នាក់នោះ មាន១-ឈ្មោះ ខន ម៉ៅ អាយុ៤៦ឆ្នាំ នៅភូមិចក ឃុំកកោះ ស្រុកមោងឬស្សី ២-ឈ្មោះ ចាន់ សុធារ៉ាត់ ហៅ ជាង អាយុ២៤ឆ្នាំ នៅភូមិ-ឃុំត្រពាំងជង ស្រុកបាកាន ខេត្តពោធិសាត់ និង៣-ឈ្មោះ ហាង សុផល ហៅ ចយ អាយុ៣១ឆ្នាំ នៅភូមិ.ឃុំកើយហេតុខាងលើ។ លោកបានបញ្ជាក់ថា ជនទាំង០៣នាក់ខាងលើនេះ ត្រូវបានកម្លាំងជំនាញមូលដ្ឋានឃាត់ខ្លួនបាន នៅពេលកំពុងធ្វើសកម្មភាពជាក់ស្ដែង ពាក់ព័ន្ធនឹងការជួញដូរគ្រឿងញៀន។
បើយោងលើរបាយការណ៏សមត្ថកិច្ច ជនសង្ស័យបានណាត់ជួបគ្នាដើម្បីលក់ដូរគ្រឿងញៀន ហើយបន្ទាប់ពីកំណត់មុខសញ្ញានេះបាន និងគោលដៅណាត់ជួបរបស់ពួកគេ ទើបកម្លាំងជំនាញតាមដានសកម្មភាពពួកគេជាប់រហូតឈានដល់ការបង្ក្រាបបានទាំង០៣នាក់តែម្ដង។ នៅក្នុងរបាយការណ៏ដដែលបានឲ្យដឹងថា ជាមួយនឹងការឃាត់ខ្លួន សមត្ថកិច្ចដកហូតបានថ្នាំញៀនប្រភេទមេតំហ្វេតាមីន ICE (ម៉ាទឹកកក)ចំនួន០១កញ្ចប់ធំ ដែលមានទម្ងន់២,៦៩ក្រាម, ម៉ូតូ១គ្រឿងដែលជាមធ្យោបាយសម្រាប់ជិះធ្វើសកម្ម ភាព រួមទាំងវត្ថុតាងពាក់ព័ន្ធមួយចំនួនទៀត។
លោកសុខ និមល បានស្រង់ចម្លើយក្រុមជួញដូរគ្រឿងញៀនទាំង០៣នាក់នោះ ដោយពួកគេបានសារភាពទទូលស្គាល់វត្ថុតាងទាំងហើយថា ថ្នាំញៀនដែលសមត្ថកិច្ចរឹបអូសបានទាំងនោះ រួបទាំងវត្ថុតាងដទៃទៀតផង ពិតជារបស់ពួកខ្លួនមែន។ លោកបានបញ្ជាក់ថា ពេលនេះលោកស្នងការ បានបញ្ជាឱ្យមន្ត្រីជំនាញសួរនាំ ដើម្បីកសាងសំណុំរឿងបញ្ជូនពួកគេទៅកាន់សាលាដំបូងខេត្តហើយ៕ ដោយ៖ ឆោម ពិសម័យ
ចែករំលែកព័តមាននេះ